معاهم فلوس
و الى معاه قرش و محيره يجيب حمام و يطيره
عرض للطباعة
معاهم فلوس
و الى معاه قرش و محيره يجيب حمام و يطيره
من ناحيه ايه بالظبط وعلى اساس ايه مفيش حد سيد على البلد دى على شان مصر طول عمرها الاصل من زمان
اليومين دول بس هى عندها برد وشويه امراض وان شاء الله هترجع تانى زى ما كانت على ايد اولادها الشرفاء الى بيحبوها
كل الفكره ان احنا بنتكلم عن المقارنه على اساس كل دوله فيها ايه مش مشكله ان مصر لا يوجد ان شاء الله هترجع تانى زى ما كانت زمان وتبقى هى الاصل زى ما كانت
آآآآآآآآآآآآآآآآآآآآآآآآآ آآآآآآآآآآآه .. يا عيني علينا والله
واحده قريبتى اتجوزت وقعدت فى الكويت وكان عندهم بيت هناك وساعه حرب الكويت والعراق (عاصفه الصحراء) البيت اضرب وهما كان هنا فى مصر هربانين من الضرب ولما رجعوا الدوله دفعتلهم فلوس بناء بيت من جديد دورين وشقه يقعدوا فيها لغايه مايخلص البيت ولما خدوا الجنسيه ادولهم بيت تانى هما وولادهم وطبعا غير مرتب الاولاد
.......................عظيمه يامصر:(
يا سيدي أنا للأسف زفت مصري لكن ليه عمة وعم كويتة وولاد عمي و عمتي دول كويتة والكويتة أحسن مننا مليون مرة وأسياد البلد التعبانة دي و انشاء الله هيجيلي شغل في الكويت و اروح و آخد الجنسية انشاء الله عشان أسقط الجنسة الزبالة دي على فكرة أنا مهندس اتصالات و من أوائل كلية الهندسة جامعة القاهرة 2002 وكنت مسافر بره وبقالي 6 شهور بدور على شغل رغم اني وصلت بره مدير مشاريع في شركة أمريكية عرفت ليه احنا في بلد زبالة !!!!!!!!!!
انا مختلف معاك تماما فى اللى انت قولته
انت بتقول "يا سيدي أنا للأسف زفت مصري" لو مقتنع بكده انت حر بس شيل كلمه مصر ى ممكن نتتفق معاك
اما موضوع سفرك فاتمنالك التوفيق انشاء الله و وكلنا بندعيلك
بقالك 6 شهور بتدور على شغل و كنت بتشتغل بره ( فين؟) وناجح ايه اللى رجعك مصر بدون شغل تانى؟ وبعدين مش لاقى شغل 6 شهور كده البلد بقت زباله!! علشان مش لاقى شغل ؟ مش يمكن امكانياتك كده او تفكيرك فى الشغل غلط
احنا مش بلد زباله لكن فى بعض اللى عايشين فيها زباله لو فى شقه عايش فيها بنى ادم نظيف هتفضل نظيفه و لو قعد فيها زباله هتبقى زباله. الشقه هى الشقه و الفرق بين البنى ادم و الزباله
وبعدين احسن مننا و اسياد البلد ده ليه انشاء الله ؟ راجع نفسك فيها وفكر كويس بلاش التفكير المادى البحت. انا مستغرب التفكير ده لواحد عمره اكتر من 29 سنه.
يعنى لما هيبقى عندك اولاد و يسألوك احنا بلدنا زباله يا بابا؟ اصل احنا سمعنا ان انت قولت كده و اصحابنا بيقولوا ان احنا زباله هترد تقول ايه؟
و لما واحد كويتى يشتمك و يقولك يا مصرى يا زباله . رد فعلك ايه؟
اسمع القصه دى:
واحده ست غنيه جدا راجعه بالليل فى اشاره المرور لمحت كلب صغير مسكين بيتكتك من البرد طلع فى دماغها عمل انسانى انها تاخده و تربيه. وفعلا كبر الكلب و عاش عيشه ملوك عمره مكان يحلم بيها. ماتت الست و كتبت ثروتها للكلب و اصبح هو سيد البيت و عنده فوق العشره اشخاص يخدموه و طبعا مستحملين المزبله اللى عاملها فى البيت. مرت الأيام و الثروه اتبددت و تراكمت الديون و ساب الشغل واحد ورا التانى لحد ما اصبح الكلب بدون اى مأوى و رجع يعيش زى كل الكلاب تانى فى الشارع ياكل بواقى الأكل من الزباله. مرت الأيام و شافه واحد من اللى كانوا بيشتغلوا فى البيت و عرفه و صعب عليه جدا العشره وقرر انه يعطف عليه واخده بيته و عاش معاه. لكن المره دى عاش كلب طبيعى جدا من خير سيده صاحب البيت.
ربنا ينور طريقك و يهديك للخير.
للاسف التغريب وصل بالناس لمستوى عجيب فى انهم ميفرقوش بين الوطن وظروف فى الوطن
فنسمع ان لحم كتافى من خير مين ودى بلد زبالة ودول اسيادكم
ياريت اللى شايف حد سيده يتكلم بصفة شخصية بس
علشان احنا ملناش اسياد