ادخل وانت تندم

**evoo90** · 03-08-2009 12:03 PM

ياجماعه العيب مش فى البلد مصر هتفضل ام الدنيا ومهد الحضارات والديانات كلها العيب فى البعض مننا الحراميه ومش بقصد الحرامى اللى بيسرق عشان يتغدى او يجيب لولاده هدوم والازى منه اقصد الحرامى اللى بيسرق عشان يبنى الفيلا بتاعه ابنه السابع ولا يجيب عربيه لبنته الصغيره و المقصودين معرفون بالواحد
مثال بسيط :
مكان ومن غير ذكر اسامى تابع لشركه كبيره جدا جدا وعلى اعلى مستوى فى الشرق الاوسط
المكان ده الشركه دى بتبعت له كل شهر ما لا يقل عن نصف مليون جنيه !! والمكان ده ربحه فى الشهر مايقلش برده عن نص مليون وارباح مشاريع خاصه داخل المكان ده حوالى 400 الف جنيه المحصله كلها نقول مليون ونص عارفين بتروح فين ؟؟؟
عدد العمال فى المكان ده تقريبا 35 عامل مرتب كل واحد فيهم 200 جنيه بالجمع 200ْx 35 = حوالى 7000 قولوا 10000 جنيه مرتبات شهريه ومصاريف على المكان اللى بتتعمل مرتين ولا 3 مرات فى السنه قولوا 50 الف يبقى المجموع كله 70 الف وعشان الحبايب نقول 100 الف من مليون ونص يتبقى مليون و400 الف !!!!!!!!!!!!! يعنى بعد الحفله دى ماتصرفش الا 100 الف بس قولولى بقى الباقى بيروح فين!!!

البلد دى مش وحشه احنا اللى وحشين وطماعين وربنا يرحمنا ويهدينا..

**Mohamed.Ramah** · 03-08-2009 12:46 PM

ازبل بلد فى العالم احنا اخدنا المركز الاول وبجدارة لينا حق لما ميعجبناش العيشة هنا فى ظل الظرف اللى حوالينا من تقريرك كدة بان النصب واحنا ملناش حقوق ومخدوعين وبنجرى وراء لقمة العيش كل اللى بنفكر فية حناكل ازاى حنعيش ازاى ونفسنا نتجوز لاكن الواحد مش بيبص ولا بيطالب بحقوقة ودة واضح من الاعتصمات بتاعت الاطباء والمعلمين والمهندسين والمحامين وغيرة دا مفيش حد فى مصر معتصمش وعمل مظاهرة وشكرا على التقرير اللى نرفزنى اوى

**lancerevolution** · 03-08-2009 02:03 PM

المشاركة الأصلية كتبت بواسطة hondawy_2008

يا سيدي أنا للأسف زفت مصري لكن ليه عمة وعم كويتة وولاد عمي و عمتي دول كويتة والكويتة أحسن مننا مليون مرة وأسياد البلد التعبانة دي و انشاء الله هيجيلي شغل في الكويت و اروح و آخد الجنسية انشاء الله عشان أسقط الجنسة الزبالة دي على فكرة أنا مهندس اتصالات و من أوائل كلية الهندسة جامعة القاهرة 2002 وكنت مسافر بره وبقالي 6 شهور بدور على شغل رغم اني وصلت بره مدير مشاريع في شركة أمريكية عرفت ليه احنا في بلد زبالة !!!!!!!!!!

و لو ماكنش فى مهندسين مصريين ولا دكاترة مصريين فى الكويت كانت هتبقى فين
و بعدين المصريين هما الى بنوا الكويت و كمان دافعنا عنهم فى حرب الخليج كفاية إن معندناش قواعد أمريكية فى البلد و مش أمريكة هى الى بتحمينا و كمان مساعدناش قوات أمريكية على ضرب العراق من أراضينا
من الأخر بنكسب من شغلنا مش من شغل غيرنا
و أسياد إيه من غير مصر مكنتش هتبقى دولة أصلا كانت هتبقى كلها هنود و فلبينين و مهندسين بترول أمريكان

**zooma2** · 03-08-2009 02:45 PM

انا مختلف معاك تماما فى اللى انت قولته

انت بتقول "يا سيدي أنا للأسف زفت مصري" لو مقتنع بكده انت حر بس شيل كلمه مصر ى ممكن نتتفق معاك
اما موضوع سفرك فاتمنالك التوفيق انشاء الله و وكلنا بندعيلك
بقالك 6 شهور بتدور على شغل و كنت بتشتغل بره ( فين؟) وناجح ايه اللى رجعك مصر بدون شغل تانى؟ وبعدين مش لاقى شغل 6 شهور كده البلد بقت زباله!! علشان مش لاقى شغل ؟ مش يمكن امكانياتك كده او تفكيرك فى الشغل غلط

احنا مش بلد زباله لكن فى بعض اللى عايشين فيها زباله لو فى شقه عايش فيها بنى ادم نظيف هتفضل نظيفه و لو قعد فيها زباله هتبقى زباله. الشقه هى الشقه و الفرق بين البنى ادم و الزباله

وبعدين احسن مننا و اسياد البلد ده ليه انشاء الله ؟ راجع نفسك فيها وفكر كويس بلاش التفكير المادى البحت. انا مستغرب التفكير ده لواحد عمره اكتر من 29 سنه.
يعنى لما هيبقى عندك اولاد و يسألوك احنا بلدنا زباله يا بابا؟ اصل احنا سمعنا ان انت قولت كده و اصحابنا بيقولوا ان احنا زباله هترد تقول ايه؟
و لما واحد كويتى يشتمك و يقولك يا مصرى يا زباله . رد فعلك ايه؟

اسمع القصه دى:
واحده ست غنيه جدا راجعه بالليل فى اشاره المرور لمحت كلب صغير مسكين بيتكتك من البرد طلع فى دماغها عمل انسانى انها تاخده و تربيه. وفعلا كبر الكلب و عاش عيشه ملوك عمره مكان يحلم بيها. ماتت الست و كتبت ثروتها للكلب و اصبح هو سيد البيت و عنده فوق العشره اشخاص يخدموه و طبعا مستحملين المزبله اللى عاملها فى البيت. مرت الأيام و الثروه اتبددت و تراكمت الديون و ساب الشغل واحد ورا التانى لحد ما اصبح الكلب بدون اى مأوى و رجع يعيش زى كل الكلاب تانى فى الشارع ياكل بواقى الأكل من الزباله. مرت الأيام و شافه واحد من اللى كانوا بيشتغلوا فى البيت و عرفه و صعب عليه جدا العشره وقرر انه يعطف عليه واخده بيته و عاش معاه. لكن المره دى عاش كلب طبيعى جدا من خير سيده صاحب البيت.

ربنا ينور طريقك و يهديك للخير

أحلى كلام .....الله ينور عليك قلت اللي كان نفسي اقوله
وعلى فكرة انا كنت عايش ف دبي يعني طبعا مفيش مقارنة بينها وبين الكويت بتاعة ال....... بس الحمد لله نزلت واشتغلت في مصر اسرع مما كنت اتخيل والحمد لله مبسوط ف مصر جدا (طبعا قبل ما اسافر كنت من اشد الناس كرها لمصر) بس اللي شفته هناك خلاني اعرف قيمتها
والله العظيم البلا ديد اللي متعمق في احوالها ويعرف مواطنيها و مش شايفها من بره بس هيشوف بلاوي ويعرف ان مصر أم الدنيا بجد يكفي ان بقالها قرون بتتسرق ولسه واقفة على رجليها
على فكرة تكاليف الزواج هناك اكتر من مليون درهم والشباب مش عارفين يتجوزوا اصلا

**أشرف العدوي** · 03-08-2009 04:18 PM

انا ليا قرايبي عايشين في هولندا
تصدقوا انهم بيدوا مدمنين النخدرات معونة شهرية لشراء المخدرات و السبب في كدة علشان يقللوا الجرائم التي ترتكب للحصول على اموال المخدرات