تكييف التيدا 2009 بيأثر على سحب العربيه هل دا طبيعى

**astalavistaghost** · 30-07-2009 11:07 AM

السلام عليكم و رحمة الله و بركاته

اولا انا معايا نيسان تيدا 2009 و قرأت عليها كتير جدا و اقتنعت بيها جدا
بس اول ما جيبتها لقيت ان التكييف بيأثر على سحب العربيه لكن الناس نصحونى استنى شويه لما فترة التليين تعدى
و بصراحه هيه فعلا مستمره انا دلوقتى عامل بيها 7000 كيلو و المشكله زى ما هيه
التأثير ملحوظ و خصوصا فى السرعات المنخفضه يعنى العربيه مش بتجمع و أنا مشغل التكييف زى ما بتجمع و نا قافله
هل الموضوع دا طبيعى مع النيسان ككل ولا هيه التيدا كده ولا ان عربيتى محتاجه صيانه من نوع معين
اللى مضايقنى فعلا ان انا ركبت التويوتا ياريس قبل كده فتره كبيره و ماكانش دا بيحصل ابدا مع انها 1300 و التيدا 1600
ارجو الإفاده
شكرا

**aesaad** · 30-07-2009 12:18 PM

أنا معايا تيدا 2009 وبقالها معايا حوالى شهرين وعامل بيها 6000 كيلو حتى الآن، وماعنديش أى مشكلة خالص فى موضوع السحب، بالعكس دانا كان معايا لانسر 2007 مانيوال 1600 وحاسس إن سحب التيدا ممتاز حتى مع التكييف أكتر من اللانسر.

أنا باستخدم بنزين 92، هل بالنسبة لك نفس البنزين ولا بتستخدم 90؟ لو كان كده يبقى أكيد ده السبب.

وعموماً لو عندك أى تساؤل تانى بخصوص التيدا قوللى وربنا يسهل وأقدر أفيدك.

أشرف

**Ahmed.TV** · 30-07-2009 03:00 PM

ياريت لما تعمل الصيانة الجية خاليهم يكشفوا على التكيف ويشوفوا الفلاتر وقولهم على الموضوع ده لان غريبة فى التيدا الموضوع ده وخصوصا وهى يابانى وماتور 1600 سى سى ولا ايه يا جماعة