السلام عليكم؛
سؤالي عن الخدوش اللي بتحصل مع الوقت وعوامل التعرية في زجاج العربية الأمامي والخلفي ، والخدوش دي غالباً ما بتعمل تشويش في الرؤية ليلاً.
فهل في طريقة نقدر بيها نشيل الخدوش دي ، حاجة زي الصنفرة كده؟
عرض للطباعة
السلام عليكم؛
سؤالي عن الخدوش اللي بتحصل مع الوقت وعوامل التعرية في زجاج العربية الأمامي والخلفي ، والخدوش دي غالباً ما بتعمل تشويش في الرؤية ليلاً.
فهل في طريقة نقدر بيها نشيل الخدوش دي ، حاجة زي الصنفرة كده؟
اوعى تعمل فيها اى حاجة
اوعى تغلط غلطتى وتروح لحد يشتغلك ويعمل فيها ابو العريف ويبوظلك الزجاج
استحملة كدة وامرك للة
ملهوش اى حل
هو ايه اللي حصل عند حضرتك؟اقتباس:
المشاركة الأصلية كتبت بواسطة ehabbasha30
مافيش داعي للتعب ، أنا لقيت الموضوع بتاع حضرتك خلاص.اقتباس:
المشاركة الأصلية كتبت بواسطة themedjai
الاستاذ صاحب السؤال
فى مركز معروف جدا لاصلاح شروخ وخدوش زجاج السيارات اسمه دكتور خالد وتقريبا فى فرع فى مصر الجديدة فى الميرغنى جنب أبو شقرة عالطول وهو بيصلحه عن طريق الأشعة ,
لو انا عرفت ألاقى نمرته هاقولك عليها
طب ما تيجى ناخد حاجتين على السريع كده انطلاقا من مبدأ الوقاية خير من العلاج
الاولى انك متشغلش مساحة العربية على الناشف بدون ماء لانها بتحرك العفار وزرات التراب على الزجاج فيتم تجريحه
الثانية انك متمشيش ورا عربية نقل تكون محملة طوب او زلط او رمل وخاصة فى الطرق السريعة لان دى ممكن مش تكسر الزجاج فقط دى ممكن تخلى الواحد يعمل حادثة لاقدر الله ودى عن تجربة شخصية كنت مسافر بنى سويف ولقيت زلطة نطت من عربية نقل كانت قدامى الحمد لله انها كانت بعيدة عنى شوية فمنتطش فى الزجاج بس قعدت تخبط فى العربية من تحت خلت قلبى وقع فى رجلى واتبرجلت جامد قوى بس الحمد لله ربنا ستر
يعني هو في تقنية تقدر تخلي الخدوش تروح؟اقتباس:
المشاركة الأصلية كتبت بواسطة sherif_84
شكراً يافندم على النصيحة ، بس برضه الأمر مابيسلمش والازاز لازم هايتخدش يعني هايتخدش.اقتباس:
المشاركة الأصلية كتبت بواسطة sayedafandy
حماية الزجاج من الخدوش موجودة ... بس مش عارف و الله موجوده في مصر و لا لأ ؟؟
هو عبارة عن طبقة لاصقة زي الفاميه بس شفافة خااالص .. ماتحسش بوجودها اصلاُ .
و علاج الخدوش و الشروخ كمان موجود .. سائل بيتنقط على الجزء المتضرر بقطارة كده .. و بعدين بيتسلط عليه لمبة و الله اعلم فوق بنفسجية ... و يتحط عليه لزق شفاف عادي .. و تاني يوم بعد الضهر بتشيله .. و تلاقي الزجاج رجع جديد . و الكلام ده عن تجربة شخصية ..
اقتباس:
المشاركة الأصلية كتبت بواسطة sherif_84
بالنسبة للشروخ ممكن لكن الخدوش مفيش لها حل
انا كلمتة وسالتة بنفسى
يعني ما فيش حل للخدوش
فرأي ملهاش حلول مؤثرة
المشكله ان الواحد بيحس ان في حاجه غلط ما بيكونش مظبط