هل المقصود بيها خرطوم البخار اللي خارج من خرطوم فايظ الزيتاللي عند وش غطاء التاكيهات. ورايح للبوابه ؟؟؟.اقتباس:
+111111111111111111
انا كمان مش فاهم كاوتشة اى بخار
منتظرين الرد...
عرض للطباعة
هل المقصود بيها خرطوم البخار اللي خارج من خرطوم فايظ الزيتاللي عند وش غطاء التاكيهات. ورايح للبوابه ؟؟؟.اقتباس:
+111111111111111111
انا كمان مش فاهم كاوتشة اى بخار
منتظرين الرد...
الحقيقه كنت قبل كده أتكلمت فى موضوع الخراطيم بتاعة البخار وعملية التنفيس عن كرتير المكنه قبل كده مع أخونا : محمد ممدوح .....ولكن وجدت جديد من خلال أطلاعى وعاوز أعرضه عليكم
- نظام تهوية علبة المرفق ( الكرتير ) عندنا بيطلق عليه نظام تهويه جبرى (أرغامى ) أو موجب
positive crankcase ventilation control system......حنسميه أختصارا pcv كنوع من الأختصار للكلمات ....النظام ده بيعمل أزاى
- النظام ده بيستخدم للتخلص من كل غازات الكرتير كالآتى بطريقة الأرغام الجبرى
1- هواء نظيف من فلتر الهواء (تقريبا الخرطوم الكبير ) بيتم أرساله للكرتير ...أزاى ....الله أعلم ....ومن جهة توقعى ....بيتم ملء حوض التاكيهات بالهواء من الخرطوم ده ....
2- بعد كده الهواء بينزل للكرتير من خرطوم من خلف المكنه فى نهاية رأس السلندر ثم الى ماسوره راكبه على البلوك من الخلف.... ثم
بطن المكنه لعمل نظافه شامله لكل الغازات
3- الهواء والغازات دى بعد كده بيروحوا من خرطوم فاكيوم الى مجمع الهواء (المانيفولد ) وده تقريبا الخرطوم الرفيع اللى بيطلع من خلف المكنه من أعلى (فى المنتصف تقريبا من الخلف ).....أزاى برضه ....الله أعلم
أحتمال فيه فتحه فى أعلى البلوك سلندر......هى اللى بناخد منها الهواء والغازات ....ومنها للمانيفولد ....ده مجرد تخيل للتهويه الجبريه للمحرك
وده الموضوع اللى أتكلمنا فيه قبل كده ....ولكن لقيت الكلام الجديد اللى طرحته حالا
http://www.nilemotors.net/Nile/showthread.php?t=81264
الكارتير اصلا ضغط الهوا فيه ضغط موجب نتيجة التسرب المستمر للغازات من غرف الحريق الى الكارتير و على العكس منطقة فلتر الهواء فيها ضغط سالب (فراغ) نتيجة سحب الهواء بواسطة البساتم بالتالى نظرية ملء الكارتير بالهواء من خرطوم من فلتر الهواء مش صح
اللى بيحصل ان الخرطوم الواصل بين غطاء التاكيهات و منافولد السحب بيوصل الغازات الهاربة من الكارتير (ذات الضغط العالى) الى المنافولد (منطقة الضغط المنخفض) للتخلص منها
MMamdouh
خللى بالك يا أبو حميد ......اقتباس:
على العكس منطقة فلتر الهواء فيها ضغط سالب (فراغ) نتيجة سحب الهواء بواسطة البساتم بالتالى نظرية ملء الكارتير بالهواء من خرطوم من فلتر الهواء مش صح
الضغط قبل البوابه مش سالب .....وبيعادل الضغط الجوى ....تقريبا 1.02 كج / سم المربع (1 بار تقريبا )....
أما بعد البوابه يببقى سالب فعلا ....مع فتح البوابه .....والنظريه دى بيستفاد منها فى بعض أنظمة الegr ....وبيبقى فيها معادل للضغط لتشغيل بلف الegr ....بسبب أختلاف الضغوط قبل وبعد البوابه ( فى العربيات التويوتا ) ...........عموما ....أنا أستغربت زيك فعلا لما قريت كلام الكتالوج عن نظام التهويه الجبريه .....أطلع عليه ......وترجمه براحتك ....لأنه كلام مختصر جدا للأسف .....بس دقق معاه كويس جدا .......حتلاقينى عندى حق .....فى تعليقى السابق
ده كلام عن القصه دى من كتالوج الدايو
الحقيقه ...أنا شايفه كلام منطقى جدا ....أن الخرطوم الكبير اللى فى شمال المكنه بعد الفلتر ....يبقى فيه هواء نظيف متفلتر بس ( طبعا مع المكنه الكويسه )..........طيب ....ليه
1- علشان أشارة الهواء اللى حنخدها من بعد البوابه لتشغيل حساس الماب يبقى نظيفه .....مثلا ...والا الحساس ممكن يليس ويبوظ والحساس على مدخله فلتر صغير فعلا زياده فى أمان الترشيح .....حتى لو فلتر الهواء عدى شوائب ....بس ميروحش لفلتر الحساس زيت ....لو الخرطوم ده كان فيه أبخرة زيوت مع تفويت المكنه الخفيف ....فلتر الحساس حيلس ويبوظ الحساس
2- مش معقول برضه .....حنودى أشاره هواء ملوثه لتشغيل نظام الفراغ بتاع تكييف النوبيرا مثلا ......اللى مغلبنا معاه ....
3- فيه خرطوم فراغ برضه على بوابة النوبيرا لتشغيل منظومة الegr تقريبا .....على ما أتذكر تقريبا ...أناكنت مراجعه على الطبيعه فعلا الخرطوم ده ....بس مشوشر معايا شويه دلوقتى
المهم فيه ثلاث خراطيم أشاره ....والمفروض يبقوا نظاف ....وغير ملوثه بأبخرة زيوت
الحقيقه كانت مفاجئه غريبه عليا برضه .....بس يجب أن يكون الهواء فعلا نظيف .....اللى جاى من الفلتر للبوابه
معلش انا اول مرة اختلف مع كلام الكتالوج بس الكلام دة هجس لسبب... مينفعش باى حال من الاحوال الهوا ينتقل من منطقة الضغط المنخفض الى منطقة الضغط المرتفع
و احنا بالفعل اتفقنا ان منطقة الكارتير منطقة ضغط مرتفع و منطقة البوابة منطقة ضغط منخفض بالتالى جملة "fresh air is from air cleaner is supplied to the crank case" مينفعش فى ظل قوانين الفزيا الحالية
بالنسبة لضغط البوابة فا كلامك صح طول ما البوابة مقفولة لكن اول ما تبدا تتفتح الضغط فبلها حيقل... و دة السبب ان خرطوم المخار عبارة فى الاصل عن خرطومين... واحد كبير بيخرج الابخرة الى نقطة قبل البوابة و مبيظهرش عملة الا و البوابة مفتوحة و التانى خرطوم رفيع بينقل البخار الى داخل المنافولد نفسة و مبيظهرش تاثيرة الا فى سرعة السلانسية لما البوابة تبقى مقفولة بالتالى الخرطومين بينقلوا البخار من الكارتير للمنافولد يبقى الكتالوج جاب فكرة الهواء النقى اللى داخل للكارتير منين؟؟
حتى بالتجربة لو شلت خرطوم المخار و دورت العربية حتلاقى البخار خارج من غطا التاكيهات و فيه هوا بيتشفط من مكان خرطوم البخار فى خرطوم العمة... اذا اتجاة الهوا من الكارتير الى المنافولد و ليس العكس
MMamdouh
مختلفناش ان الهوا نضيف و كل حاجة بس دة ملوش علاقة بقصة ان الهوا النضيف بيدخل الكارتير... العكس هو اللى بيحصل و الدليل ان المنافولد بيبقى مزيت و كلة وساخة مع الاستخدام و كذلك ممرات البوابة
كمان بالنسبة لنضافة الحساسات و كدة فا الحاجة الوحيدة اللى بتتوسخ من البخار هى الايدل كونترولر لانة واقف فى مجرى الهوا... اما حساس الماب فا مفيش فيه تيار هوا ماشى و بالتالى بخار الزيت عمرة ما حيوصل لخرطوم الماب... حتى فى الليجانزا الحساس راكب مباشرة على المنافولد بالتالى "نظريا" عرضة بشكل اكبر للتلوث ببخار الزيت بس دة عمرة ما بيحصل لان مفيش تيار هوا بيعدى جوة الحساس
MMamdouh
ياباشا نظام تهوية علب المرفق نوعين
1- تهويه طبيعيه ....ودى مباشرة من الكرتير الى مجمع الهواء أو الفلتر زى نظام الفيات الكربوراتير وال 128
2- تهويه جبريه .....زى بتاعتنا ...أى نظام ال pcv .
للى أحنا عاوزين نعرفه على فرضهههههههههاقتباس:
معلش انا اول مرة اختلف مع كلام الكتالوج بس الكلام دة هجس لسبب...
- لما يكون الخرطوم الكبير ده ....هو بتاع الفايز وضغط البخار بتاع الكرتير فيه كبير
طيب ما البخار ده ( أبو ضغط كبير ) ....بدل مايروح للبوابه ....حيروح للفلتر بتاع الهواء ....وكده الفلتر حيعبى زيت (أبخرة زيت ) مع المحرك الخفيف برضه
PCV valve - Wikipedia, the free encyclopedia
الهوا بيتسحب من الفلتر الى البوابة بالتالى ابخرة الزيت حتتجة الى البوابة مش الفلتراقتباس:
- لما يكون الخرطوم الكبير ده ....هو بتاع الفايز وضغط البخار بتاع الكرتير فيه كبير
طيب ما البخار ده ( أبو ضغط كبير ) ....بدل مايروح للبوابه ....حيروح للفلتر بتاع الهواء ....وكده الفلتر حيعبى زيت (أبخرة زيت ) مع المحرك الخفيف برضه
MMamdouh
لو سمحتوا
ال pcv valve هو الى بيتحكم فى اتجاه حركة الابخرة مابين ال crankcas و ال intake manifold
وهو بالبلدى عبارة عن سكس بالف بيفتح ويقفل طبقا لقيمة ال intake manifold vaccum
يعنى لما يكون الموتور على السلانسيه قيمة ال intake manifold vaccum بتبقى كبيرة وبتقدر تتغلب على السكس بلف وتخليه يقفل ويمنع صعود الابخرة من ال crankcas الى ال intake manifold
وفى حالة التزويد قيمة ال intake manifold vaccum بتقل وبيفتح السكس بلف الطريق لصعود كمية كبيرة من الابخرة من ال crankcas الى ال intake manifold
اى ان نظام ال pcv بيستخدم ال intake manifold vaccum وال pcv valve لتوليد ضغط سالب داخل ال crankcas ليتم دخول الهوا المفلتر من خرطوم العمة الى خرطوم البخار الى كاوتشة البخار الى ال crankcas ليختلط بالابخرة وتظل الابخرة رايحة وجاية
مابين ال crankcas و ال intake manifold بقرار من ال pcv valve بناء على قيمة ال intake manifold vaccum