محتاج رأيكم "ممكن تفكروا معايا,,ابيع عربيتى ولا لآ

ممكن تفكروا معايا,,ابيع عربيتى ولا لآ؟؟
التفاصيل,,,,
معايا اكسيل 97 اتوماتيك عاملة 130,000 كيلو اشترتها من حوالى 5 شهور ب40,000 جنية كانت ماشية كويس ومرياحانى لغاية ما حصل فى الفتيس الاتوماتيك مشكلة دوختنى لغاية ما اشتريت فتيس استيراد وبقالة حوالى شهر ماشى معايا كويس,, المهم موضوع الفتيس دة عقدنى من العربية ففكرت ابعها رغم ان الفتيس الجديد ماشى كويس,,,روحت سوق السيارات لقيتها مش جايبة اكتر من 37 او 38 الف ودة معناة انى هخسر حوالى 4 او 5 الالاف جنية (فرق الشراء+سعر الفتيس الاستيراد),
السؤال هنا اللى عايز اخد فية رايكم ابيعها واخسر فيها ,, ولا اخليها؟؟؟
مع الاعتبار لو خليتها انى هضر اسجل العربية (فيها 3 توكيلات)و رخصتها تنتهى كمان شهر وهدفع 1000 تقريبا وكمان عايزة شوية شغل زى قواعد ماتور وحبة سمكرة وكمان الماتور واحد ميكانيكى قالى انة خفيف شوية بس هوة مش تعبنى خالص ومش حاسس بموضوع خفية الماتور وكذا مرة اسافر بيها من غير مشكلة, وبرة انا خايف بعد مصرفات التسجيل والتصليح والتظبيط تتعبنى العربية وساعتها لما افكر ابيعها تكون الخسارة كبيرة جدا.
محتاج رأى اخوانى بالمنتدى :(

اسف على الاطالة لكن كنت عايزكم تعيشوا الموضوع معايا

من رايي انها طالما مريحاك يبقي خليها و حافظ علي موتورها حيعيش معاك كويس.
بالنسبه للقواعد و السمكره ف دا طبيعي غير القواعد الاول و بعد الشتا اعمل شويه السمكره اللي فيها السنه الجايه و حتبقي كويسه.
بس انك تبيع و تشتري عربيه تانيه اكيد برضه حتلاقي فيها شغل و دي انت عارف اللي فيها و مريحاك و مفيش عربيه مستعمله حتجيبها لازم حتصرف عليها فلوس.
سجل عربيتك احسن و استمتع بيها و بعدين كمان كام سنه ابقي غيرها.

اقتباس:

---

المشاركة الأصلية كتبت بواسطة hazem_khidr

من رايي انها طالما مريحاك يبقي خليها و حافظ علي موتورها حيعيش معاك كويس.
بالنسبه للقواعد و السمكره ف دا طبيعي غير القواعد الاول و بعد الشتا اعمل شويه السمكره اللي فيها السنه الجايه و حتبقي كويسه.
بس انك تبيع و تشتري عربيه تانيه اكيد برضه حتلاقي فيها شغل و دي انت عارف اللي فيها و مريحاك و مفيش عربيه مستعمله حتجيبها لازم حتصرف عليها فلوس.
سجل عربيتك احسن و استمتع بيها و بعدين كمان كام سنه ابقي غيرها.

---

أتفق تماما مع رأي الأستاذ حازم خضر ....... و لكن
إذا كنت بتفكر تبيع علشان تجيب جديد ......... فبيع و أتكل على الله
إنما تبيع علشان تجيب مستعمل ......... يبقى خلي اللي معاك و زي ما الأستاذ حازم قال أنت عارف إللي فيها
8)

بالفعل لو هتبيع وتجيب جديد توكل على الله

اما لو هتبيع وتجيب عربية مستعملة تانية فلا داعى، لأن العربية المستعملة زى ابنك اللى انت مربيه على إيدك وعارف اسراره، لكن لو جبت عربية تانى هتدخل فى دوامة القرف من الأول

انا رأى انك تروح مركز صيانه كويس وتعمل كشف شامل على العربيه وشوف لو العربيه لو محتاجه حاجات كتير بيعها لو حاجات بسيطه خليها
انا حصلى مشكله مشابه لنفس مشكله حضرتك بس الخساره كانت فوق ال10 الف ج م

اقتباس:

---

المشاركة الأصلية كتبت بواسطة limo

انا حصلى مشكله مشابه لنفس مشكله حضرتك بس الخساره كانت فوق ال10 الف ج م

---

:cry: :cry: :cry: :cry: :cry: :cry: :cry: :cry: :cry: :cry:

طبعا تبيع وأوعى تجيب مستعمل أوتوماتيك تاني اسأل مجرب وتوكل على الله وهات زيرو .

اقتباس:

---

بالفعل لو هتبيع وتجيب جديد توكل على الله

اما لو هتبيع وتجيب عربية مستعملة تانية فلا داعى، لأن العربية المستعملة زى ابنك اللى انت مربيه على إيدك وعارف اسراره، لكن لو جبت عربية تانى هتدخل فى دوامة القرف من الأول

---

+1

أنا رأيي, طالما حضرتك جبت فتيس اوتوماتيك استيراد و كويس و مريحك, يبقى خلاص, بس اهتم بية و بتغيير الزيت, هات زيت شل ديكسترون في علبة شوداء عليها تكت اخضر صناعه كندي الكيلو ب 17 جنية
ده انضف زيت فتيس في السوق

و شد العربية شوية بشوية, على مايتوفر زيادة مش محتاجها اصرفها عليها و أهي ممشياك

و ربنا يوفقك

يعنى راى الاغلبية انة لو هجيب زيرو ابيعها حتى لو بخسارة

طيب لو بفكر اجيب كسر زيرو يا ترى دى فكرة كويسة ولالآ (لانى مش عايز ادخل فى موضوع اقساط وكدة).

واشكرك كل اخوانى على الردود والاهتمام ;)

أنا أعتقد إن كسر الزيرو برضة فكرة كويسة ......... بس تكون حالتها حلوة علشان ماتصرفش عليك :wink: :wink:

كسر الزيرو يخوف بردة لانك مش ضامن ايه اللى حصل فى العربية وممكن يدارى وكلام من تجار عربيات (الله اعلم مدى صحه هذا الكلام) ان العربيات الحديثة ممكن تدارى فيها اى شىء الافضل انك تشترى من واحد انت واثق فية شخصيا او عليك وعلى الزيرووووووو

السلام عليكم ورحمة الله وبركاته
رايي هات زيروووووووووووووو ومتفكرش في حاجة ثانية لانك مش هتعرف ايه اللي حصل في العربية قبل منك حتي ولو كانت كسر زيرو
ولو مش هتجيب زيرو اضبط عربيتك واحدة واحدة وربنا يبارك لك فيها ان شاء الله

اقتباس:

---

المشاركة الأصلية كتبت بواسطة Tarek Fadl

السلام عليكم ورحمة الله وبركاته
رايي هات زيروووووووووووووو ومتفكرش في حاجة ثانية لانك مش هتعرف ايه اللي حصل في العربية قبل منك حتي ولو كانت كسر زيرو
ولو مش هتجيب زيرو اضبط عربيتك واحدة واحدة وربنا يبارك لك فيها ان شاء الله

---

انا ناويت اظبطها واحدة واحدة وربنا يسهل ,,,,,,,,,,
واشكر كل الاخوة على الاهتمام

لو هتجيب عربية زيرو يبقى إتكل على الله وإلحق بيع قبل ما الخسارة تبقى أكبر !!!!!!!
لو ناوي على كسر الزيرو يبقى لازم تكشف عليها في التوكيل وتصمم على كدة مهما كان

على فكره أنا كان معايا إكسيل وتقفيل كوري كمان بس مش أوتوماتيك وتعبتني جدا بس الحمد لله بعتها

ومن أهم عيوبها ( موتور خفيف - صاج ورق ورق ورق - وإكصدامات كرتون ) متزعلش مني هي دي الحقيقة

اقتباس:

---

المشاركة الأصلية كتبت بواسطة kh_talaat

لو هتجيب عربية زيرو يبقى إتكل على الله وإلحق بيع قبل ما الخسارة تبقى أكبر !!!!!!!
لو ناوي على كسر الزيرو يبقى لازم تكشف عليها في التوكيل وتصمم على كدة مهما كان

على فكره أنا كان معايا إكسيل وتقفيل كوري كمان بس مش أوتوماتيك وتعبتني جدا بس الحمد لله بعتها

ومن أهم عيوبها ( موتور خفيف - صاج ورق ورق ورق - وإكصدامات كرتون ) متزعلش مني هي دي الحقيقة

---

اشكرك على النصيحة,,,
وبعدين انا عمرى ما ازعل منك ;)

الفتيس الاوتوماتيك في الاكسيل عموما مش حلو انا رايي انك تخليها وتعمل فيها الحاجات الضروريه واحده واحده والاكسيل عموما صيانتها سهله وقطع غيارها رخيصه اما بالنسبه لموضوع تسجيل العربيه هي مش مكلف خصوصا لان العربيه انتاج محلي وعموما ماتخافش علي سعر العربيه لان الاكسيل اسرع عربيه في البيع وسعرها مش بيتاثر غير في حاله نزول او صعود الاسعار عموما يعني اللي حيمشي علي باقي العربيات حيمشي عليها
لو عاوز تشتري زيرو اتوكل علي الله بس بلاش موضوع كسر الزيرو ده غير من واحد معرفه وهو عموما مش حيفرق في السعر كتير