من وجهة نظرى

بسم الله الرحمن الرحيم

من وجهة نظرى اللى شفتها بخصوص الحوادث والمواقف اللى بيتعرض ليها اغلبية الناس ربنا يكفينا شرها ويوصلنا امنين باذن الله ان اغلبيتها بتكون فى اماكن وطرق سفر مش داخل البلد نفسها يعنى مثلا عندكم مصر الجديدة بتفرعتها ومدينة نصر ايضا بتفرعتها والشروق والعبور والرحاب بوجه عام مفيهاش حوادث غير قليل وبصورة مش كبيرة او استهتارات او ميكروباصات عاملة لمض او سواقة بشكل سى ء ودة مش كتير لاكن اللى يدايق ان الطرق مش متظبطة وكلها بتهلك العربية وبتبوظها بمعنى اخر مش فى كل الاماكن بيحصل المواقف السيئة او الحوادث البشعة اللى بنقرا وبنسمع عنها وابتدوا تركيب الكاميرات فى الاشارات ومشروح التاكسى الجديد سهل شوية ومنظرة ارقى وناس احسن من القديم وكمان بدا حاجة حاجة تتظبط فى الطرق الداخلية او السفر والدائرى بردوا بيتظبط الفكرة ان المشكلة كلها ان الناس هى اللى عملاها باديها ونظام المرور بايظ بردوا بسبب الناس اللى بتدى رشوة او بتعتمد على وسطة احنا اللى بنعودهم على كدة الرك على الاساس اولا واخيرا واحنا لو التزمنا الطريق حيتصلح حالة وحتقل الحوادث ويسود النظام ومفيش حد بينصح غير لما بيكون عمل وجرى وفى ناس بتقلد وخلاص فى السرعة او السواقة باسلوب سىء الفكرة عدم النظر بتشاؤمية لكل الاماكن والطرق واتباع الارشادات وعدم السرعة وعدم التقليد الاعمى واختيار نوع السيارة المناسبة اللتى تتوفر بوسائل الامن والبعد عن القديم والمتهالك ةاختيار اوقات وطرق السفر بعناية والالتزام بالسرعة المحدةة لو توفرت كل الاشياء دى مش حتحسوا بالزحمة جامد وتقل الحوادث ويقل الخطر وتستمتع بالعربية اللى اشتريتها وتوصل للمكان اللى عاوزة من غير متنرفز نفسك وتجهد اعصابك ومن غير اى حوادث باذن الله اهم حاجة الصبر وعدم التسرع والانفعال لانة مش بيفيد دا بيضر جدا اسف للاطالة ودى وجهة نظرى

اية ياجماعة 43 واحد قراو الموضوع ومردوش علية خالص

اقتباس:

---

المشاركة الأصلية كتبت بواسطة ice_wolf

اية ياجماعة 43 واحد قراو الموضوع ومردوش علية خالص

---

داخلين على رمضان بأه .....وحنصوم ......كل سنه وأنت طيب ......ههههههههههه

اقتباس:

---

المشاركة الأصلية كتبت بواسطة samirayad

داخلين على رمضان بأه .....وحنصوم ......كل سنه وأنت طيب ......ههههههههههه

---

ههههههههههههههههههههههههه ه

لا مؤاخذه ....يا أستاذ : محمد ......أنا مجرد بأضحك معاك .....لأننى حسيت أنك مدايق أن مفيش زميل علق على الموضوع .....وده عادى ......أنا ساعات بأعمل موضوع ......وأقعد أجمع فى معلومات .....وزملاء كتير بيقروا الموضوع ......ولا فيه واحد بيرد عليا ....الا زملاء قلائل .......يمكن بمعدل 5% أو أأقل من اللى أطلعوا على الموضوع.......ليه .....مش عارف ......أحتمال يكون موضوعى مكرر ......أو مش كويس .....وقليل أوى ......لما ألاقى زميل .....يقولى .....السلام عليكم (على رأى حكيم ) ....فبروح مريح دماغى ....وأقول أنا أيضا ......وعليكم السلام .....أهم حاجه .....أن مفيش تعليق على موضوعى يستفزنى ....أما لو كان هناك تعليق بناء ......فأهلا وسهلا .....ما أنا حستفيد .....والأنسان العاقل .......يجب أن يفرح بكل تعليق بناء .....وده طبعى .........كل سنه وأنت طيب مره أخرى

على فكرة التاكسى الجديد ارخم من القديم
القديم كان هلكان ومش بيقدر يجرى كتير
الجديد
جرى وغرز وتنطيط

على فكرة كلام كويس جدا المفروض ان الكاميرات على الطرق السريعة والرادرات على الطرق السريعة يكون كل كيلو رادار حتى لو وهمى هيخلى كل الناس تمشى بالادب والاخلاق لكن هتقول وتقول فى حاجات كتير المفروض تحصل فى البلد ومابتتعملشى انا مش عارف ليه فى دول اقل مننا ومشين بنظام الا احنا ليه .................................؟

الأ سبوع اللي فات دا بس كان في حوالي 4 حوادث متفرقة على الأوتوستراد من شيراتون لمدينة نصر والعكس !!! ومن وجهة نظري ان السرعة هي السبب الرئيسي وراء الحوادث دي !!! ماهو أكيد العربية اياً كان نوعها لو ماشية على 60 او 70 كم /س وتتخبط مش هتتقلب على الأقلومش هيبقى في خسائر بشرية في الأرواح والله أعلم طبعاً بس السرعة المعقولة مطلوبة خصوصاً زي ماقلت ان الشوارع مبهدلة وتهلك اي عربية
امبارح عن 4.5 وانا ماشي فيه اتجاه السويس ( ماشي على 40كم عشان الحتة دي مكسرة ومتوقع تلاقي فيها اي مقلب بالليل او حد بيعدي وطبعا معروف هيعدي ازاي) كل دا والاقي واحد بعربية شاريد بيدي كلاكس عشان يعدي - سبته يعدي لبس حتة حفرة وراح حادف يمين قدامي - طبعا انا ماشي هادي كدة كدة ففرملتله وسبته يجري
وانا راجع من طريق الرحاب لقيت فجأة مطب وبفرمل مرة واحد وورايا على الشمال عربية 307 وبرضة آفش يعدي ويلبس المطب على ستين سبعين وبرضة عربيته طلعت المطب وحدفت بس شمال المرة دي ناحية الرصيف وماحصلشي حاجة الحمد لله
انا مش بشمت في حد بجد لما باشوف عربية مقلوبة وركابها مرميين برة اللي متغطي بجرايد واللي غرقان في بركة دم ومحدش عارف يشيله منين و منظر العربية وهي مافيهاش حتة سليمة حتى السقف ببقى مش عارف هو ليه عمل في نفسه كدة ؟!؟!؟!

الحل انك تشدد العقوبة زى السعودية وتوصل الى الحبس لكن مصر الناس فيها ماشية بنظام البركاوى ودا لا ينفع لة امشى على 120 هستفيد اية انت هتوصل والا ماشى على 60 هيوصل ويعدين الا ماشى على 120 لو لقى امامة حاجة هيعرف يتصرف ازى وتانى شى هو رجل المرور اللى اتعود ياخد فلوس علشان يمشى الحال دى اكبر المشاكل لازم يكون فى حال نهائى وثالث شى الطرق فى مصر متهالكة واذكر منها الاتوستراد تلقى الطريق الاسلفت مش مضبوط وخصوصا الحتة من عند الاباجية الى الدويقة الاسلفت طالع نزل مش مضبوط طيب اذكركم بحاجة من قريب عارفين لما اوباما جاء مصر تم رصيف الشوارع على اعلى مستوى دلوقتى وانت نزل على القلعة من اول فتحها لها بعد ما تخلص صلاح سالم البلاعات محفور لها وعملين لها الدائرة بتاعها ومفبش غطاء يعنى هتلبس فى البلوعة هتلبس طيب لة لما بنعمل حاجة لا تكمل الى الاخر والا لازم نجيب فلان الفلانى علشان يعديل لنا ويقول لنا اعملوا كذا اقصد الخواجة اللى بيجى بلدنا بنشلوا فوق راسنا واحنا فى بلدهم بنتعمل اسوا معاملة ومع ذلك اى جنسية غير الجنسية المصرية بتتعمل فى بلدنا بكل احترام لة المصرى مش واخد حقة فى بلدوا

آخر مرة مشيت بسرعة على 120كم من مدينة نصر لشيراتون - كانت العربية لسة جديدة واول مرة اجري بيها
لقيت في ملف وانا على السرعة دي صندوق خشب ( بتاع الفاكهة تقريبا بيبقى قش مش عارف ) المهم انا فوجئت بالصندوق في الملف وعلى يميني عربية رحت واخد الصنوق في بطن العربية والحمد لله ماحصلشي خسائر
بعديها بثواني تخيلت الصندوق دا كان حجر وبعديها لو بني آدم - وبعديها جه في بالي ولو كان عربية واقفة على الشمال ( عادي في مصر عشان لو في أغراب معانا ولا حاجة ) الحمد لله ربنا ستر وطلع صندوق وطلع ضعيف ولم يؤثر في حاجة
وانا على السرعة دي ملحقتش أعمل اي رد فعل غير اللي عملته وماكانشي في اي حل تاني اصلا شمالي رصيف ويميني عربية وقدامي صندوق وفي خلال جزء من الثانية لازم اتصرف

مشكورين ياجماعة على المشاركة وانا عارف ان السرعة بتادى لكوارث وان الغلط كلة بيبتدى من الانسان نفسة مش فكرة تنظيم ماالسرعة وقلة الفهم وعدم احترام وعدم الالتزام بقواعد الطريق هى اللى بتادى للكوارث اليومية اللى بنقرا ونسمع عنها تانى حاجة دور الحكومى بيجى فى توفير طرق نظيفة خالية من المطبات ومؤهلة للسير العربيات عليها ودة للاسف مش موجود فى مصر بصفة عامة الا فى بعض مناطق معينة وقليلة ثانيا فرض العقوبات ودى بردة بقى فيها تحريف واستغلال يبقى الصح الواحد يبدا بنفسة ويحاول يكون هو الاحسن لتجنب الحوادث والمشاكل والغرامات