انا كان عندي مشكله في تهريب المياه بتاع القربه ومكانش فيه تسريب ....
عرض للطباعة
مهما يكونوا بلاتستيك أو فيبر أن صح التعبير .....فأكيد جسمهم مصمم لتحمل حرارت معينه .....أهم شىء ....الحفاظ على الحراره .....وعدم وصولها لمعدلات حرجه ....فهل أى بليه على شداد مصنوع الشداد من المسلح وتعرضت لسخونه .....مش حتكون عرضه للقفشان ........( سخونه ............يعنى قفشان فى البلى بالذات )
هيا اكيد هتلقاي مفيش ميه في العربيه وهيا اللي عملت الموضوع ده كله
الموضوع ده بيحصل في النوبيرا دائما وتسريب الميه ده عالطول وله اسباب كتير من اول الوصلات اللي بتتكسر من السخونية وتنزل الميه الي التنفيس من الخراطيم او القربة وبرضه من سخونية العربيه الشديده فعلا
كلام جميل فعلا
ولكن المشكلة ان العربيه اول ما سخنت الشداد ساح ورخى السير واخويا قعد يدور العربيه والصبابات شغاله طرقعه في وش السلندر
يعني مش معقولة اول ما العربيه تسخن والعربيه كانت ماشيه 58 الف كم يروح يسيح بالشكل ده
ده انا مطلعه مهري
نصيحه لكل من يمتلك نوبيرا انه ياخد باله من موضوع الميه ده ويغير البلية والشداد كل فتره زمنيه معينه لا ينتظر انهم يبوظوا
حاجه تانيه ....العربيه كان فيها تعريق زيت بسيط من اويل سيل عمود الكرنك ...وبكره ان شاء الله هيتعمل الشغل
ده فعلا أهم حاجه مع أى عربيه .......وعن نفسى شايف أن الشداد ....لو كان فيبر زى النوبيرا مثلا ....لايسبب مشكله طالما أنا محافظ ومراقب الميه والحراره بأستمرار .....بالعكس دا لما يبقى مصنع من ماده خفيفه زى الفيبر .....حيبقى خفيف على السير عن مايكون معدن مثلا .......بس طبعا مع الحفاظ على الحرارهاقتباس:
نصيحه لكل من يمتلك نوبيرا انه ياخد باله من موضوع الميه ده
دا بالنسبه للنوبيرا
طيب اللانوس فيها نفس الكلام ؟
يعني فيها شداد فبر وممكن يتأثر بالحراره؟؟
والبليه والشداد عمرهم الافتراضي كام كيلو تقريبا؟؟؟
فى عائلة الدايو
المحركات ذات الكامتين مثل النوبيرا بتحتوى على عناصر أضافيه فى مجموعة التقسيمه كالآتى
1- auto tensioner .....وده عباره عن بكره بآليه ميكانيكيه بحيث يتم بأستمرار أخذ بوش سير الكاتينه .....اللى بنقول عليه الشداد
2- idler pulley .....ودى عباره عن بكره خامله لاتقوم بعمل أى شد على سير الكاتينه ........اللى بنقول عليها البليه
أما بالنسبه للمحركات ذات الكامه الواحده مثل السياره الانوس
فلا يوجد البند رقم 2 ....نظرا لوجود كامه واحده
وأعتقد مادة صنع الشداد فى العربيتين واحده لأن دى عائله واحده .....بس حقيقى لسه لم أحتك بيه .....وأكيد الزملاء مالكى الانوس ....حيفيدونا .......