إختفاء كنز فرعوني إكتشف مؤخرا في ظروف غامضة

**mshamy** · 30-07-2009 11:06 PM

بسم الله الرحمن الرحيم

الموضوع ده وصلني عن طريق شقيق أحد الزملاء بالعمل و الذي يعمل بمجال الأثار و هو من أهل مدينة نجع حمادي
بحسب ماذكره لنا في العمل ان شركة بتروجت اكتشفت كنز فرعوني ضخم جدا "365 تمثال ذهبي صغير مثل ما سوف ترونه في الفيديو + التابوت و التمساح والأقنعة وخلافة"
تم الكشف اثناء الحفر خارج مدينة نجع حمادي لتوصيل أنابيب الغاز
المهندس الذي قام بتصوير الفيلم الذي سوف تشاهدونه عثر عليه مقتولا بعد يومين من الإكتشاف
يقال ان الكنز تم الإستيلاء علية من "علية القوم" في مصر من سياسيين و شرطة وخلافة
وتم استبدال التماثيل بقطع تقليد تم تصنيعها خصيصا بالأقصر
الراجل الذي نقل الموضوع كان متردد جدا وهو بينقل لنا الفيلم خشية علينا
لكن لو الموضوع ده صحيح يبقى الناس اللي سرقو الكنز سرقونا كلنا
ودم المهندس اللي اتقتل مش لازم يروح هدر
إنا لله و إنا إليه راجعون

[youtube]http://www.youtube.com/watch?v=1GPXbWwdAsA[/youtube]

**Terrible_DaRsH** · 30-07-2009 11:11 PM

و ايه موقف الدولة وهيئة الاثار من الكلام ده

و فى حد من الشركة هيرفع قضية و لا ايه بالظبط ?

و الكنز اللى قدامنا ده اتسرق و لا ايه ?

**نور القمر** · 30-07-2009 11:32 PM

فساد فساد فساد
افتح التليفزيون الاقي فساد افتح النت الاقي فساد امشي في الشارع الاقي فساد
ومحدش رايح في الرجلين غير الغلابة اللي ملهمش ضهر
وحسبي الله ونعم الوكيل

**Imhotep** · 30-07-2009 11:40 PM

يا سيدى هى جت على دول..... ما خيرات و كنوز البلد كلها اتنزحت و اتباعت و اللى بنسمع عنه ده البواقى و الفتافيت اللى فاضلة..........

**velkouf** · 30-07-2009 11:52 PM

هو دة حال البلد ربنا يرحمنا ويخرجنا منها على خير

**the-hero** · 31-07-2009 12:08 AM

أنا حاسس ان الموضوع ده متفبرك ياريت تجيب لنا دليل
والصحافة فين
ايه الدليل ان الراجل اتقتل
والموميا فين
والحاجة اللى فى الفديو شكلها بلدى خالص مش أصلية
والله اعلم

**mshamy** · 31-07-2009 12:28 AM

المشاركة الأصلية كتبت بواسطة the-hero

أنا حاسس ان الموضوع ده متفبرك ياريت تجيب لنا دليل
حاضر حاخطف رجلي لحد نجع حمادي امسك الحرامي و اصوره وهو متلبس وارفعلك الصورة
والصحافة فين
ايه الدليل ان الراجل اتقتل
المهندس اللي اتقتل كان صديق الراجل اللي جابلنا الفيديو و ده لاموخذاة مش عيل صغير
والموميا فين
والحاجة اللى فى الفديو شكلها بلدى خالص مش أصلية
والله اعلم

**toto_smile** · 31-07-2009 12:44 AM

يا جماعه الصعيد كله تحتيه كنوز واثار كتير جدآآآآآآآآآآآ وفيه اماكن كتير الدوله متعرفش عنها حاحجة في التنقيب علي الاثار وممكن يكون دا كنز حقيقي ومش لازم نكدب الراجل الراجل يعني داخله ايه انه يحط خبر كاذب

**the-hero** · 31-07-2009 01:29 AM

المشاركة الأصلية كتبت بواسطة mshamy

أنا حاسس ان الموضوع ده متفبرك ياريت تجيب لنا دليل
حاضر حاخطف رجلي لحد نجع حمادي امسك الحرامي و اصوره وهو متلبس وارفعلك الصورة
والصحافة فين
ايه الدليل ان الراجل اتقتل
المهندس اللي اتقتل كان صديق الراجل اللي جابلنا الفيديو و ده لاموخذاة مش عيل صغير
والموميا فين
والحاجة اللى فى الفديو شكلها بلدى خالص مش أصلية
والله اعلم

وانت ايه اللى مديقك فى كلامى !!!!!!!!!!!!!!!!!!!
مش مفروض الواحد يصدق اى حاجة كدا بسهولةفى مصر خصوصا اذا كانت غامضة
حضرتك مش كاتب موضوع كامل
وبعدين كل شئ جائز
وحكايه الراجل اللى اتقتل محدش سمع عنها حاجة
وبعدين شقيق زميلك جاب المعلومات الدقيقة ديه منين (365 تمثال ذهبي صغير مثل ما سوف ترونه في الفيديو + التابوت و التمساح والأقنعة وخلافة)
ياريت توضح شوية او تروح نجع حمدى تتاكد اكتر

**nabaster** · 31-07-2009 02:00 AM

صلو علي النبي يا جماعه

دلوقت يا استاذ محمد انتا بتقول قصه فيها قتل واثار

احمد (هيرو) كان يقصد ان لازم يكون في دليل علي الكلام ده

الكلام ده لو صح الناس دي معتمه علي عمليه كبيره وفيها قتل وحوار كبير مش سهل

وبتقول انهم ناس واصلين لو رمينا كده الكلام جزافا ناس كتير هتضيع الموضوع بقي فيه دم فعلا

لازم نشوف اصل الكلام فين

وبالنسبه ان التماثيل بلدي في مقابر يا جماعه بتبقي محميه كويس وبتدخل المقبره من دول تحس ان الالوان اتعملت امبارح من احتفاظها بتنسيقها

لازم دلوقت تكون عيننا علي الدليل اقل حاجه المكان بتاع الحفريات ده هيكشف حاجات كتير

واكيد الحقيقه عند شخص معين بعيد عن الناس الكبيره دي

بس نوصل ليه وياخد الامان ويكشف عن الكلام ده كله

الموضوع كبير ومش سهل

وعلي فكره احتمال كبير اوي يتقفل الموضوع ده او يتحذف علي اساس ان المنتدي متخصص

A.Yakout

الموضوع: إختفاء كنز فرعوني إكتشف مؤخرا في ظروف غامضة

LinkBack

أدوات الموضوع

عرض

إختفاء كنز فرعوني إكتشف مؤخرا في ظروف غامضة - انشر الموضوع فى :

-

-

-

-

-

المواضيع المتشابهه

اجيب هدايا فرعوني منين

أسئلة غامضة عن المازدا 3 2008

لغز جريمة سرقة ....لو انت عندك موهبة بوليسية .. إكتشف الحل

لوحات السيارات المفقوده فى ظروف غامضة

الكلمات الدلالية لهذا الموضوع

المفضلات

المفضلات

ضوابط المشاركة