افيدونى ارجوكم بالحل

**zee** · 30-07-2009 11:30 PM

السلام عليكم
سيارتى لانوس 2002
منذ شهر تقريبا وانا راجع من العاشر من رمضان الى صلاح سالم الساعه 3 ظهرا كان تقريبا الطريق واقف بسبب اعمال بالطريق
وانا ماشى بالسياره على الاول واقف ثم امشى وهكذا وفجاءه توقفت السياره عن الحركه وفورا اوقفت التكيف واصبحت السياره مثل السلحفاه ولا اعلم لماذا وبدات اسمع صوت فرقعه خفيفه اسفل السياره
المهم اوقفت السيارهعلى جانب الطريق وفحصت العجل ووجدته سليم وقمت بعد ذلك باجراء الاتصالات لنجدتى وبعد ربع ساعه جربت السياره وجدتها بلا اى مشكله ولا كأن هناك مشكله وكان الاعتقاد بان فرامل اليد كانت مرفوعه ولم تتكرر هذه المشكله حتى اليوم واليكم ما حدث
اثناء عودتى من العمل الساعه 4:30 وبعد السير لمسافه 30 كم ونتيجه توقف سياره امامى هدائت السرعه وكنت ماشى على الثانى لانى قربت من المنزل وفجاه تكرر ما حدث سابقا من شهر وايضا اوقفت التكييف واصبحت اسايس السياره حتى الوصول للمنزل وفى مطلع فى الطريق وهنا الكارثه انى كنت حاسس انى ماشى زى النمله وفى منزل الشارع مشيت السياره وانا دايس دبرياج زى الفل والمره دى كنت متاكد انى لم ارفع فرامل اليد المهم وصلت امام المنزل وركنت السياره واثناء الغضط على دواسه البزين والسياره واقفه و بدون غيار لاحظت ان فى برجله اورعشه خفيفه فى الماتور مع زياده البنزين المهم اوقفت السياره وقلت ارجعلكم

ارجوكم افيدونى ما سبب هذا حتى لا اتعرض لافتائات من الاسطاوات بتوع النهارده

اسف على الاطاله

**samirayad** · 30-07-2009 11:45 PM

أو صيك ....أولا ....بأن تفصل فيشة حساس الكرنك وتنظفها جيدا بمنظف ألكترونيات ....ثم تعيد تركيبها بأحكام .....وتجربة السياره قبل أى شىء

**zee** · 31-07-2009 12:04 AM

المشاركة الأصلية كتبت بواسطة samirayad

أو صيك ....أولا ....بأن تفصل فيشة حساس الكرنك وتنظفها جيدا بمنظف ألكترونيات ....ثم تعيد تركيبها بأحكام .....وتجربة السياره قبل أى شىء

الف شكر على سرعه الرد
وهل فيشة حساس الكرنك هى السبب فى كل ده
اعزرنى يا اخى فانا خبرتى بالسيارات ضعيفه جدا اين هى فيشة حساس الكرنك وهل لها اجراءت عند الفصل
هل متوقع وجود حاجه ثانيه

**samirayad** · 31-07-2009 12:13 AM

وهل فيشة حساس الكرنك هى السبب فى كل ده

بنسبه كبيره جدا .....نعم

اعزرنى يا اخى فانا خبرتى بالسيارات ضعيفه جدا

ياباتشا ولا يهمك .....كلنا هنا أخواتك فى أى حاجه تحتاجها

اين هى فيشة حساس الكرنك وهل لها اجراءت عند الفصل

بجوار حافظة سير الكاتينه من الداخل .....مكانها وحش شويه ......ويفضل ترفع العربيه .....لكى يتمكن من سيقوم بفصلها من العمل بتمكن

هل متوقع وجود حاجه ثانيه

أنا مقتنع أنها السبب ....بنسبه عاليه جدا ....فيجب تنفيذ ما أشرت عليك به الأول .....لكى لا تتعرض لمهاترات ملهاش لازمه .....ودى مش حتكلفك شىء .....حاجات رمزيه جدا

**samirayad** · 31-07-2009 12:20 AM

القطعه رقم 24 على الرسم بتمثل حساس الكرنك ومكانه التقريبى على المكنه من الخلف بجوار حافظة سير الكاتينه....ونهاية نصف الفيشه فى آخر الحساس .....لو قدرت توصل للفيشه بدون رفع العربيه عندك فى الانوس يبقى خير وبركه ......بس عندنا فى النوبيرا .....صعبه جدا والعربيه مش مرفوعه

**zee** · 31-07-2009 12:27 AM

الف شكر يابشمهندس سمير وسف اقوم غدا بعمل هذا غدا مع احد الميكانيكيا الى عرفهم وارد عليك غدا بالنتيجه
سؤال اخير انا عارف انى تعبتك معى
ما هو ثمن حساس الكرنك لانى خايف ان التنظيف ميجبش نتيجه ويتكرر العيب مره اخرى

**samirayad** · 31-07-2009 12:42 AM

سؤال اخير انا عارف انى تعبتك معى

مفيش تعب ولا حاجه ....وكلنا أخواتك

ما هو ثمن حساس الكرنك لانى خايف ان التنظيف ميجبش نتيجه ويتكرر العيب مره اخرى

أعتقد تمنه ....مش حيكون أكتر من 200 ج مثلا .......بس أن شاء الله مش حتحتاج لشراءه .....لأن واضح أنه عامل تلامس ردىء .....الفيشه بتعلق .....وألا مكنتش العربيه دارت بعد ماقطع من شهر .....وقعد الحساس شغال كويس ......أصل عيوب الأتصال الكهربى دى بتبقى معقربه شويه ......لأننا مبنبقاش شايفنها