سئوال عن الضمان

**Hossam El-Tonsy** · 21-10-2007 10:45 AM

السلام عليكم

أنا كنت يوم الجمعة بأعمل صيانة الالف لعربيتي (ماتريكس) في قليوب و سألت المهندس المختص هو مصاريف تركيب الكاسيت كام؟ قالي روح ركبة عند اي واحد محترم برة مش محتاج تركبه عندنا قلتله طب ده ميخرجنيش من ضمان الكهرباء قالي لا طالما حاجة مش حتاثر علي الكهرباء قلتله طب ممكن بعد كدة اذا حصل اي حاجة تقولولي ده من ال mp3 قالي لا الكاسيت و السنتر و الحاجات البسيطة دي مش بتاثر بس في ناس بتركب زينون و حاجات بتاثر علي الكهرباء ايه رايكم اعمل اية :?: و ممكن اركب عند مين يكون محترم و ميعكش؟

برضة سالت المهندس عن الديفندرز قالي انا عن نفسي مانصحش بيها لانها بتطول العربية و لما بتركب بتحك مع المطبات و بعدين المسامير بتفك و العربية بتقعد تخبط من تحت و مش حماية و لا حاجة بالعكس في اي خبطة بيضر اكتر ما بيفيد :!: :!: :?: ياريت الناس الي مركبة ديفندرز تقولنا تجربتها و اذا كان مفيد مين ارخص انضف واحد بيركبه :?:

و لكم جزيل الشكر

**abofahd** · 21-10-2007 05:20 PM

هو ايه الديفندرز ده لو سمحت عشان انا مش عارفه

**casperinoo** · 22-10-2007 05:10 AM

ركبة عند اي واحد محترم برة مش محتاج تركبه عندنا

فيه واحد في ميدان الحجاز جنب جاد اسمه مركز خدمة الكاسيت وده محترم جدا
وهتلاقي عنده كمان الفيشه بتاعت المتريكس لو انت مش عايز تقطع في الضفيره وديه تمنها 75 جنيه

**Hossam El-Tonsy** · 23-10-2007 11:14 AM

المشاركة الأصلية كتبت بواسطة abofahd

هو ايه الديفندرز ده لو سمحت عشان انا مش عارفه

يا باشا الديفندرز دي المصدات و العتب النيكل الي بيركب علي الماتريكس

**Hossam El-Tonsy** · 23-10-2007 11:21 AM

المشاركة الأصلية كتبت بواسطة casperinoo

ركبة عند اي واحد محترم برة مش محتاج تركبه عندنا

فيه واحد في ميدان الحجاز جنب جاد اسمه مركز خدمة الكاسيت وده محترم جدا
وهتلاقي عنده كمان الفيشه بتاعت المتريكس لو انت مش عايز تقطع في الضفيره وديه تمنها 75 جنيه

دكتور Casperinoo

شكرا علي الرد بس احب اعرف هما بياخدو كام وقت و فلوس في التركيب :?:

و بعدين ما حدش رد عليا في موضوع الضمان :!:

مش طالبة اي مشاكل مع التوكيل الظريف ده

و شكرا

**casperinoo** · 23-10-2007 06:42 PM

انا مركب الكاسيت بالسماعات ب 40 جنيه علشان السماعات كان مكانها محتاج يتقص بالأركيت
طبعا +75 جنيه بتوع الفيشه وده يعتبر ولا كأنك عملت حاجه في العربيه((مفيش سلكه اتقطعت))وكده طبعا ميقدروش يقولو حاجه في الضمان