الموضوع: يا بـروتـونـاويـــه : عــاوزين فــرش عربيتــكم يكــون عـامــل ازاى ؟؟؟

ازيك يا ايمن والله وحشتونى اليومن دول بس اهو الحمد لله رجعت تانى

بس يا ايمن انا بحب قوى الفرش الجلد فى الشمواه لان الجلد لوحده بيبقى نار فى الحر ولازم يبقى مكس بين القماش والجلد ده الافضل من وجه نظرى
اما التصميم يكون الجلد حسب اللون مثلا اسود واهم حاجة الخياطة تكون بالون اخر مثلا الاحمر وده بيعلى شغل التقفيل جدا جدا وبيدى رونق وجمال للفرش غير عادى
طبعا انا نفسى نعمل فرش كمان لبطانة الابواب والدركسيون والفتيس بنفس طريقة فرش العربية المكس (جلد + شمواه)

وشكرا لاهتمامك وربنا يوفقك فى الاختيار لافضل سروجى وافضل سعر

زي الاستاذ مدحت ماقال

تصميم ال cps وهمي بس بالنسية للبرسونا الاحمر كمانه يكون سلفر عشان يليق شوية

طبعاً موضوع مهم و من زمان في انتظاره يا ايمن

اولاً : الي انا شيفه لحد الوقتي ان الفرش الجلد الناس اخده منه موقف علشان الحر و الكلام الخاص بالجو دا و بصراحة هما عندهم حق مليون %

ثانياً : بالنسه للفرش الخاص بال cps طبعاً رائع و لا جدال عليه بس علشان نقدر نوصل للخامات دي حيكون التكلفه عاليه اوي اوي لان بصراحة لو فكرنا نجيب خامات مش كويسه حيبقي شكله وحش جداً و بالتالي علشان نوصل لجوده التقفيل دي و الفخامه دي يبقي لازم حيتكلف تكلفه عاليه

انا عندي اقتراح يا ايمن ... حضرتك تروح للسروجي الي شيفه الافضل و الاجود من وجه نظرك تمام

حضرتك حتجيب منه كذا عينه لانواع فرش عنده شغال فيها يعني عينات للجلد - للقماش - للجلد و القماش (الميكس ) و حتعرضهم علي المنتدي و طبعاً هو حيقولك تكلفه الفرش من القطعه كام و بالتالي حيكون في سهوله في الاختيار بين الاعضاء الافاضل و خصوصاً ان الاسعار و شكل الفرش حيكون واضح امامنا

ثالثاً : بالنسبه تفصيل و لا جاهز طبعاً حيكون برده في اختلافات في الرأي .... يعني انا من رأي انه يكون جاهز و استاندارد للعربيه علشان مثلاً اقدر اخده علي طول و اركبه مثلاً عن سروجي في اسكندرية و لكن حيكون صعب جداً اني اجيب العربيه و اسبها اربع او خمس ساعات علشان اركب فرش (فاهمني يا مون )

واكيد النظريه دي حتطبق علي كل الاعضاء الي خارج القاهره

في انتظار رأيك يا ايمن باشا

تـــــــحـــــــــــــيات ي