الموضوع: ارجو الافادة (سنة اولى عربيات)

مفيش مشاكل يا رايس واحنا هنا موجودين علشان نساعدك بس بلاش خطك الكبير ده تاني

بس خد بالك انا هديلك فكره مبسطه عن حاجات معينه ودي محتاجه مواضيع كامله لواحدها وفي حاجات تاني هتلاقي شرحها كامل

نبدا باول سؤال

1- السيارة بها وحدة او وحدات رفع ؟؟؟؟؟؟؟؟ يعنى اية ةحدة رفع

وحدة رفع دي بتبقي للزجاج الكهربا الي بيكون فيها سنتر

يعني حضرتك تطلع من العربيه وتسيب العربيه كلها مفتوحه وتدوس علي زرار السنتر هتلاقي البيبان اتقفلت والزجاج طلع لواحده

2- السيارة بها جنوط سبور ؟؟؟؟؟ يعنى اية جنوط سبور هل هو الجزء الحديدى لكوتش السيارة ؟؟؟؟؟

الجنوط الاسبور شرحها موضوع كبير شويه بس هوا مبدأيا الجزء الحديد الي بيبقي في كواتش العربيه

3- يعنى اية سنسور بارك وما هى فائدتة واين يوجد فى السيارة ؟

السنسنور بارك ده بيبقي محطوط ورا في الاكصدام وعندك لمبه في التابلوه لما تقرب من العربيه الي وراك او الي قدام اللمبه دي تنور علشان متخبطش فيها

4- السيارة بحالة ممتازة،رش خوارج فقط يعنى اية عاملة حادثة يعنى ؟؟؟؟؟؟؟؟؟؟؟

رشه خوارج يعني مش عامله حادثه كبيره غالبا

العربيه لو عامله حادثه كبيره بترش الجزء بقي الي من جوه في العربيه الي بيبقي اسمها الدواخل

وساعات بتغير نص او ربع وده موضوع تاني

5- يعنى اية السيارة لونها ......... ميتاليك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

اللون الميتالك بيبقي داخل في تركيبه حبيبات بيسموها كسر الماظ وده بيلمع عن اللون العادي

6-يعنى اية ابنوس ؟؟؟؟؟؟؟؟؟؟

ده نوع معين من الاشجار بيطلعو منه الخشب ده وبيبقي غالبا في التابلوه وفرش الابواب

وبيدي شكل جمالي

7- يعنى اية مثبت سرعة ؟؟؟؟؟؟؟؟

يعني حضرتك وانتا مسافر تشغل مثبت السرعه ده علي السرعه الي انتا عايزها وتريح رجلك من علي الاكسراتير (البنزين)

8- يعنى اية السيارة رشة من الخارج نظافة ؟؟؟؟؟ او رشة جنبين ؟؟؟

دي رديت عليها فوق ورشه خارج يعني راشه خارج كلها ومش شرط تكون عامله حادثه

رشه جانبين يعني مرشش السقف ولا الشنطه ولا الكابوت وده بيثبتلك اكتر انها مش عامله حادثه

ومعظم العربيات في مصر بترش خارج بدري بدري طبعا انتا عارف الشعب المصري بيسوق العربيات ازاي

فاكيد بتتحك هنا شويه وواحد بعجله يروح عاملك خط في العربيه من اولها لاخرها فاكيد مش هتسيبها كده يعني

فبتحتاج ترجع شكلها ولمعانها من تاني

9- يعنى اية حساسات ؟؟؟؟؟؟؟؟؟

الحساسات دي في منها انواع كتير زي حساس الهوا وحساس الماف وحساس الشكمان وكل واحد ليه وظيفه معينه

10-سبويلر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

الاسبويلر ده الجزء الفيبر الي بيبقي مثبت علي شنطة العربيه (الجناح)

وده لو اصلي بيدي ثبات اكتر للعربيه

كده تقريبا جاوبت علي كل الاسئله اقرا كده براحه وافهمهم كويس والي محتاج تفهمه اكتر اسئل عليه وهرد عليك

A.Yakout

العربية بتزل بكاوتش فيه جواة جنط حديد
وظيفة الجنط انه يربط بين الكاوتش وجسم السيارة
يعنى هوة الصينية السوداء اللى بتكون راكب فيها الكاوتش ونربط منها الكاوتش بالعربية
علشان ندى شكل جمالى نعمل حاجة من اتنين
نجيب طاسة لونها فضى بلاستيك نحطها فى الكاوتش علشان تغطى منظر الجنط الاسود

او نغير ده ونجيب جنط اسبور وده بيكون شكل احسن
باشكال اجمال
وبنشيل الجنط الحديد والطاسة