موضوع ممتاز و يا رب فعلا الاسعار ترخص، و شوارعنا تنضف زي الخليج كده، تخيلو هنا الفرق بين الكورولا و الكامري ٢٥،٠٠٠ ريال تقريبا ، في مصر الفرق بينهم ٤٠٠،٠٠٠ جنيه او اكتر.
عرض للطباعة
موضوع ممتاز و يا رب فعلا الاسعار ترخص، و شوارعنا تنضف زي الخليج كده، تخيلو هنا الفرق بين الكورولا و الكامري ٢٥،٠٠٠ ريال تقريبا ، في مصر الفرق بينهم ٤٠٠،٠٠٠ جنيه او اكتر.
شكرا للعضو المحترم اللي نبهنا للموضوع ده -انا واحد من الناس كنت ناوي اشد العزم واشتري 316 2009 ب 230 الف بس كدا الواحد يصبر يمكن تقل اي مبلغ انا بردوا المستفيد
يا جماعة فى حاجة مهمة احنا برضوا مدحوك علينا
علشان حتى فى 2019 هتفضل ال 45 % ضريبة مبيعات موجودة
و 8.5 % تنمية موجودين
يعنى زى ما قال الاخ صاحب الموضوع هيبقا فى زيادة فى حدود 54 % على تمن السيارة الاصلى
فى الدول التانية بقا فى ال 54 % دول موجودين ولا كعادة عظيمة يا مصر
يعنى 54% ولا 200% زى دلوقت
ياعم دى خطوه هايله بس انت ادعى انهم مايزودوش ال45% دى!
بس انتوا متخيلن البلد هتسيبنا في حالنا هتلاقي قانون طلع يمصنا من حته تانيه زي الضرائب العقاريه وماخفي كان اعظم-لاتتفائل فأنت في مصر
الحكومة بتفرض ضرايب تعوض بيه التخفيضات اللى فى الجمارك
ربنا يستر
يعنى بعد عشر سنوات نشترى عربيه من غير جمارك
يارب قرب البعيد
ممكن نشتريها من غير جمارك 100% بس بضرائب 200%
للمره المليون ياجماعه
قلنا ان الجات تنص صراحة على عدم زيادة اى ضرائب او رسوم لتعويض الخفض فى الجمارك
وتنص ايضآ ان الحد الآقصى لآى رسوم على السلع لا تزيد عن 40%.. يعنى حتى ال 45% ضرائب وعليهم 8.5% رسم تنميه لازم دول كمان ينخفضوا الى 40%
يظهر ان الناس فى بلدنا من كتر العذاب لم تعد تصدق اى اخبار جيده.. تمامآ مثل العصفور الذى قضى عمره محبوسآ فلما فتحوا له الباب خاف الخروج