فى مشكله فى تكييف عربيه ينو كليو وديل 2001
والتكييف بعد الشحن بيسرب
وفى التوكيل قالوا ان الحله بتاعت التكييف لازم تتغير وفى لتوكيل ب 000 4 جنيه ولو استيراد هاتعمل حوالى 1500
ارجو افادتى ايه هى الحله وهل هى الكمبوريسور ولا ايه؟؟؟؟
ولو الحله دى بتسرب مش ممكن تتلحم
انا اعرف تلاجة التكيف او الكويل اللى ممكن يسرب لكن حلة دية اول مرة اسمع عنها والكباس غالى فعلا بس وديها لواحد بتاع تكيفات فى الحرفيين ,وهو هايظبطلك الدنيا وبلاش توديها لاى حد الناس هناك فاهمة هية بتعمل اية
شكرا يا سمسم بس كان نفسى لو فى حد يعرف السعر ويفيدنى
لسه مركب تكييف فى عربيه bmw من غير الكويل كلف 2200ج سربانتيه ومروحه وخراطيم وكباس استيراد يابانى
شوف ياباشا دية الاسعار وغالبا بتبقى واحدة
الكمبروسير (الكباس) بيعمل استيراد 1500 جنية وجديد بيعمل 3500 جنية
الكويل(تلاجة التكيف)بيعمل استيراد 1000 جنية وجديد بيعمل 1500,2000
ماتجيبهومش اغلى من كدة وصدقنى روح بس للحرفيين واسال على واحد اسمة الريحانى ,وشوف هايظبطلك الدنيا صح ومش هايشتغلك ويوم ماتنوى قولى بس وانا هاقولك تقولة اية عشان يظبطلك الدنيا ويريحك فى السعر
وحاول بقى ماتشحنهاش عشان كدة حرام الفلوس اللى بتدفع فى الفريون
شكرا ليكوا يا جماعه بس ياريت لو حد يعرف نمرة تليفون صنايعى كويس يدهونى اكلمه واحاول اظبط لانى زهقت من الموضوع ده وعايز اخلص
شكرا ليكوا جدا جدا
لو كنت من الاسكندرية تليفونى 0101622305 e mohamed abdou
شكرا يا كارى بس انا مش من اسكندريه انا من القاهره
انزل الحرفيين هتلاقى واحد اسمة الريحانى دة بتاع تكيفات وورشة ميكانيكة كمان راجل كويس جدا واسعارة حلوة مش غالى زى الناس التانية ,والريحانى دة محل على فكرة اسال بس هناك ,عشان انا كان معايا رقم تليفونهم وضاع منى لانى كنت مظبط عندهم من كام يوم وبجد ناس امنا جدا وشاطرين جدا ومش بيبقلبوا الشغل انا جربت بتوع تكيف كتير مالقتش حد زيهم حتى رشاد اللى هو المفروض احسن واحد بتاع تكيف هناك دة احسن منة 100 مرة واسمع كلامى والله ماهتندم