عاوز اشتري انذار وسنتر فايهما افضل ؟

**Tarek Fadl** · 21-10-2007 12:20 PM

السلام عليكم ورحمة الله وبركاته
انا ان شاء الله نويت اشتري انذار سنتر
وسمعت من الزملاء بالمنتدي عن انذار اسمه Ritchness Dragon ب 300 جم ويباع بالاسكندرية
وانا ايضا اعرف ان ولف نوع كويس فهل وولف انذار وسنتر ام انذار فقط وبكام ؟
وهل ولف افضل ام Ritchness Dragon ؟

**إسلام شاهين** · 21-10-2007 12:24 PM

مفيش حاجة اسمها إنذار وسنتر ده حاجة وده حاجة تانية وأنا عن نفسي أنصحك بالولف مضمون ومعروف .

**محمد المصرى** · 21-10-2007 12:35 PM

المشاركة الأصلية كتبت بواسطة إسلام شاهين

مفيش حاجة اسمها إنذار وسنتر ده حاجة وده حاجة تانية وأنا عن نفسي أنصحك بالولف مضمون ومعروف .

+1

الوولف ضمانه خمس سنوات

**Tarek Fadl** · 21-10-2007 01:09 PM

غلطة مطبعية
انا قصدي انذار وسنتر لان انا طبعا عارف ان ده حاجة وده حاجة ثانية , شكرا يا استاذ اسلام علي الرد السريع والمعلومة

**eng_mkhalaf** · 21-10-2007 01:22 PM

أنذار وولف ممتاز أنا ركبتة مرتين قبل كدة وعاة ضمان 5 سنيين وكمان التوكيل محترم قوى - السنتر احسن حاجة التايوانى ومعاة ضمان سنة
الأنذار الوولف بالتركيب و2 ريموت وممكن تختارهم زى ما أنت عايز أنا أخترت واحد مدلية وواحد مفتاح دة ب 200 جنية والسنتر الفردة ب25 جنية وتركيب الأربعة ب 125 جنية يعنى لو هتركب أنذار وأربع فرد سنتر يبقى 325 وممكن عشرة للواد الصنايعى ولو عربيتك أصلا فيها سنتر يبقى تركب انذار وفردة سنتر لباب السواق ب 225 أنا عملت دة ودة فى عربيتى القديمة واعربية الجديدة وكان فى التوفيقية عن واحد محترم ومشهور أسمة حسنى عبد الحكيم

**Tarek Fadl** · 21-10-2007 02:32 PM

السلام عليكم ورحمة الله وبركاته
الف شكر يا بشمهندس علي الرد وجزاك الله خير لكن لي استفسار

ولو عربيتك أصلا فيها سنتر يبقى تركب انذار وفردة سنتر لباب السواق ب 225 أنا عملت دة

انا معايا فيرنا مانيول فاضية هل هذا ينطبق علي عربيتي كمان ام لا

**إسلام شاهين** · 21-10-2007 02:39 PM

لأ لا ينطبق حضرتك هتضطر تركب إنذار كامل لل{بع أبواب غير الإنذار .

كنت ركبته لواحد صاحبي برضه في فيرنا فاضيه عند سبير كار بصراحه مش فاكر بكام وجبناله إنذار ولف شكله شيك قوي علشان مفتاح العربية بيركب في الريموت وعملناله إزاز كهرباء كمان للأربع أبواب .

**Abdallah** · 21-10-2007 03:10 PM

وولف او سيمفونى, الاتنين كويسين واسعارهم مرتاحة.

**Tarek Fadl** · 21-10-2007 03:36 PM

السلام عليكم ورحمة الله وبركاته
أ / اسلام تقريبا تكلفة الزجاج الكهرباء كام وهل هو عملي ام لا
وكنت سمعت ان ممكن بالريموت تفتح الشنطة كمان هل الكلام ده مضبوط

لأ لا ينطبق حضرتك هتضطر تركب إنذار كامل لل{بع أبواب غير الإنذار .

ياريت توضيح لاني مش فاهم قصدك

**Abdallah** · 21-10-2007 04:40 PM

استئذن اخى إسلام فى الرد, الزجاج الكهربائى بيريحك من فتح وغلق الزجاج بالطريقة اليدوية دة غير انك ممكن تركب معاه وحدات رفع ولما تقفل بالريموت يقفل الزجاج اوتوماتيكيا سعر ماكينة الزجاج على حسب النوعية والحالة لو هتجيب استيراد يتراوح من 60 جنيه الى 120 جنيه لكل ماكينة + مفتاح رفع وتنزيل لكل ماكينة يتراوح سعره ما بين 10 الى 40 جنيه والتركيب على حسب الصنايعى يتراوح من 50 الى 100 جنيه بالنسبة للأربع ابواب.
سعر وحدة الرفع نوعها ( غريب ) 40 جنيه والوحدة بترفع عدد 2 زجاج كهرباء.
الريموت يفتح الشنطة لو الشنطة كهرباء مش واير.

الموضوع: عاوز اشتري انذار وسنتر فايهما افضل ؟

LinkBack

أدوات الموضوع

عرض

عاوز اشتري انذار وسنتر فايهما افضل ؟ - انشر الموضوع فى :

-

-

-

-

-

-

المواضيع المتشابهه

سعر انذار وسنتر لوك

عاوز اشتري انذار للعربيه

من فضلكم اخواني الكرام عاوز اشتري انذار

عاوز اركب انذار وزجاج كهرباء,ووحدة وسنتر لوك

انذار وسنتر من التوفيقيه

الكلمات الدلالية لهذا الموضوع

المفضلات

المفضلات

ضوابط المشاركة