المشاركة الأصلية كتبت بواسطة test50
ههههههههههههههههههههههههه هههههههه
والله صاحب التعليق ده..........ماشاء الله اعطاهم خطه محكمه التفيذ .........ايه يا كابتن انت مع مينن
انت معهم ولا معنا؟؟؟؟؟
أهلا يا أخ تست صدقني أنا مع الغلابة , انا أصلا عربيتي كانت 125 موديل 1977 و كانت بتاعة الوالد رحمه الله و لما شفت الظروف و القوانين بعتها رغم انها عزيزة علينا و اشتريناها زيرو من 32 سنة لكن للأسف من حوالي سنتان بدأت قطع غيارها الاصلية تنتهي و كل الموجود أما كوري أو صيني أو مصري استثماري و طبعا مافيش حاجة اسمها استيراد لل 125
لانها لم تعد متداولة في أوروبا منذ اكثر من خمس سنوات و يمكن أكثر و حتى لما تدخل مواقع المستعمل الاوروبي الاجنبية لا تجد مستعمل 125 الا عربية أو يمكن أثنان .
طبعا لو راجعت سياسة الحكومة في التغييرات المتدرجة تجد أنهم بيغيروا كل حاجة واحدة واحدة يعني لما زودوا البنزين
زودوا 90 و 92 و 95 و سابوا 80 زي ماهوا بس الشاطر اللي يلاقيه .
زي مازودوا سعر تذكرة الاتوبيس من 10 قروش خللوا الاتوبيسات القديمة ب 10 قروش و كل الخطوط الجديدة ب 25 قرش و سيادتك قللوا العربيات أم عشرة قروش و كنا بنقف ساعة على المحطة لحد ما ييجي اتوبيس بعشرة قروش و كان ساعتها بييجي قدامه خمسة اتوبيسات ب 25 قرش و طبعا الواحد كان بيركب أبو ربع جنيه علشان ما فيش غيره بعد فترة انتقالية
أصبحت كل الاتوبيسات بربع جنيه و دلوقتي من 25 الى 50 قرش تقريبا بنفس الطريقة .
علشان كده أنا قلت الخطة اللي انا شايف من واقع خبرتي و قرائتي للأحداث لما سوف يحصل
المفضلات