المشاركة الأصلية كتبت بواسطة bob2009
انا لسه مجدد بى 450 الضريبه والارقام الجديده والنوذج بتاع التجديد و الطابع بتاع الشرطه والتامين كله 450 انت هتعمل فحص كمان يبقى 25 جنيه زياده على شان نوذج بتاع الفحص والطفايه مش بى 100 انا جبتها السنه من المرور بى 121 الكلام ده كان فى شهر 5 واخدت الشنطه والمثلث بس الناس الى بتجدد الايام دى بتقول مفيش لا شنطه ولا مثلث.
الاوراق الى لازم تكون معاك:
1- عدد 3 صور بطاقه واحد هياخدها وانت بتدفع التامين والتانيه هياخدها فى ملف العربيه و الثالثه خليها معاك لو الوحده بتاعتك فيها مثلث وشنطه هتحتاجها على شان هياخدها منك وهيطلب كمان صوره من الرخصه الجديد الى هتطلع مش الى معاك.
2- البطاقه بتاعتك وعقد البيع ولو انت الى مسجل لنفسك هتجيب معاك التوكيل اما لو صاحب العربيه هو الى عمل لحضرتك التسجيل بنفسه يبقى هتجيب العقد بس على شان مفيش توكيل اصلا (العقد الاصلى - او التوكيل والعقد الاصلى مش صوره )
3-شهاده مخالفات ويكون التاريخ بتاعها جديد على شان هى الصلاحيه بتاعتها 30 يوم فقط وطبعا الرخصه القديمه الى انت ماشى بيها دلوقتى تكون معاك.
-------------------------------------------------------
التعامل مع المرور :
1- هتشترى نموذج فحص الاول وبعد كده الطفايه على شان المندوب يختم الورقه بتاعت الطفايه ويختم عليها رقم الشاسيه وبعد كده هتفحص وتاخد بصمه الموتور و الشاسيه والمهندس يمضى على الورق بتاع الفحص وطبعا الفنى 5 جنيه لازم والمهندس لو بياخد فلوس متخافش هو هيقولك بنفسه او هتفهم من كلامه حتى لو عربيتك لسه زيرو مش مشكله.
2- تدفع التامين ويكون معاك صوره من البطاقه وتقوله نقل ملكيه على شان يكتب التامين باسم حضرتك وميكتبش ارقام النمره بتاعت العربيه على شان انت هتغيرها.
3- تشترى ملف على شان كل الورق ده يكون فيه وكده كده لو مش جايب ملف الموظف بتاع الشباك هيقول ليك هات ملف.
4- الى موظف التجديد وهياخد منك كل الورق ده ويدفعك الضريبه فى الخزينه وبعد كده تسلم الارقام الى معاك وهو هيقول لحضرتك تعمل ايه بالظبط على شان ممكن وحده تختلف عن وحده تانيه فى النظام.
5- الف مبروك الرخصه الجديده والارقام الجديده.
وربنا يسهل لحضرتك المشوار ده على شان ده ارخم مشوار فى الحياه كلها واهم حاجه حافظ كويس اوى على الورق الى معاك والارقام بتاعت العربيه لو ملاكى القاهره اخلعها ولو مش ملاكى القاهره شوف الموظف الاول هيقول ايه الاول ولو الارقام الجديده هى الى عند حضرتك اوعى تيجى جنب منها لازم المندوب هو الى يخلعها اما لو ملاكى القاهره عادى اخلعها على شان توفر على نفسك انك ترجع تانى للعربيه وتخلعها.