كيا بيكانتو جديده 2009 من التوكيل ولا جيتز 2008

اصدقائى الاعزاء بعد ان بحثت واتقصت عن السيارات لانى ناويه اشترى واحده

وللاسف خبرتى مش قوى فيهم لكنى نزلت سوق السيارات وشفت عربيه عجبتنى جدا وهى هيونداى جتز 2008 عامله 13000 كليو المهم سالت عن تمنها صاحبها ماسك فى 60000 ( ستون الف جنيه )
دا من ناحيه
من ناحيه تانيه عقلى بيتراوح بين البيكانتو من الاجنس ب 63000 طيب اعمل ايه اشترى الجيده ويبقى ضامناها
ولا اشترى الجيتز وانا وحظى طبعا لو هشترى الجتز هجيب حد يشوفها كويس او ارفعها ىالبنزينه


انصحونى يا اخوه ارجوكم:36_1_31:


مع خالص شكرى

تم النقل للمقارنات بواسطتي
مشرف هيونداي

جيتز عربية جامدة جدا 1600 سى سى 105 حصان سحب جبار وتكيف ممتاز و اكبر من البيكانتو
لو العربية كويسة وحالتها نضيفة توكلى على الله واشتريها مش هتندمى انشاء الله

الجيتز من وجهة نظرى احسن شرط ان تكون حالتها ممتازة بس بردة اجى اقولك العربية الزيرو ليها فرحتها واضمن من المستعمل
وطبعا انصح حضرتك بالأستخارة .... ربنا معاكى

الجديد جديد طبعا

شكرا للمهندس محمد سعد وللاخ عمر مكين على نصيحتكو وسرعة ردكو على

ومنتظره باقى الاراء

الجديد أفضل

دلوقتي بصراحة الجديد جديد يعني لو الامكانيات تسمح بجيتز جديد يبقى افضل لكن لو لا يبقى البيكانتو او مشابه ليها في الرينج

الجتز افضل طبعا لو كانت حالتها كويسة فعلا و عملة 13 الف كيلو بس, كدة كانها لسة جديدة, ماتور اقوى و اوسع و اشيك و تكيف احسن و مش حياثر على سحبها و لو فكرتى تبعيها بعد كام سنة حتجبلك سعر احسن من البيكانتو
اما لو مش حتعرفى تتاكدى من انها كويسة يبقى خليكى فى المضمون و هاتى البيكانتو

متشكره جدا جدا يا samehnoshi
هو دا التفكير اللى جالى فعلا انى فى اعادة البيع هتكون احسن من البيكانتو وكمان لو حالتها حلوه يبقى تماما
انا بحاول اتصل والله بواحد يجى معى يشوفها لكن للاسف لسه لم اتوصل له للان هو اشترى لصديقتى وبتشكر فيه بس ادتنى معاد ولسه لم تتصل

ادعى لى ربنا ييسر لى الخير بجد انا فى حيره لانى بدور على عربيه بقالى 3 او 4 شهور
بقى هو الواحد يقعد فى حيره من غير العربيه ولما تيجى فرصه وادبر الفلوس ابقى فى الحيره دى


معلش اصل الفلس مجتش بالساهل
ههههههههههههههههه ومحدش بيكلها بالساهل

طاب ما تكشفى على العربيه فى التوكيل اضمن برضه

فى رأيى الجيتز احسن
موتور اقوى 1600 سى سى وفيها كل الكماليات
واسعه رغم انها هاتشباك
وبعدين عامله 13 الف كيلو يعنى اكيد حالتها افضل من الزيرو
يعنى متلينه وزى الفل مش لسه عاوزه تليين وكده
وفى الاخر كل دى ارآء و برضه القرار ليكى فى الاخر

فى المقارنة دى يختلف الجيتز عشان الجيتز احلى ب100 مرة

الجيتز افضل سيارة اسيوية مع استثناء الياباني طبقا لبرنامج Top Gear
العربية موتور جميل جدا وشكلها جميل بس المشكلة هنا انها مستعملة
انا رايي انك لو مش فارقة معاكي حكاية الموتور يبقى الجديد افضل مع ان الموتور يفرق وبالذات لو العربية محملة لان البيكانتو 1000 او 1100 مش فاكر وموتورها على قدها شوية بس هي عربية كويسة برضو

الجيتز طبعا عربية ماشاء الله ممتازة بس بردو هقولك حاجة أنتى بنت يعنى مش هتحتاجى قوة ماتور وجرى وشد فى حاجة الجيتز بتاعت جرى وعفرطة راى أحسنلك هاتى البيكانتو لأن الزيرو زيرو وهتكون مناسبة ليكى كا أنسة بعدين المستعمل مهما يكون مش مضمون وربنا يوفقك أن شاء الله

متشكره جدا جدا يا جماعه على تازركم معى وردودكم بجد الكل مبخلش على
وحبيت اعرفكم اللى حصل معى
اخدت فعلا واحد خبير معى كان اشترى لصديقه لى سيارتها ا
المهم اخدنا معاد ورحنا للراجل اللى معاه العربيه وبعد ما قالى ان معرضه فى الحدائق وبعد ما رحت قالى اسف انا خرجت واستنينى ساعه هجيلك بسرعه ولما سالته عن اسم المعرض علشان اتوجه له على طول وصف لى مكان نتقابل فيه وقالى افضل
المهم ما اطولش عليكم جه فعلا بعد الساعه ولما كشفنا على السياره اكتشف انها واخده خبطه من قدام والراجل اللى معى قالى باللفظ هنخلع
وبعد ما اعتذرت بشياكه ومشينا قالى دا بياع شاطر قوى وكمان (.......) دى مخبوطه بس متصلحه كويس جدا عند حرفى قوى لانها متبنش
وعلى فكره لما سالته تانى على الكيلو مترات اللى عملاها العربه قالى 3000كم وطبعا الراجل اللى معى قالى لالالالالالالالالالالالال ا دول لاعبين اكيد فى العداد

و الحمد لله انها اتكشفت لى


شكرا لكم مره اخرى
وشكرا على نصايحكم
وفعلا اشترى جديد احسن واضمن
بس خليكم معى اخوتى انا هدفع 60 او 63 لسه معى فى البيكانتو جديد ولا ايه تانى جديد ممكن

وشكرااااااااااااااااااااا اااااا

معلش يا جماعه لانى جديده فى العربيات وعايزه اعرف
هل شراء العربيه من التوكيل احسن ولا من المعرض وايه الفرق ومين الارخص

وهل فى عروض كويسه اليومين دول فى مكان معين
او لو حد يعرف مكان كويس اشترى منه
كمان لو استقر الرأى على البيكانتو ففى الان منها ال 2009 ولم يصدر حتى الان 2009 بالرغم من ان فى انواع للكيا اصدرت ال 2010
فاعمل ايه
اجيب 2009 ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟

شكرااااااااااااا

suzuki selario...........I think in the same range

انا رايي سبيرنزا
بس الناس هتقولك بلاش صيني