استفسار بالنسبة لمخالفة الانتظار في الممنوع
كنت راكن في شارع كده في اسكندرية موازي لرصيف و ماكنتش عارف الصراحة انه ممنوع فيه الوقوف اصلا لان عربيتي ما كانتش الوحيدة اللي واقفة كانوا حوالي 4 او 5 عربيات راكنة برضه ...... المهم رجعت من مشواري لقيت الونش بيجهز العربية اللي قدامي للرفع بالونش و ببص علي عربيتي لقيتها الحمد لله مش متكلبشة ولا عليها مخالفة علي البربريز فرحت واخد العربية في الخباثة و قلت يا فكيك ........ فهل ياتري الونش ده اخد نمرة عربيتي و سجل مخالفة ؟ ولا لو كان اخد النمرة كان لازم يلزقلي مخالفة علي البربريز ؟ و المخالفة بتاعة الانتظار في الممنوع بقت كام حاليا ؟