الموضوع: قائمة قطع الغيارالأصلية شيفروليه فرونتيرا chevrolet frontera

فعلا أسعار الرادياتير و علبة الدركسيون مش طبيعيين
لو حد يتأكد منهم
و يدينا خبر

المشاركة الأصلية كتبت بواسطة Hatem Sallam

دى أسعار قطع غيار الفرونتيرا بتاريخ 21/10/2007

أسعار التوكيل
فلتر زيت 21
فلتر بنزين 36
فلترهواء 215
تيل فرامل امامى 200
تيل فرامل خلفى 550 مش عارف ليه أغلى
سير محرك 170
سير كاتينه 550
طلمبة بنزين 1500
فانوس أمامى 305
فانوس خلفى 40
مساعدين أمامى 700
مساعدين خلفى 700

ردياتير 6090
علبة دركسيون 7875

أنا عايز أجيب فرونتيرا عشان كده بسأل على قطع الغيار .... لو حد يعرف أسعر باقى الأجزاء
يا ريت يقوللى و لو حد عنده فرونتيرا : أيه أخبار العربية معاك ؟ و ايه هى مشاكلها ؟؟ و شكرا

انت متأكد من الأسعار دي

انا راكب فرونتيرا من كذا شهر و اقولك اللي اعرفة من قطع غيارها بس مش من التوكيل و لكن من محلات قطع الغيار

تيل الفرامل الامامي
التايواني ب 55 و الياباني ب 140

الفانوس الامامي ب70
الاشارة ب 23 على ما اذكر

الشبكة جبتها ب 110 بس من غير العلامة

المساعدين الامامي او الخلفي ب 240 للزوج

فلتر الزيت (هوة هوة بتاع الهيونداي) ب 25

الميكانيكي قاللي ان فلتر الهواء ب 40 جنية علشان كنت عاوز اغيرة و انا باسرفس العربية بس لما فكة لقاة جديد و نضيف, و دة ميكانيكي متخصص جيب و فرونتيرا

فلتر زيت الفتيس ب 140 الاصلي

أكيد سعر الردياتير و علبة الدركسيون دول غلط

يمكن فية علامة عشرية قبل اخر رقم

لو عاوز اي مشورة في العربية دي تحت أمرك

هي عربية حلوة و ناعمه و قوية جدا و متينة جدا و زي الفل

بس عيبها الوحيد اللي سمعتة عنها هو فتيسها الاوتوماتيك لو عطل او باظ بيتكلف ومتعب

السلام عليكم .......والهى يا جماعة توكيل الهرم هو اللى بيقول الأسعار دى
و أنا كمان قلت اسأل على الفتيس .... قالولى الجديد تمنه .........(50,000) طبعا أنا ذهلت
بس بيقول انه لو اتعمله عمرة ب 3000 هيكون كأنه جديد

ف ربنا يستر على حكاية الفتيس دى ...ده لو كده الواحد يفك عربيته و يبيعها حتت احسن
يا ريت يا أدهم .. تقوللى على الميكانيكى ده . رقمه كام و هو فين .. يمكن ان شاء الله الواحد يحتاجه و شكرا للجميع

عمرة فتيس اوتوماتيك في التوكيل ب 3000 جنية حلو قوي يا باشا

و الاصلاحات برة التوكيل حاتتكلف اقل من كدة بكتير

مش حاجة تقلقك قوي

الميكانيكي دة في الحرفيين اسمة ابراهيم عبدة في الشارع اللي فية حربي السروجي ووراة واحد تاني اسمة تامر شيروكي

على فكرة خد السعرين دول كمان عن اسعار قطع غيار الفرونتيرا


بيض الدركسيون 210 جنية

بيض المقصات 395 جنية

سير الموتور 160 جنية

سير الكاتينة سعرة في فاتورة في العربية حاجيبهولك بكرة, بس هوة في حدود 200 وشوية متهيألي او 300

و الاسعار دي انا كمان باخد عليها خصم علشان اعرف بتاع قطع الغيار كويس

هوة حد عنده فرونتيرا اصلا؟؟

وممكن الفتيس يتلاقي استيرا ب 3000 جنية اصلا

ماهو بتاع الهوندا باسبورت او الايسوزو روديو او الاوبل فرونتيراو الهولدن فرونتيرا و الفوكس هول فرونتيرا (هيه هيه نفس العربية), يعني موجود اوروبي و امريكي و ياباني و استرالي كمان :D