الموضوع: استفسار عند الشراء يهم كل الاعضاء

المشاركة الأصلية كتبت بواسطة Mshawky

اولا: انا هشترى بعد العيد الصغير مباشره فهل هيكون نزل موديل 2010 ولا هيكون فى السوق لسه 2009 ولا الافضل انتظر 2010 بدل كده كده هشترى فى الوقت ده ؟

تقريبا كل الموديلات اللى موجودة حاليا هيا 2010

و تقدر تتأكد عن طريق ال Vin No.

انصحك بالموضوع ده

http://www.nilemotors.net/Nile/a/749...tml#post842055

ثانيا: من كتر الكلام والمواضيع فى المنتدى فهمت ان هناك فروق اسعار مابين الوكلاء او المعارض وبعضها فهل هناك مكان موثوق فيه فى التعامل من حيث يكون اقل السعر والتسليم فى الميعاد

انصحك بالتوكيل اضمن واحد تقدر تشترى منه و ضمان 5 سنين او 100 الف كيلو



ثالثا : انا ان شاء الله ناوى على شراء الفئه قبل الاخيره اللى هى ب 119 فهل الافضل اشترى الهاى لاين واخلص ولا الفرق فى الكماليات مش مستاهل ؟

الفئة اللى قبل الاخيرة ده SX بفتحة سقف و سعرها 120 الف جنيه

الفرق فالكماليات بينها و بين الهاى لاين هو المفتاح الذكى و الفرش الجلد


واسف للاطاله وارجو التوضيح لاستفسارى وجزاكم الله كل خير

المشاركة الأصلية كتبت بواسطة Mshawky

الصراحه انا مش عارف اشكركم ازاى على المجهود والردود المنسقه والمفيده ديه ربنا يبارك فيكم يارب

انا خلاص هاخد برايكم وهتوكل على الله فى شراء اخر فئه فى الكيا وخلاص

بس ممكن حد يشرحلى بس مميزات او ايه الجديد فى موضوع المفتاح الزكى ده لانى سمعت فى بعض العربيات بالمفتاح ده بيدورها من قبل مايركبها الكلام ده صحيح ؟

* بص يا معلم، زى ما الإخوة قالولك قبلي، أغلب اللى فى السوق دلوقتى موديلات 2010 دى مافيش فيها مشكلة

* من رأيي إنك تحجز مع التوكيل من دلوقتى (حسب كلامك إنك مش ناوى تشترى إلا كمان شهرين) والوكيل مش هيسلمك قبل كده ، يبقى اتوكل على الله واحجز من دلوقتى والاستلام كمان شهرين ولا 3 إن شاء الله وهتاخدها بالسعر الرسمى بدون أى أوفربرايس

* بالنسبة لموضوع السمارت كى: ده عبارة عن حاجة زى الميدالية بتبعت إشارة لسنسورز فى العربية (تقدر تقول إنها حاجة كده زى السماعة البلوتوث لما بتتوصل على موبايل - مع الفارق طبعاً) ، فلما بتقرب من العربية السنسورز بتحس بالميدالية دى فالباب يفتح اللوك أتوماتيك (من غير مانتا تدوس على أى حاجة)، ولما تركب العربية فيه زرار Start/Stop engine.وده اللى بتشغل منه العربية برضه بدون أى مفتاح.

أرجو أن أكون قد أفدتك، وربنا يوفقك فى شراء العربية المناسبة إن شاء الله