الموضوع: الموضوع ده مهم جدا

ازيكم ياشباب عاملين ايه طبعا بقالى فترة غايب و الحمد لله عدنا
الموضوع هلخصهلكم على طول انا اول بدايتى مع ال سى بى ار 600 الحمد لله ربنا كرمنى بيها مكنة نظيفة
بس كان فيها عيوب اولا قطع الغيار كانت مدوخانى ثانيا المكنة كانت عاملة زى الاوتوبيس اتقل مكنة ركبتها فى حياتى وبتشفط البنزبن شفط مش عادى مع التانك 12 لتر كانت مغلابنى على الصحراوى كل شوية لازم بنزينة المهم لما اشتريتها حسبى الله والواحد مبيتعلمش ببلاش وقعت مع ميكانيكى لا يعرف الرحمة قطم وسطى فى المصاريف ما علينا المهم بعد كده اتعرفت على ميكانيكى تانى عن طريق الصدفة ابن حلال اسمه الاسطى شامبو فى الحلمية وضربنا صحوبية مع بعض ولانى مهتم جدا بالموتوسيكلات بقيت اساله كتير عن الميكانيكا ولما الموتوسيكل كان بيحصله حاجة كان بيفهمنى الموتوسيكل الى حصله ده من ايه وبسبب ايه وكان مهاودنى فى الصيانة بامانة وتفكير فى الموتوسيكلات وسع بعت ال 600 واشتربت 400 عشان البنزين وانتم عارفين اسعار البنزين الحلوة وبعد كده بعته وجبت هوندا ريبيل 250 وعلى فكرة ياشباب المكنة دى جميلة جدا سحبها حلو وخفيفة وفراملها امان وعشان مفيهاش تبريد ميه يعنى مفيهاش ريداتير كانت اعطالها بسيطة جدا كله كان تنظيف كربرتير وانسى حكاية ضربت جوان والكلام ده كله الاسطى شامبو مسميها عدو الميكانيكى عشان فين وفين لما بتبوظ المهم حبيت اجيب مكنة ليه وللزمن من الاخر مكنة تعمر والحمد لله بعد البحث لاقيت هوندا اسمها nsr 250 المكنة دى خرافة اولا دى مكنة سباقات مكنة خفيفة جدا اخف من سى بى ار 250 ثانيا مفيهاش مارش بمنفلة ايوه مكنة ريس بمنفلة يعنى انسى بقى حكاية المارش ومشاكله واللاقاط والبطارية النايمة وساعة الدينمو الى اتحرقت كله ده انتهى ثانيا المكنة دى مش ماشية على سبيكة ماشية على رولمان بلى يعنى من الاخر لاسبيكة ولا ديولوه طبعا الركيبة بتوع الريس فاهمين قصدى لانك مهما كنت محافظ على الريس بتاعك فى نهاية المطافة الكرنك هياكل السبيكة وما ادراك ماهى مشاكل السبيكة ابعدنا يارب واكتشفت ان البستم بتاعها هو هو بستم السوزوكى 150 البيش باجى بستم يابانى 30 جنيه انا مصدقتش انا قعدت اضحك لما شوفت البستم وسلملى على الخراط والمكنة دى من مميزاتها فيها خلاط زيت على بنزين تو ستروك من الاخر افضل اديها بنزبن 80 وشوية زيت والاقيها طيارة وسلملى على بنزين 92 انسى وفيها باور باند مش هقدر اكمل المميزات عشان مش هنخلص المكنة دى احلى مكنة فى حياتى ونصيحة للى عنده مكن nsr اوعى تبيعها دى دهب اياك تبيعها طبعا مافيش حلاوة من غير نار قطع غيارها نادرة شوية هو بس الى نادر فيها الالكترونى بتاعها لانه 3 الكترونى وجبته عن طريق الانترنت بسعر حلو وبالصدفة لقيت قطع غيار حلوة بسعر حلو فجبت منه شوية
وده للسادة الى بيتلدعو من قطع الغيار النار وفى الاخر مستعملة انا جبت تيل فرامل السى بى ار كله من اول 250 لحد 900 وجنازير جديدة اليابانى والصينى وجبت سكراين نظيفة المستوردة احلى من الاسكرينة المصرى المعفنة ام خرطوم من فوق الى 90 جنيه تسند عليها وتلاقيها طرقعتمكنتش بتكمل اسبوع وجبت فلاشر يمين وشمال اشكال حلوة الشكل القديم والاشكال الجديدة ودوسات الهوندا وخوذ عليها جماجم وشاسيهات الحديد يتاعت ال 250 وال 400 ال بيسبت عليها فوانيس ادام وحاجات تانية كتيرررر كله جديد مش مستعمل
والى يحب يتصل كملنى على 0103066116 ده رقم الميكانيكى عشان انا عارض الحاجة عنده واسمه الاسطى محمد شامبو ومتقلقوش من الاسعار

ارسل تحياتى للاخ cbr عشان بقالنا كتير متكلمناش ويارب تكون فاكرنى

وياريت ياشباب متبخلوش بالرد

ربنا يباركلك فيها بس عرفنة جبتها بكام و موديل كام عشان المكن دة نادر جدا في مصر

ربنا يباركلك فيها
المكنه دى بكام؟

محمد شامبو ده انا قابلته صدفه على ماكنه صيني
اخدت رقم تليفونه عشان لما اجيب يباني ابقى اروحله
ولسسا رافع اسمه ورقم تليفونه امبارح ل مستر فلام

المهم.........انا معايا 250 فاير بس مشعارف ايه ظروف تغير الزيت والفلاتر واغير عند الميكانيكي ولا عند اى حد بتاع زيت
وحاسس ان صوت الماتور خشن

سيبك انت من كل الكلام دة ،،،،،،
المهم حمدالله على السلامة
ومنور المنتدى

انا كلمت محمد شامبو و الراجل بتاع فيصل بس بيتكلمو ف 14 الف على ماحدة عاده و 14 على فير بليد
شكل الاسعار عليا اليومين دول

السلام عليكم جميعا شكرا على الرد ياشباب اولا هو سعر المكنة مش هقدر اقوله لانه خاص جدا ثانيا المكنة دى افراج ولسه مترخصتش وهى موديل 1987
ثانيا الاخ ستار لازم ميكانيكى لان بتاع الزيت ميعرفش مقدار الزيت فى المكنة اد ايه لان واحد صاحبى راح لبتاع زيوت وحطله الجركن كله لغاية لما الماكنة نفخت واجبت جوان
تسلم يا اخ عطيه وكيف حالك
مستر فلام انت قصدك ماحدة يعنى ماجنا؟ ثانيا انهى فير بليد؟