الموضوع: تامر حسني...أرجوك اختار كلامك بحكمة...

حسبنا الله و نعم و الوكيل....
و دا مثال من امثله الانحدار الخلقي المتعمد .. يعني هو مش فاهم هو بيقول ايه؟؟!!!!!!
و اللي زايد الطين بله كله بيقلد الشاب دا و للاسف بقي مثل لبعض الشباب
اللهم ارفع مقتك و غضبك عنا

انا اللي غايظني انه ده يكون (نجم جيلنا) يعني أبائنا كان عبد الحليم بيغنيلهم (كفاية نورك عليا...و بيقولهم هأقول أحبك و أعيش أحبك و جبار ) و غيرها و ده أبو قمصان حرير و شوية شعر هوه نجم جيلنا.......أمال الجيل يبئى منظره ايه لما ده النجم بتاعه!!!! وحتى الأجيال من بعدهم.......فؤاد و منير و عمرو دياب و ايهاب و غيرهم.........عمرهم ما قالوا كلام مستفز كده......

أللي يغيظك كمان لما يعملوا معاه اي لقاء مثلا لما نزل الألبوم و اللقاء في قناة مزيكا او لقاءه مع عمرو الليثي في برنامج واحد من الناس على دريم.......و تسمع كلامه ان اهم حاجة في حياته امه و انه بيخاف عليها اكتر من نفسه و يكنلها كل احترام و تقدير و انها اغلى ما عنده لدرجة انه سبق و جاتله تهديدات بشأنها وانه ماشي برضاها و دعائها......كلام معسول و جميل....

وياترى هيه معجبه بأعماله دي!! و شافت كليب تاعبة كل الناس؟؟ و لا هو اي نصب و خلاص...كلمتين عن الدين و القرأن علشان نرضي المتدينين المحافظين و يقولوا تامر متدين و كويس..و كلمتين عن الأم علشان نرضي الجماعة بتوع المباديء و الأخلاق .... وكلمتين عن غزة علشان جمهورنا العربي الحبيب.....و أغنيتين من هنا و أغنيتين من هناك المهم انه خلاص بيلم ملايين و وصل أجره لخمسة مليون جنيه عن الفيلم الواحد........

أرزاق.....و عفوا لطلاب الجامعات و المعامل و الماجستير و الدكتوراه و العمال اللي بيشتغلوا في الشمس و الكناسين و غيرهم كتير اللي عمرهم ما هيأخدوا الخمسة مليون دول يعني خمستلاف ألف جنيه !!!!!!!!!!!!!!!!

يا تغني يا تلعب كورة ...........تاخد كام مليون كده وش.....................

حاجة تحزن ..................

شكرا على مروركم و تواصلكم مع الموضوع..........

و اذكر ان كل واحد حر و ده نقاش مفتوح للجميع............

من غير زعل

بما انو مش عجبك اسلوبوه ولا طريق كلامه مهتم بيه ليه و عامل عليه موضوع كبير عريض و متابع اخبارة و كليباته
ده فى حد ذاته هيديله اهمية
انا اللى اعرفه ان لو في حد مش عاجبك و جالو فيلم و لا اغنية بهدوء جدا تغيير المحطة
و فى نفس الوقت لو عاجبك ابقى اتفرج عليه
و متنساش ان مفيش حد بيتم الاجماع عليه بنفس الرأى

على فكرة انا مش من محبى تامر حسنى
بس بردة مش بحب كتر النقد اللى بيعمل من لا شىء شئ عظيم و قدوة

المشاركة الأصلية كتبت بواسطة solycar

من غير زعل

بما انو مش عجبك اسلوبوه ولا طريق كلامه مهتم بيه ليه و عامل عليه موضوع كبير عريض و متابع اخبارة و كليباته
ده فى حد ذاته هيديله اهمية
انا اللى اعرفه ان لو في حد مش عاجبك و جالو فيلم و لا اغنية بهدوء جدا تغيير المحطة
و فى نفس الوقت لو عاجبك ابقى اتفرج عليه
و متنساش ان مفيش حد بيتم الاجماع عليه بنفس الرأى

على فكرة انا مش من محبى تامر حسنى
بس بردة مش بحب كتر النقد اللى بيعمل من لا شىء شئ عظيم و قدوة

تسمحلي اختلف معاك....انا مش مهتم بيه و مش موضوعي اللي هيديله أهمية لأنه ورانا ورانا في كل مكان و موجود و ظاهرة تستحق النقاش في أسباب ظهورها و انتشارها......

و لو الموضوع ببساطة اللي مش عاجبك ما تشوفوش و لا تتكلم عنه ما كانتش كل ساحات الحوار دي اتفتحت و اتناقشنا ده بيعمل كده ليه و الناس بتقلده ليه و ليه وصل حالنا لكده يمكن حد يستفيد حاجة من التاني و رأييه (زي ما حد بيقول على عربية ايه رأيكم فيها و يبدأ النقاش مع انه عارف هيشتري ايه في الأخر و عارف ظروفه بس دايما الكلام و الحوار مفيد)

و أعتقد انك لو قريت نوع النقد و خصوصا في الرد التاني ليا هتلاقيني بأقول عليه فعلا مخادع و نموذج سيء للنصاب اللي بيخليك تطلع الجنيه بمزاجك و تديهوله.....مش بأقول انه شئ عظيم و قدوة!!!!!!!

قدوة منيني اذا كنت بأنتقد تصرفاته المشينة في رأيي......!!!!!!!!

وشكرا على ردك.......