تعالوا نتكلم عن أمبير الحرارة في بروتون

**as01241** · 01-08-2009 11:16 AM

السلام عليكم آل بروتون
أنا الحقيقة الموضوع خطر على بالي إمبارح وقلت أطرحه عليكم ونتناقش فيه
أنا من أول ما إتعلمت سواقة العربيات إتعلمت إن أول حاجة لازم اللي سايق يفضل حاططها في دماغه طول ما العربية ماشية إن كل شويه عينه تبقى على أمبير الحرارة ومتابعه على طول , وطبعا دي بقت عادة فيا وملازماني على طول بشكل مرضي, وفي العربيات اللي سوقتها قبل كده (عربيات قديمة) ومن خلال متابعتي للأمبير كان بيعلى ويوطى حسب درجة حرارة الجو وقدرة المروحة ونضافة الرادياتير وخلافه , لكن اللي لاحظته في البرسونا إن المؤشر ثابت على طول قبل ال90 تقريبا 80 على طول , أول ما بدور العربيه يبدأ يعلى لحد 50 ويفضل شوية صغيرين أوي وبعدين يطلع لمكانه المفضل ويثبت على كده
أنا عارف إن دي مش مشكله ولا حاجة وأن الناس كلها عندها كدة بس اللي أنا عاوز أناقشه معاكم هو .....ليه ما بيقلش عن كده لما الجو يكون برد أو معتدل بمعنى لما أكون سايق في طريق مفتوح والجو حلو والهوا اللي جاي في وش العربية بارد ليه ما بتبردش ؟!!!! والثبات بتاع الأمبير ده بيطرح سؤال تاني .. المروحة وظيفتها إيه ؟؟!! وبتبرد إزاي ؟؟؟
في إنتظار ردودكم , وآرائكم المفيدة ...
وشكرا,

**waleedfesal** · 01-08-2009 12:57 PM

السلام عليكم
بص ياباشا
بالنسبه لموضوع حرارة المياه وعمل المروحه
على حد علمى ان المروحه تعمل على الحفاظ على درجة حراراه معينه ولتكن 80 زى ما هى فى البرسونا عندنا
عشان كده تلاحظ ان المروحه بتشتغل كتير فى الاوقات الحر
وبيقل عمل المروحه فى اوقات البرد لان الهوا البارد بيقلل الضغط على المروحه فبتخش اقل من اوقات الحر
يعنى دخول المروحه وخروجها بيتأثر بعامل الجو الخارجى ايضا
المهم هو الحفاظ على درجة الحراره عند القيمه الى المروحه مظبطه عليها

**as01241** · 01-08-2009 01:04 PM

المشاركة الأصلية كتبت بواسطة waleedfesal

السلام عليكم

بص ياباشا
بالنسبه لموضوع حرارة المياه وعمل المروحه
على حد علمى ان المروحه تعمل على الحفاظ على درجة حراراه معينه ولتكن 80 زى ما هى فى البرسونا عندنا
عشان كده تلاحظ ان المروحه بتشتغل كتير فى الاوقات الحر
وبيقل عمل المروحه فى اوقات البرد لان الهوا البارد بيقلل الضغط على المروحه فبتخش اقل من اوقات الحر
يعنى دخول المروحه وخروجها بيتأثر بعامل الجو الخارجى ايضا
المهم هو الحفاظ على درجة الحراره عند القيمه الى المروحه مظبطه عليها

كلام حضرتك جميل لكن في حاجة , إزاي الحرارة بتثبت 80 سواء حر أو برد , لو حر مفهومة المروحة تشتغل عشان الحرارة ما تعلاش .....طب لو الجو برد أو معتدل والمروحة مش شغالة إيه اللي بيثبت الحرارة على نفس الدرجة 80 , هل في حاجة بتسخن الموتور بحيث إنه يفضل على الدرجة دي حتى لو الجو يساعد إنها تقل؟ فاهمني ؟!

**MohabSaeed** · 01-08-2009 01:14 PM

حضرتك الموضوع يتلخص فى الثيرموستات.. و ده غير تيرموستات الحراره المسؤل عن تشغيل المروحه
فى كوع " مشترك " سائل التبريد بيبقى فيه ثيرموستات وظيفته انه بيقفل دخول السائل البارد للموتور لحد لما يوصل لدرجه الحراره المثاليه " بتختلف من سياره لاخرى " و يفتح لما الموتور يسخن ....مع تشغيل المروحه لو الحراره زادت عن المعدل الطبيعى , ولو مشيت فى عز الشتاء على سرعه 100 مستحيل تلاقى عداد الحراره نزل عن المنسوب الطبيعى ... لان فى الوقت ده الثيرموستات سادد دخول السائل من الريداتير و السائل البارد الى فى الريداتير مش واصل للموتور و بالتالى الموتور حرارته مش حتنزل .و بكده تحافظ على الموتور و تحصل على احسن اداء و افضل استهلاك بنزين .

**EslaM_NagY** · 01-08-2009 01:17 PM

المشاركة الأصلية كتبت بواسطة MohabSaeed

حضرتك الموضوع يتلخص فى الثيرموستات.. و ده غير تيرموستات الحراره المسؤل عن تشغيل المروحه
فى كوع " مشترك " سائل التبريد بيبقى فيه ثيرموستات وظيفته انه بيقفل دخول السائل البارد للموتور لحد لما يوصل لدرجه الحراره المثاليه " بتختلف من سياره لاخرى " و يفتح لما الموتور يسخن ....مع تشغيل المروحه لو الحراره زادت عن المعدل الطبيعى , ولو مشيت فى عز الشتاء على سرعه 100 مستحيل تلاقى عداد الحراره نزل عن المنسوب الطبيعى ... لان فى الوقت ده السائل البارد فى الريداتير مش واصل للموتور و بالتالى الموتور حرارته مش حتنزل .و بكده تحافظ على الموتور و تحصل على احسن اداء .

+100000000000000000000000000000000000

**EslaM_NagY** · 01-08-2009 01:22 PM

الفيرنا فيها حركة ظريفة اوووى

عداد الحرارة مفيهوش قرايات يعنى مفيش 50 - 90 - 120 ﻻ العداد فااااااضى المؤشر فقط

وفى نقطتين فى العداد لما العربية توصل درجة الحرارة الطبيعية بتاعتها بيبقى المؤشر واقف بين النقطنين دوول وميتجركش

**as01241** · 01-08-2009 01:48 PM

المشاركة الأصلية كتبت بواسطة MohabSaeed

حضرتك الموضوع يتلخص فى الثيرموستات.. و ده غير تيرموستات الحراره المسؤل عن تشغيل المروحه
فى كوع " مشترك " سائل التبريد بيبقى فيه ثيرموستات وظيفته انه بيقفل دخول السائل البارد للموتور لحد لما يوصل لدرجه الحراره المثاليه " بتختلف من سياره لاخرى " و يفتح لما الموتور يسخن ....مع تشغيل المروحه لو الحراره زادت عن المعدل الطبيعى , ولو مشيت فى عز الشتاء على سرعه 100 مستحيل تلاقى عداد الحراره نزل عن المنسوب الطبيعى ... لان فى الوقت ده الثيرموستات سادد دخول السائل من الريداتير و السائل البارد الى فى الريداتير مش واصل للموتور و بالتالى الموتور حرارته مش حتنزل .و بكده تحافظ على الموتور و تحصل على احسن اداء و افضل استهلاك بنزين .

نورت المحكمة يا أستاذ مهاب

بس الفكرة مع إني فهمتها بس مستغربها أوي , يعني ليه لما يكون الجو مساعد وممكن حرارة الموتور تنزل ل70 أو 60 الثيرموستات تمنع ده مع إن ده ممكن يكون أفضل للموتور _على ما أعتقد _ من ناحية الأداء وممكن إستهلاك البنزين ........مش عارف

**som3aa** · 01-08-2009 02:00 PM

كل العربيات الحديثة مؤشر الحرارة بيبقى ثابت و مبيتلعش و ينزل مش فى عربيات معينة

بيفضل يطلع لدرجة معينة اول ما تدور العربية و بعدين يثبت , دا طبيعى جدا من زمان

**Mohammmed** · 01-08-2009 02:42 PM

المشاركة الأصلية كتبت بواسطة som3aa

كل العربيات الحديثة مؤشر الحرارة بيبقى ثابت و مبيتلعش و ينزل مش فى عربيات معينة

بيفضل يطلع لدرجة معينة اول ما تدور العربية و بعدين يثبت , دا طبيعى جدا من زمان

حتى فى العربيات القديمة شوية اللى فى التسعينات كدا برده

**mby** · 01-08-2009 03:36 PM

المشاركة الأصلية كتبت بواسطة as01241

نورت المحكمة يا أستاذ مهاب :e_braces[1]:
بس الفكرة مع إني فهمتها بس مستغربها أوي , يعني ليه لما يكون الجو مساعد وممكن حرارة الموتور تنزل ل70 أو 60 الثيرموستات تمنع ده مع إن ده ممكن يكون أفضل للموتور _على ما أعتقد _ من ناحية الأداء وممكن إستهلاك البنزين ........مش عارف :b4_592:

العربيات مصممه بان تكون درجه حراره المحرك في حدود 90 مئوي وذلك لان الحصول علي اعلي كفاءه للمحرك تكون عند تلك الدرجه وعلي ذلك فانه يتم المحافظه علي ثبوت هذه الدرجة بواسطة الثرموستات حيب ما اوضح ذلك الاخ مهاب