كنتاكى

**som3aa** · 01-08-2009 04:50 PM

على العموم انا الحمد لله اتغديت بقالى نص ساعة
بعتت جبت اسكالوب من مطعم كويس اوى فى المنصورة
ومضمون ان شاء الله
بس لو غبت اكتر من يومين ابقوا اسألوا عليا لحسن يكون حصللى حاجة

الف مبروك على نجاح العملية

موضوع مضحك جدا , انت لو دققت مش هتاكل اساسا لان معظم الاكل اللى بناكلوا للاسف زى كل حاجة مضروب و بايظ و حالته بالبلا
يعنى تضمن اللحمة اللى بتشتريها فى البيت دى حمير و لا كلاب و لا خنازير و لا لحمة نضيفة ؟؟
اكيد لا , بس الصراحة كنتاكى معروف عنه انه قذر بزيادة مع انى بحبه , بعدين فعلا بيشتروا الفراخ من القاهرة للدواجن (كوكى ) اللى هى تبع اميريكانا بس اللى اعرفه بيدوا الفراخ دى هورمونات و دا اللى بيسبب ان تلاقى رجالة و اطفال صدرهم كبير جدا , دا غير الدهون و الحاجات الخطر

انا عن نفسى مكبر دماغى و باكل اللى انا عايزه و خلاص مع انى متاكد انه مغشوش و بايظ و منيل

هنعمل ايه؟ كل حاجة فى مصر مغشوشة اساسا و اولهم الاكل
دا حتى البطاطس يقولك مرشوشة مش عارف ايه و الفاكهة و الجديد اللى لسه قاريه من يومين ان الخضار و هما بيزرعوه فى منطقة مش عارف فين بيروها بمياه صرف صحى!!!!!

حاجة زبالة
بلد جميلة!!!

**PoweRPassioN** · 01-08-2009 04:54 PM

بعد دا كله برضو بتاكل من بره
!!!!!!!!!!!!!!!!!!!!!!!!!!

**hany121** · 01-08-2009 05:45 PM

شوفوا الفيديو ده

YouTube - kfc chicken halal?

**som3aa** · 01-08-2009 05:52 PM

شوفوا الفيديو ده

يا حبيبى الكلام دا فى انجلترا مش فى مصر
يعنى فعلا فى انجلترا مش حلال!!!!
مش كنتاكى بس تقريبا كل حاجة

**thegreatnileman** · 01-08-2009 07:47 PM

^^^^^^^^^^^^^^^^^^^^^^^

**هيثم** · 01-08-2009 08:12 PM

المشاركة الأصلية كتبت بواسطة pro_samir

موضوع الأكل برا الفترة دى بقى حاجة مرعبة

شريكى فى الشغل جالة تيفود من أكل مؤمن وبقالة اكتر من اسبوع مش بينزل من البيت ، واحد شغال معانا من فترة جالة تيفود من أكل جاد ، واحد معرفة برضو بنتعامل معاة فى الشغل كل برا وجالة تيفود فى نفس التوقيت.. مش عارف فى اية بصراحة

انا تقريبا كنت مبيفوتش يوم من غير ما اكل برا حتى لو حاجة خفيفة لأنى بنزل من غير فطار وعلى ما بروح بيكون الساعة بقت 3 الفجر لكن الفترة دى فعلا مبقيتش اكل برا الا للضرورة القصوى

انا جالى التيفود من سنه تقريبا
طبعا بسبب اكل الشارع
بالمناسبه حد عارف سبب التيفود ايه
او العدوى بيه بتم ازاى

بطريقتين
الاولى عن طريق الميا الملوثه بالمكروب
و التانيه ان الشخص اللى حضر الاكل لحضرتك
تكون ايده ملوثه بفضلات( فضلات الشخص نفسه اللى بيحضر الاكل ) حاضنه للميكروب والميكروب يتنقل لجسم الانسان مع الاكل

**egyptianmafia** · 01-08-2009 09:28 PM

المشاركة الأصلية كتبت بواسطة hany121

شوفوا الفيديو ده

YouTube - kfc chicken halal?

from the kfc.co.uk site

6. Who will supply your halal chicken for this trial?
For our fresh Original Recipe chicken on the bone, we are buying from a reputable supplier who has been audited and accredited by the HFA to ensure that their systems and processes fully comply with halal requirements. We will continue to purchase only high quality, A-Grade farm assured chicken from the same leading suppliers used by Britain’s’ major retailers. All of our suppliers, whether halal or otherwise, are contractually required to meet or exceed all UK and EU legislation on welfare.

dont believe videos on youtube! check out the info yourself!

**أحمد كمال** · 01-08-2009 11:53 PM

المشاركة الأصلية كتبت بواسطة karaktar

من كلام عامل كان شغال فى كنتاكى بيقول انه اتقرف من الفراخ دى من البلاوى اللى كان بيشوفها فى مطبخ كنتاكى

و فعلا لو دخلت مطبخ أي مطعم و لو حتى فندق مش هتاكل منه نهائي

شوف اي مطعم بيبقى محرص ازاي ان الناس ماتشوفش اللي بيجرا جوة :)

المشاركة الأصلية كتبت بواسطة pro_samir

موضوع الأكل برا الفترة دى بقى حاجة مرعبة

شريكى فى الشغل جالة تيفود من أكل مؤمن وبقالة اكتر من اسبوع مش بينزل من البيت ، واحد شغال معانا من فترة جالة تيفود من أكل جاد ، واحد معرفة برضو بنتعامل معاة فى الشغل كل برا وجالة تيفود فى نفس التوقيت.. مش عارف فى اية بصراحة

انا تقريبا كنت مبيفوتش يوم من غير ما اكل برا حتى لو حاجة خفيفة لأنى بنزل من غير فطار وعلى ما بروح بيكون الساعة بقت 3 الفجر لكن الفترة دى فعلا مبقيتش اكل برا الا للضرورة القصوى

على فكرة وباء التيفود بدأ ينتشر

انا شخصيا رحت المصل و اللقاح اتطعمت الأسبوع اللي فات

التطعيم عبارة عن حقنتين ..... بينهم شهر ..... الحقنة ب 15 جنيه

مناسب للاطفال سن سنتين فما فوق ..... غير مناسب للحوامل و المرضعات و الأطفال تحت سنتين

اعراضه الجانبية وجع في مكان الحقنة مع ورم لمدة 3 ايام و علاجه دهان فولتارين جيل

و سخونية و علاجها بروفين 600 كل ست ساعات للكبار ...... و نقط باراسيتامول للاطفال .....

المشاركة الأصلية كتبت بواسطة eng.octooo

انا اعرف واحد صاحبى والدة بيشتغل فى مصانع كوكى واكدى ان الفراخ بتاعة كنتاكى بياخدوها من عندهم

بالظبط

المشاركة الأصلية كتبت بواسطة som3aa

يا حبيبى الكلام دا فى انجلترا مش فى مصر
يعنى فعلا فى انجلترا مش حلال!!!!
مش كنتاكى بس تقريبا كل حاجة

بالظبط .... موقع كنتاكي في المملكة المتحدة مكتوب فيه ان اكلهم مش حلال ...... هما حاجة و احنا حاجة

المشاركة الأصلية كتبت بواسطة freeefair

انا جالى التيفود من سنه تقريبا
طبعا بسبب اكل الشارع
بالمناسبه حد عارف سبب التيفود ايه
او العدوى بيه بتم ازاى

بطريقتين
الاولى عن طريق الميا الملوثه بالمكروب
و التانيه ان الشخص اللى حضر الاكل لحضرتك
تكون ايده ملوثه بفضلات( فضلات الشخص نفسه اللى بيحضر الاكل ) حاضنه للميكروب والميكروب يتنقل لجسم الانسان مع الاكل

أو ان واحد ابن حلال يخش الحمام و ايده تبقى ملوثة بالفضلات و يسلم عليك و انت بعد كده تاكل .....

**ehabbasha30** · 02-08-2009 12:55 PM

المشاركة الأصلية كتبت بواسطة أحمد كمال

على فكرة وباء التيفود بدأ ينتشر

انا شخصيا رحت المصل و اللقاح اتطعمت الأسبوع اللي فات

التطعيم عبارة عن حقنتين ..... بينهم شهر ..... الحقنة ب 15 جنيه

مناسب للاطفال سن سنتين فما فوق ..... غير مناسب للحوامل و المرضعات و الأطفال تحت سنتين

اعراضه الجانبية وجع في مكان الحقنة مع ورم لمدة 3 ايام و علاجه دهان فولتارين جيل

و سخونية و علاجها بروفين 600 كل ست ساعات للكبار ...... و نقط باراسيتامول للاطفال .....

.....

يعنى فكرك اروح انا والولاد نتطعم ولا اية ؟؟؟؟؟؟
متهيألى لو المرض انتشر انتشار كبير كانوا خاوا التطعيم اجبارى