ساعدونى انا تعبت بجد مش عارف اخد قرار !!

**aboelnagah** · 01-08-2009 02:04 PM

بسم الله الرحمن الرحيم

اولا انا عملت الموضوع ده لانى خلاص وصلت لمرحلة انى مش عارف انام وتعبان جداااا وصلت لمرحلة انى زهقااااان جداا ومش عارف افكر حاسس انى مشلول

القصة وما فيها انا خلصت كلية تربية بقالى سنتين والحمد لله من غير تعثر قى الكلية ولا حاجة

وانا فى سنة 2 كلية عملت مكتب كمبيوتر بيع وصيانة وبفضل ربنا وصل لمرحلة كبيرة جداا وبقا ليا اسم

السنة اللى فاتت تعرضت لمحنة مادية كبيرة وهى انى دخلت شاشات استيراد خارج كمية كبيرة وحصلت مشكلة فى الجمارك والمستثميرة الكبار بينهم وبين بعض ونزلوا الاسعار وخسرت فى الشاشة عن سعرها الاصلى 70 جنيه يعنى بعتها بخسارة كبيرة جدااااا وطبعا دى اثرت عليا جدااااااا

والحمد لله قدرت اقف تانى على رجليا بس طبعا الشغل عندى اتأثر جدااا لان جزء من راس المال نزل جامد لكن الحمد لله ربنا مسهلها

وصلت انى اخد توكيل شاشات جديدة وليست استعمال وانى اقف تانى على رجلى طبعا علشان اخد توكيل الشاشات دى مضطر ان يكون معايا سيولة مادية مش كبيرة اوى ولكن مبلغ لحد كبير وفرصة التوكيل ده مش هتتعوض تانى لانى هاخدها بسعر خرافى جداااا وهيكون ليا فيها بيع حلو اوى

ولكن هنا بقا العقبة ان والدى فاتح لاخويا الكبير صيدلية ومصمم انه يعمل ليا واخويا التانى صيدلية وعاوزنى اسيب شغل الكمبيوتر ده هو شايف انه كلامه هو اللى صح مع انى مش حابب موضوع الصيدلية دى ورغبة فى التعليم هتبقى قليلة اوى وممكن اشتغل بس هبقا زهان برده

ايه بقا العمل انفذ اللى فى دماغى ولا اكمل مع والدى والغى طوحى وحبى فى مجال الكبميوتر وبرده مش عاوز اظلم والدى ولا اظلم نفسى

**M.almaghraby** · 01-08-2009 02:15 PM

تنفذ الي فدماغك طبعا

احلي حاجة انك تشتغل حاجة بتحبها

**النوبي** · 01-08-2009 02:16 PM

والله كنت في حيره زيك واكتر بس في الاخر وافقت علي مبدا ابويا ان التجاره مفيش احسن منها وبعد اقل من سنه ابويا اتوفي ودلوقتي انا ماسك مكانه وتمام علي كده (اكتشفت بعد وفاه ابويا ان الواحد ليه اهداف في الدنيا وفي نفس والوقت عليه واجبات مخلوق علي شانها....... بمعني انك ليك اهداف وطموحات بس مش مشكله تحققها او لا مش هتفرق كتير اذا كانت تتعارض مع اداء لواجباتك اللي هي بر الوالدين لان برالوالدين هيدخلك الجنه وهيديلك كرم من ربنا ولا ليه اول ولا اخر)

**M.almaghraby** · 01-08-2009 02:29 PM

بر الوالدين مالهوش دعوة بالموضوع دا علي الاطلاق

انتا مش بتعصيه فحاجة !!!

دا مستقبلك انتا وانتا الي مسئول عنه ,, فا متغلطش غلطة الكلية تاني

**هيثم** · 01-08-2009 02:33 PM

قطعا والدك عايز مصلحتك
حاول تقنعه بوجهك نظرك
عن طريق طرف تالت
يكون محل ثقه والدك
لو ده منفعش
انا شايف انك لازم تعمل
اللى والدك طالبه منك
لانه قطعا شايف ان ده
الاصلح ليك وبعدين شغل
الكومبيوتر موجود مش هيطير
لو جربت راى والدك وما استريحتش
هيكون عندك سبب قوى انك جربت و الموضوع ما مشييش
معاك وترجع للحاجه اللى بتحبها ومحدش هيقدر يلومك فى الوقت ده
بس لازم تخوض التجربه للاخر
وما تنساش الاستخاره

**aboelnagah** · 01-08-2009 02:34 PM

ما هى المشكلة انى علشان اوصل للمشروع اللى انا عاوزه واخد توكيل الشاشات اللى انا عاوزه لازم اخد فلوس من والدى علشان اقدر اقف على رجلى وعلى 15 الف جنيه فطبعا مش هيوافق لانه شايفه انى غلط

**aboelnagah** · 01-08-2009 02:36 PM

المشاركة الأصلية كتبت بواسطة freeefair

قطعا والدك عايز مصلحتك
حاول تقنعه بوجهك نظرك
عن طريق طرف تالت
يكون محل ثقه والدك
لو ده منفعش
انا شايف انك لازم تعمل
اللى والدك طالبه منك
لانه قطعا شايف ان ده
الاصلح ليك وبعدين شغل
الكومبيوتر موجود مش هيطير
لو جربت راى والدك وما استريحتش
هيكون عندك سبب قوى انك جربت و الموضوع ما مشييش
معاك وترجع للحاجه اللى بتحبها ومحدش هيقدر يلومك فى الوقت ده
بس لازم تخوض التجربه للاخر
وما تنساش الاستخاره

ياباشا لو سبت شغل الكمبيوتر مينفعش ارجع تانى ليه لانى هكون بعدت عن المجال حوالى سنة ولا حاجة يبقى خلاص اسم المحل اللى انا عامله راح فى الهوا خلاص

**nabaster** · 01-08-2009 02:42 PM

سلام عليكم

انا يمكن راي يكون مختلف شويه عن باقي الاعضاء

بس بصراحه ده الي هعمله لو انا في مكانك

دلوقت انتا مفيش ليك شغل حكومي شغلك كله في المكتب بتاع الكمبيوتر وبس

دلوقت لو المكتب ده من فلوسك انتا الشخصيه ووالدك هيعملك هوا الصيديله من فلوس تانيه

يبقي من راي تشغل انتا الاتنين وتبقي مدير الاتنين

الصيدليه مش محتاجه حد متفرغ تفرغ كامل علشان يقعد فيها

معظم الصيادله الي اعرفهم فاتحين صيدليات وبيشتغلو مندوبين دعاية في شركات ادويه

ولعلمك مندوب الدعايه بالميت بيرجع من شغله علي 5 او 6 المغرب

وانتا معندكش اي شغل تاني غير مكتب الكمبيوتر

حاول تمشي في الاتنين وشغل الاتنين وهيبقي عملت مشروع احلامك وبرضه عملت بنصيحة والدك

انتا قلت انك كنت هتقع والحمد لله ربنا وفقك وقمت من جديد

افرض لقدر الله لقدر الله ربنا مكنش كاتبلك تنجح من تاني؟؟؟؟؟ كده هيبقي انتا اتسوحت يا رايس

لانك حاطط راس مالك كله في مكان واحد

قاعده اولي تجاره لا تضع كل البيض في سله واحده

حاول تمشي في الاتنين ولو رسيت تصفي شوية شغل صغيارين من مكتب الكمبيوتر لو محتاج سيوله تفتح الصيدليه

وهتعوض ده ان شاء الله بعدين

ان شاء الله ربنا يوفقك وده راي المتواضع

A.Yakout

-

-

الموضوع: ساعدونى انا تعبت بجد مش عارف اخد قرار !!

LinkBack

أدوات الموضوع

عرض

ساعدونى انا تعبت بجد مش عارف اخد قرار !! - انشر الموضوع فى :

-

-

-

-

-

-

-

المواضيع المتشابهه

ساعدونى فى إتخاذ قرار شراء ال e21....!!

ساعدونى تعبت من العفشه

ساعدونى فى قرار شراء الفيرنا

ارجوكو ساعدونى بجد تعبت

الكلمات الدلالية لهذا الموضوع

المفضلات

المفضلات

ضوابط المشاركة