مأساة الثانوية العامة

**كابوس الليل** · 01-08-2009 04:23 PM

بسم الله الرحمن الرحيم

اللهم صل على محمد وعلى آله وصحبه أجمعين
السلام عليكم ورحمة الله وبركاته سبحانك اللهم وبحمدك ، أشهد أن لا إله إلا أنت أستغفرك وأتوب إليك

{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ} [التوبة:105]

انا لالاسف داخل على الثانوية العامة فى مصر

واحب اقول مدة اهمال التعليم فى مصر وخصوصا المدارس الحكومية
كمان انا الدفعة الى بعدها سنة فاضية يعنى دلوقتى مفيش تلتة ثانوى

وطبعا كله دروس خصوصية
ناقص اخد فى الالعاب درس

انا ان شاء الله داخل علمى رياضة او "علمى علمك" والله اعلم
واللغة التانية المانى Deutch
ويجب عليك ايها الطالب حجز جميع المواد وانت فى اولة ابتدائى عشان تلاقى مكان مع المدرسين
انا حاجز مع المدرسين من بعد نص السنة وانا فى اولة ثانوى وبعضهم مكنش فى مكان
كلمت مدرسة كيمياء كانت بتدى اختى الكبيرة كلمتها عشان احجز فى شهر اربعة
جالها جنونة وقالت لالالالالالالا مفيش مكان خالص انت عبيط الناس حجزة معيا من الصيف الى فات
لالالا
طبعا معرفتش احجز معاها اعدت ادور على مدرس كيميا والحمد لله لقيت مدرس كيميا والحمد الله حجزت معاه وكلمنى امبارح واتفقنا على معاد الدرس والكتاب.وان شاء الله حنبدا من يوم 15/8
النهاردة واحد تمانية يعنى حضرتك لازم تكلم كل المدرسين:
المانى من اول تسعة ان شاء الله
الرياضة انا الاستاذ بتعها صديق عائلة فا مفيش خوف خالص والحمد لله
العربى لسة مكلمه وقالى كلمنى يوم 15/8 وتقريبا حنبدا اول تسعة برضوا
الكيميا خالص اتفقنا على المعاد
الانجليزى لسة قافل معاه واتفقنا على المعاد والكتاب وكل حاجة
الى تعبنى بقا لما سالته على الكتاب الخارجى قالى اتاكد وانت بتجيبه اتاكد انه المنهج الجديد
المنهج الى نازل عليك يا عمرو منهج اول مرة ينزل ,اول مرة نتعامل معاه
نظام الامتحان الى هيطبق عليكوا اول مرة يتعمل يعنى احنا فئران تجارب
حسبنا الله ونعم الوكيل
احب اوريكوا مدرستى والنظام والانضباط الداخلى لمدرسة:

ده الغياب انا كنت واخده لوحدى وكل الفصل كاتت
رمز على الحضور:

الديسك الى حيطلع احمد زويل رقم اتنين الى حيزاكر عليه ويجيب التقدم لمصر :

الجرس الكهربى: لما بيحبوا يضربوه بلبلتوث:

كنا بنصلح الباب بس:

بيشربوا سجاير لو ركزتوا فى الصورة :

ربنا معانا

للمرة الأخيرة ....
استخدام اللــــــــــــــون الأحمر مخالف للقواعد
مع حصولك على تحذيرات سابقة فأنت تستحق إنذار مصحوب بالوقف
و سيتم "تعليق" تنفيذ العقوبة
مع تفعيلها مع أي مخالفة قادمة
برجاء توخي الحذر

مشرف عام .2

**dr.nemo** · 01-08-2009 06:47 PM

من اللي انا شايفه ان اصعب الناس ظروفا الاعلى تفوقا وتميزا
طبعا مش بنقول ان ده حاجة كويسة الكل بيتمنى انه يبقى عندنا تعليم بجد
مش حفظ وتلقين وتفريغ في الامتحان وخلاص

ربنا يهدي بتوع التربية والتعليم اللي
كل سنة يطلعوا بحاجة جديدة
مرة الثانوية سنة ..لأ سنتين .... وليه متبقاش تلت سنين
المستوى الرفيع من حق الجميع ......... لا لا مفيش مستوى رفيع
سنة سادسة اللي محيراهم دي
وكانوا هيعملوا الابتدائي تقييم مستمر

وحتى في الجامعات

دفعتي اللي انا فيها دلوقتي
مخلينها فئران تجارب بصحيح
وكل شويه يجربوا علينا حاجة
مرة طريقة امتحانات جديدة
ومرة درجات سلوك وحضور المحاضرات (علشان خاطر الجودة)
واحنا الدفعة الوحيدة اللي فيها فصل ( بنين او بنات) ودي الحاجة الوحيدة الكويسة
ومرة يخلو الرواندات بعد الظهر ومرة قبل الظهر
والسنة دي اضافوا لنا مادة جديدة لمدة 3 سنين ولكليتنا احنا بس من بين كل الجامعات
وعلشان كده احنا اقل دفعة في التقديرات
وكل ده علشان احنا الدفعة الفضية (الدفعة ال25)
وقالوا ايه ان كل ده لمصلحتنا
المشكلة التنسيق بيبقى على مستوى الجمهورية
وكده احنا اللي حنتشحطط في الاخر
منهم لله

المشكلة التجارب دي بتبقى حلوة جدا وناجحة جدا على الورق
انما في الواقع = صفر

على العموم ركز انت واستمتع بالمذاكرة زي ما انت بتستمتع بالعربيات كده
وهي حتبقى من احلى السنين في حياتك

**Dr Zezo** · 01-08-2009 07:41 PM

المشكلة التنسيق بيبقى على مستوى الجمهورية
وكده احنا اللي حنتشحطط في الاخر
منهم لله

يا باشا مش لوحدك كلنا في الهم سواء

وبمناسبة هذا الكلام يحضرني ما قاله احد الزملاء الطلبة في احدي الكليات -- لا داعي لذكر اسم الجامعة ليفتكروا انه حسد:10D5C8~1107:-

-

""كفاية حرام ثلاث سنوات و تقديري ثابت علي 86% انا لازم اشد حيلي و اذاكر بقي احسن كده هاضيع ""

**كابوس الليل** · 01-08-2009 07:50 PM

للمرة الأخيرة ....
استخدام اللــــــــــــــون الأحمر مخالف للقواعد
مع حصولك على تحذيرات سابقة فأنت تستحق إنذار مصحوب بالوقف
و سيتم "تعليق" تنفيذ العقوبة
مع تفعيلها مع أي مخالفة قادمة
برجاء توخي الحذر

مشرف عام .2

احب اقول للمشرف العام 2.
انا عارف ان اللون الاحمر مخالف للقواعد وانا مش قصدى اعند ولا حاجة بس ديه اية قرانية
انا عارف كويس اوى من اخطاء الاعضاء ان اللون الاحمر مخالف للقواعد والكلام ده...
بس ديه اية قرانية يعنى ليها وضع خاص وانا كل مواضيعى بلون الازرق وانا قاصد اكتب ديه بلون الاحمر, كمان فى توقيعات اعضاء بلون الاحمر
مجتش عليا انا يعنى
ومش معقولة ان كل ما اعمل موضوع يا امة يتمسح او اخد مخالفة ولا انذار
كدة كتير على فكرة
لو عايزين توقفونى وقفونى بس حتخسروا عضو كان بيحب المنتدى زى عينيه

سيدي الفاضل
تنص قواعد المنتدي علي ان اللون الاحمر لتمييز مداخلات اداره المنتدي ومشرفيه
ولديك ملايين الدرجات من الالوان لتستخدمها
فلن يغنيك الاحمر ولن يقلل من شانك اي لون اخر تكتب به
وفي حاله رؤيتك لاي توقيع او مشاركه بالاحمر يمكنك ارسال تقرير مشاركه للاداره وسوف يتم تغيير اللون
ولتعلم ان قوانين المنتدي لا تحابي احد
برجاء عدم استخدام اللون الاحمر مره ثانيه حتي لا يتم تفعيل العقويه
وبالنسبه لعباره (لو عاوزين توقفوني اوقفوني )فنحن لا نوقف احد تبعا لاهوائنا الشخصيه
ولكن الوقف يكون بتنفيذ قواعد وقوانين المنتدي
شكرا لتفهمكم
مشرف عام 1

**نور القمر** · 01-08-2009 08:15 PM

ممكن يا كبوس تستخدم اي لون تاني غير الاحمر لتمييز المهم
عندك اخضر واورانج وفوشيا ....الخ وكلها الوان ملفتة للنظرمجتش على الاحمر يعني

**kemo0o** · 01-08-2009 08:23 PM

نصيحة مني ...
خد الثانوية العامة منااااااااااااازل !! ايوه منازل هتقول لي ليه ؟؟
1- هتكون فاضي تذاكر أكتر الا لو كنت من الناس اللي مش عارفه مصلحتها
2- لجان المنازل بتكون أخف تشديدا من اللجان العادية عشان الناس اللي بتمتحن فيها بيكون 75% منها كبار فوق ال 22 سنة والجو ده هيخلق لك راحة نفسية في الامتحانات

وبالتوفيق

**SHNORY** · 01-08-2009 08:53 PM

المشاركة الأصلية كتبت بواسطة كبوس الليل

احب اقول للمشرف العام 2.
انا عارف ان اللون الاحمر مخالف للقواعد وانا مش قصدى اعند ولا حاجة بس ديه اية قرانية
انا عارف كويس اوى من اخطاء الاعضاء ان اللون الاحمر مخالف للقواعد والكلام ده...
بس ديه اية قرانية يعنى ليها وضع خاص وانا كل مواضيعى بلون الازرق وانا قاصد اكتب ديه بلون الاحمر, كمان فى توقيعات اعضاء بلون الاحمر
مجتش عليا انا يعنى
ومش معقولة ان كل ما اعمل موضوع يا امة يتمسح او اخد مخالفة ولا انذار
كدة كتير على فكرة
لو عايزين توقفونى وقفونى بس حتخسروا عضو كان بيحب المنتدى زى عينيه

يا باشا علي راي نور مجاتش علي الاحمر
كمان لو انت اتطردت من المنتدي مين حيعمل التقارير الممتازه بتاعتك دي
بس عارف المشكله في ايه ؟؟؟
انت ممكن تعمل موضوع كبير جدا ومليان بالالوان وتتعب فيه
وييجي المشرف يلغي الالوان كلها لانه مش حيقعد ينقي الاحمر من بينهم
وبكده حيبقي مجهودك في الموضوع موجود لكن تنسيق الموضوع حيضيع جزء منه بسبب الاحمر
دا انا بخاف اروح المقابلات بعربيتي علشان حمرا
احسن الاقي مشرف هناك يحذفهالي

ولو انت بتحب المنتدي زي عنيك فتاكد ان المنتدي والاعضاء وانا منهم كمان بنحبك
احنا كلنا اخوه واخوات متجمعين علي الخير
فمجاتش علي لون اللي حيخليك تزعل
حنبقي عاملين زي اللي بيسيبوا الدنيا كلها وبيمشوا عكس الاتجاه
علشان الشارع فاضي

**M.Osman** · 01-08-2009 10:01 PM

فكرتنى بأيام زي الــــــــ .... الفل طبعاً

هاها
بلاش الأحمر يا مان ... احنا عايزين جديدك على طول...

**أحمد كمال** · 02-08-2009 12:58 AM

دفعة الثانوية العامة 1998

يعني اخر دفعة تحسين

و كمان خريج الحسينية في العباسية

و دي بنت عم النقراشي بتاعة حدايق القبة (طيب ضايقت القبة ليه هي عملت لك ايه هاهاهاها)

يعني مساء الاجرام

و مساء الشضل

بس ماتخافش علمي رياضة سهلة فحت

انا ما حسنتش غير مادة واحدة بس عشان كنت زهقان يوم الامتحان

على فكرة انت محسسني اني كائن أثري لأن الموبايل ماكانش دخل مصر و انا في ثانوي و ما انتشرش الا اما دخلت جامعة و ابو كاميرا مابقاش منتشر و في متناول الجميع الا و انا متخرج و باشتغل

ربنا يوفقك

ملحوظة اخيرة: اسمه Deutsch مش Deutch

-

الموضوع: مأساة الثانوية العامة

LinkBack

أدوات الموضوع

عرض

مأساة الثانوية العامة - انشر الموضوع فى :

-

-

-

-

-

المواضيع المتشابهه

اخبار الثانوية العامة معاكم ايه

صعوبة الامتحنات في الثانوية العامة

متعهد نتيجة الثانوية العامة ... مين ؟

عاوز نتيجة الثانوية العامة ادخل .........

الكلمات الدلالية لهذا الموضوع

المفضلات

المفضلات

ضوابط المشاركة