ليه استهلاك البنزين مش ثابت؟

**ehabident** · 01-08-2009 05:35 PM

أنا عارف ان استهلاك البنزين بيعتمد اساساً على طريقة السواقة (بفرض ان العربية سليمة) بس انا كل ما أحاول اقيس استهلاك البنزين دايما بيبقى فى فروق فى كتير من الاحيان مش صغيره (جربتها مع كورولا عيون 1300 مانيوال - بوما 1300 مانيوال - ليفينا)، وعمره ما بيطلع زى الكتالوج ما بيقول. واحيانا الاستهلاك بيبقى واحد فى نفس المسافة مرة مع التكييف ومره من غيره

بغض النظر عن ظروف الطريق والزحمة وخلافه، هو فى محطات بنزين بتغش البنزين؟ وليه كل ما تسأل واحد دايماً يقولك روح على بنزينه معينه بدافع ان "بنزينها احسن" وبلاش البنزين الفلانية علشان بنزينها "وحش"؟

وفى ناس بتقول ان البنزين الـ90 أحسن جوا البلد والـ92 أحسن على الطريق!!

يا ريت كل واحد يشاركنا برأيه علشان نعرف ايه آخرة حكاية البنزين دى.

**Mohammmed** · 01-08-2009 07:20 PM

حسب طريقة السواقة
وحسب الطريق يعنى داخل المدينة غير السفر وكدا
وطبعا حسب التكييف شغال ولا لأ والعربية كام سى سى ...

**kliken** · 01-08-2009 07:23 PM

المشاركة الأصلية كتبت بواسطة Mohammmed

حسب طريقة السواقة
وحسب الطريق يعنى داخل المدينة غير السفر وكدا
وطبعا حسب التكييف شغال ولا لأ والعربية كام سى سى ...

كلام مظبوط جدا

**tutankhamoun** · 01-08-2009 07:50 PM

بيتم حساب استهلاك البنزين داخل المصنع في الظروف المثالية ....... و ده تقريبا مستحيل تحقيقه على أرض الواقع كثيرا .
بيتم القياس على سرعة 90 كم - س في ظروف جوية ملائمة تماما و في جو معتدل تماما

بخصوص نوعية الأوكتان
نوعية الأوكتان ليس لها أي علاقة بنوعية القيادة ......... داخل أو خارج المدينة
نوعية الأوكتان اللي بيحددها درجة ضغط المحرك و ده بيكون مكتوب في الكتالوج و نوعية الأوكتان بتكون مكتوبة غطاء تموين البنزين في السيارة .

يعني مينفعش تجيب عربية المفروض تأخد 95 ,,,,,,,, و تديها 90
ده هايعمل تسقيف ...... استهلاك بنزين عالي علشان كفاءة الحرق للوقود بتقل ....... تقليل عمر المحرك على المد ى الطويل .

و العكس هو اهلاك فلوسك في الأرض
يعني لو عربيتك محتاجة 90 أو 92 و أنت تشتري بنزين أعلى ......... كل اللي هايحصل انك رميت فرق الثمن في الأرض .
لأن العربية مش محتاجة أوكتان أعلى من الموصى به .

بالنسبة لموضوع محطات البنزين ........ أيوة طبعا في محطات بتغش البنزين .....
أو في محطات قديمة و الخزانات بتاعتها قديمة و مصدية و مليانة بلاوي ممكن تسد فلتر البنزين و تقلل كفاءة الحرق و بالتالي استهلاك أعلى و تسقيف و سد رشاشات .

**Fadi Ezzat** · 01-08-2009 09:28 PM

انا هختصر كلامى فى كام كلة صغيرة اوى

الى مكتوب فى الكتالوج دة متوسط الاستهلاك
مش الاستهلك
يعنى فى زيادة او نقصان

**Rembrandt** · 01-08-2009 11:05 PM

المشاركة الأصلية كتبت بواسطة fadi ezzat

انا هختصر كلامى فى كام كلة صغيرة اوى

الى مكتوب فى الكتالوج دة متوسط الاستهلاك
مش الاستهلك
يعنى فى زيادة او نقصان

كلامك مظبوط وفى ناس مبتخدش بالها من الموضوع دة وبتقفش فى اللى مكتوب فى الكتالوج

**alisleman** · 02-08-2009 10:30 AM

انا مش عارف احسبها خالص مرة تجى زيادة ومرة تيجى ناقص

**momom** · 02-08-2009 10:42 AM

السلام عليكم ورحمة اللة

الاستهلاك البنزين بيختلف حسب نوع السواقة والطريق

بمعني تاني علي الطرق السريعة لو ماشي علي 100 - 120 هتحقق اقل استهلاك في الوقود بس تكون ثابت علي السرعة دي

لو ماشي علي 160 - 180 هيكون الاستهلاك تقريبا الضعف

زي ما قلولك رجالة المنتدي الي بيقولة المصنع متوسط الاستهلاك في انسب الظروف

لو انت مثلا ماشي جوة البلد وبتشد انسي موضوع البنزين لا الاستهلاك هيكون عالي

التكييف بيأثر طبعا علي الاستهلاك بس مش بنسبة كبيرة بالمقارنة لما بتكون بتشد بالعربية

يعني تأثير التكييف علي استهلاك البنزين في الظروف الطبيعية للسواقة ممكن يكون مش ملحوظ

**tutankhamoun** · 02-08-2009 11:00 AM

أنسب أستهلاك للبنزين هو عند سرعة 80 إلى 90 ..................
أعلى من كدا الأستهلاك بيبدأ يتضاعف بنسب معينة حسب السرعة و قوة أندفاع الرياح المقابلة .
و لكن سرعة 80 إلى 90هي السرعة المناسبة و التي يتم عندها قياس الأستهلاك المتوسط داخل المصنع .

-

الموضوع: ليه استهلاك البنزين مش ثابت؟

LinkBack

أدوات الموضوع

عرض

-

-

-

-

-

-

المواضيع المتشابهه

موشر البنزين ثابت وعداد الرحلات صفر من تلقاء نفسة

مؤشر البنزين ثابت و عداد الرحلات صفر من تلقاء نفسة

مؤشر البنزين ثابت فى مكانه ومش بيتحرك

هو لازم كعب الرجل ثابت بين البنزين والفرامل؟

استهلاك البنزين 92 للنوبيرا عالى بدون تكيف داخل القاهرة+لمبة البنزين

الكلمات الدلالية لهذا الموضوع

المفضلات

المفضلات

ضوابط المشاركة