الموضوع: عيزين نساعد التوكيل ونقوله احنا عيزين منك ايه

الاقتراحات كتير .... , لكن التوكيل بيتحرك فى حيز معين مش حيطلع عنه ... لان معظم الاقتراحات محتاجه " صرف فلوس " و دعم من التوكيل و ده الى التوكيل " عز العرب " مش بيتبعه طلاما ان العجله ماشيه ( طبعا فاهمين قصدى ) .

الاقتراحات الى شايفها مهمه بالنسبالى كعميل من عملاء بروتون :-

1- زياده اعداد مراكز الصيانه فى اماكن متفرقه ... ماينفعش ان مصر كلها بكل محافظتها يبقى فيها 3 مراكز خدمه و مركزين معتمدين دون المستوى .. , 2 منهم هما الى عندهم قطع الغيار الاساسيه " اذا توافرت " .

2- توافر قطع الغيار بشكل اكبر .... سواء بالنسبه للضمان او بالنسبه للبيع الخارجى .

3- يكون فى نظام متبع بحيث ان العميل مش لازم يدخل لـ مدير الصيانه علاشان يحل مشكله قابلها ... لاكن يبدأ الحل من مهندسى الصيانه و بعدين مهندسين الاستقبال و لو المشكله كبيره بجد يتم الجوء لمدير الصيانه م - امر و يكون ده الحل الاخير .

4- لازم يكون فى نظام مراقبه و متابعه على الفنين الى بيشتغلو فى الورشه .... لان ساعات بيكتبو انهم غيرو قطعه معينه ... و هى اساسا متغيرتش و للاسف المهندس المسئول مش دايما بيراجع عليهم ... خصوصا لو الحاجه الى حتتغير بسيطه او صغيره .

5- تركيب كاميرات داخل الورشه و من خلالها نتابع الشغل فى عربياتنا " و بكده مش حنزعج الناس الى شغاله فى الورشه و كل شويه ندخل و نخرج و نديقهم ... و فى نفس الوقت نستريح احنا كمان " .

6- و هى المشكله الاكبر اسعار قطع الغيار .... الى كتير منها مبالغ فيه " مثلا فلتر تكيف ب 470 جنيه ليه !!! " انا عارف ان فى قطع كتير فى العربيه بتبقى يابانى ... او يابانى متصنعه فى ماليزيا , لكن ده مش مبرر للاسعار الخرافيه الى اوقات كتير اسعارها ازيد من اسعار قطع غيار العربيات اليابانى .

الاقتراحات الى شايفها مهمه لمصلحه التوكيل " الى مش عارف ليه مش متنفذه اساساً ؟؟ " :-

1- تخصيص عدد من السيارات ل عمل test drive قبل الشراء .... اى توكيل كبير بيعمل اختبار قياده لاى عميل بيفكر يشترى عربيته + ان العميل بيزيد ثقته فى العربيه لما يلاقى التوكيل واثق فى عربيته و عاملها اختبار قياده .

2- الاهتمام بالدعايه و الاعلان .... مش بقول اعلانات كل اسبوع فى الجرايد ... اعلان صغير كل شهرين كفايه , بس علاشان الناس الى ماتعرفش الماركه ... او ملهاش فى متابعه الانترنت ... تعرف ان بروتون لسه شغاله فى السوق .

3- تعين موظفين - خدمة عملاء - مختصين بالرد على اى استفسار للعملاء و موظفين مبيعات .... يكونو ملمين بكل الجوانب الفنيه و التكنولوجيه فى العربيه ......و عارفين كل شى عنها ... ابعادها , وزنها , قدره خرج الموتور ....... و يبعدو كل البعد عن نظام " اعمل البحر طحينه " الى متبع . ماينفعش ان عميل يبقى فاهم العربيه اكتر من الموظف الى فى التوكيل ..... عيب اوى لما عميل يصحح للموظف معلوماته بخصوص العربيه الى بيبيعها .



ربنا يوفقهم فى للارتقاء لمستوى افضل من المستوى الحالى ... اكيد المصلحه مشتركه و يهمنا انهم يتحسنو اكتر و اكتر