السلام عليكم
معلش يجماعه ده تاني موضوع ليا بمشكلة تانيه :d
لأني الأيام دي بظبط شوية في العربيه
عندي الأيام دي الفتيس بقي تقيل جداً جداً في نقل السرعه ، و لما بجي أغير او أدي مرشديه ، الاسطوانة او الديسك يعمل صوت حكه
المهم رحت للميكانيكي بص علي دواسة الدبرياج
فجرب يعليها خالص
بس برده
المهم بعد الفحص قالي ان الديسك كده بايظ عايز يتغير ،
فأنتم ايه رأيكم ؟
و بيقولي عنده ديسك في المخزن استيراد مستعمل و ممكن يبيعهولي ب 150 جنيه
فأنتم ايه رأيكم برده ؟
دلوني
ملاحظة : العربيه بيجو 305
أبعد بعيد عن اى قطعة غيار يجبهالك المكانيكى
ليه يبو حميد ؟
لانه (ميكانيكى)
هههههههههه مفهمتش برده ، نصاب يعني ؟
اللي جذبني نه بيقول ممكن يبيعهالي ب 150 جنيه !! ههههههه لأن البشمهندس هشام شوشة قال قبل كده في موضوع ليه ان طقم الاسطوانة و ديسك ب 1000 جنيه ، و انا حالياً مقدرتيش اني اشتريه ب 1000 ح
لأنك بمنتهي البساطه هتاخدها ب 150 جنيه وهتقعد معاك 3 أسابيع أو شهر بالكتير وتجيب ديسك وأسطوانه جداد بال 1000 جنيه ولو أني معتقدش أنهم يجيبوا السعر دة
خليك في المضمون أحسن هما أكيد طالعين من عربيه مغيراهم لما خلصوا
امممم كلامكم مظبوط فعلاً و انا مبقتش بطمن للحاجه المستعمله خلاص
طيب بالنسبه لمشكلة الفتيس دي فعلاً اعراضها من الديسك ؟ ولا ظبط دبرياج فقط ؟
طبعا إستحاله يكون الدسك والاسطوانه استيراد ب 150 جنيه
وممكن والله اعلم يكون الدسك بتاعك كويس والباشا عايز يستولى عليه
الدسك يحتاج يتغير لو فيه رجه عند الطلوع على الاول ودى موش عندك
السعر اللى قلته ( 1000 جنيه ) مضبوط لإن فى موديلات البيجو - النظام القديم - الدسك بيكون معاه ترس الحدافه
بشمهندس هشاااااااااااااام ، ياااه ، والله انا سعيد جداً انك موجود
رجل بيجو ال 305 بالمنتدي :d
انا كنت عايز اتصل عليك بس علشان مزعجكش
والله انا حاسس انهم مش ضاربين يعني و الموضوع ظبط دبرياج
لأن الدبرياج كان تمام معايا
بس كانت الدواسة فصلت مني في مره
فروحت لميكانيكي ظبطلهالي ، كانت من السلك بتاع الدواسه
من وقتها و حالها مش تماام
حالياً العربيه رخمه جداً جداً في الغيارات
و رخمه في المارشديه
مش عارف الصراحه اعمل أيه
رو ح لميكانيكى متخصص قى البيجو
أى ميكانيكى موش هتاخد منه إلا شويه فتاوى
ان شاء الله النهارده هروح للأسطي عبد العال
المتخصص الوحيد في البيجو في البلد
غلطتي اني روحت لواحد مش متخصص
اسف للاحباط الي ممكن اسببهولك بلجمله الجاية لكن في مقولة ديما بقولها البيجو 305 إبتلاء من شركة بيجو للبشر
من اهم مشاكلها وضع الموتور الي بلطول دة والميكانيكية الي بيشتغلوا فيها مش كتير
يا عم يحيى الموتور بالعرض ......... ودي مقولة بتغظني جدا لان كل العربيات الي موجودة دلوقتي موتور بالعرض
وبيقولة اصل الحوض ضيق والميكنيكية مش بيحبوا يشتغلوا فيها
يا سلام يا اخي ....... شوف كل العربيات دلوقتي الحوض عامل ازاي؟؟؟
مشكلة العربية دي انها طلعت في زمن المرسيدس 200 والبيجو 504 والفيات بأنواعة يعني ممكن تركب ناس جانب الموتور
والسمعة طلعت ولزقت في العربية وخلاص
مع انها عربية حلوة جدا وناعمة وواسعة ومنها المكيف و بزجاج كهرباء اصلي
بس احنا ناس عجيبة في بلد عجيبة جدا
يا فندم فين العربيات الحديثة الي موتورها بلعرضاقتباس:
المشاركة الأصلية كتبت بواسطة م.احمد زكريا
دية ريديتيرها في الجنب هاتلي عربية كدة في الدنيا
مع احترامي ليك ولرئيك العربية مش بتعجبني خالص
اقتباس:
المشاركة الأصلية كتبت بواسطة yahiahelaly
انت متأكد من من الي حضرتك بتقولة ده
للمعلومات فقط
الموتور بالعرض تطلق على سيارات الدفع الامامي .... يعني البساتم بتكون بعرض العربية يعني موازية للشبكة الامامية
وده حال 95% من العربيات الحديثة
اما موضوع الردياتير فالصورة باينة انه عادي جدا في مكانه
اما بالنسبة للشكل فدي اذواق ..... الا اذا كان ليك تجربة خاصة معاها
هههههههه صلوا علي النبي يجماعه ، انا كنت طالب استفسار مش خناقة :d
العربيه حلوه مش وحشه ابداً ، و اصيله و قوية
اما جزأية الصيانه فدي بتبقي عيب المصنعي مش عيب العربيه
الميكانيكي الصح هو اللي يقدر يفهم أي عربيه و يشتغل فيها ، مها كانت ظروفها
اللهم صلي على محمد وعلى ال محمد
أنا معايا 405 وكان ده قلة زيت فتيس
انا روحت لميكانيكي تاني
عملهالي برده كده مؤقت
بس مش مطمئن للعربيه
شكلها كده اسطوانة و ديسك
بص من الاخر اللي تعرف ديته أقتله
أنت عارف إن الاسطوانه والديسك عندك خلصوا ريح دماغك وهاتلك أتنين بدل ما تصرف قد تمنهم وفي الاخر ترجع تجيبهم برضه
فعلاً عندك حق و عايز بس اعرف كمعلومة أعراض تلف الديسك و اعراض تلف الاسطوانة و اعراض تلف الاتنين معاً
الديسك بيعمل رجه جامد في العربيه لما تيجي تطلع علي الاولاني
والاسطوانه بتطلع عينك علي ما الغيار يتاخد في العربيه ومش ضروري في كل الغيارات بتاعه الفتيس ممكن يكون فيه غيار معين عندك مبيجيش بسهوله
ممكن تكلمنى زى متحب على الميل momen100100@yahoo.com او على تليفون 0117040611 فى انتظارك لوضع حل للمشكله
العربيه ال305 ميعرفهاش صح اللى الى ركبها وحس بنعومتها وسحبها والرحه فى القياده