الموضوع: شيفروليه SkyLark Buick

هو مفيش علاقة ما بين الشيفروليه و البويك
لإن دى شركة ودى شركة تانية خالص

بالنسبة للسكاى لارك.... العربية دى كانت بتلعب فى دماغى جامد اوى انى أشتري واحدة و أشدها شدة حلوة لإن بجد العربية دى رائعة و موتورها نسبيآ مش كبير هى 2400 سى سى 4 سلندر أو 2800 سى سى 6 سلندر و يفضل الموتور الأكبر

بس سألت ميكانيكى بتاع أمريكانى قاللى ان العربية دى مفيش حد بيحب يشتغل فيها لإنها دفع أمامى و كان قطع غيارها مش موجودة

ولو عايز أمريكانى أركب الشيفرولية حتى لو قديم لإن الميزة فى الشفرولية إنهم بيثبتوا أساسيات العربية زى العفشة تقريبآ فى كل الموديلات و بالتالى فرصة إنك تلاقى قطع غيارها نسبيآ سهلة

بس طبعآ انا طلعت الفكرة دى من دماغى بسبب أسعار البنزين و كمان شغلانة إنك تلاقى قطع غيارها

انا مش أشد الناس المعجبين فى السيارت الأمريكانى القديمة بس هعمل إيه
إستهلاك بنزين عالى
و حجم عربية كبير
و قطع غيار نادرة