الموضوع: نصيحة بليز

انا اخوكم من الصعيد
مشكلتى انى بحب اركب عربية من الاخر و صاريف اوى اوى
يعنى لو سمعت صوت غير اجرى بسرعة على المكانيكى و طبعا عندنا كلاهم عباقرة و لا حد يفهم بقرش و الجميلة الى معايا فكترا 2000 سى سى اتوماتيك موديل 1996 و خربت بيتى
و من هنا عايز رايكم
اية رايكم فى هيوانداى النترا الشكل القديم من سنة 2004 الى سنة 2006 و لازم لازم لازم تكون اوتوماتيك لانى مبحبش الفتيس العادى
و هل العربية ثابتة على الطريق زى الفكترا
هل العربية مفهاش تكنولوجيا زيادة على اللزوم زى الفكترا يعنى مفهاش فن و حداقة
تمن قطع الغيار الاصلية مش فارق معايا لان الاوبل و الحمد لله علمتنى الادب و فى الاخر بتعطل و محدش بيعرف يصلحها و كله بيهنجموا و يهبلوا فيها " فى الصعيد بقة "
و اخيرا تمن العربية الى عاملة كيلو متر قليل يعنى تكون عاملة من 50 الى 60 الف بس
تعمل كام فلوس ؟
لانى ممكن ادبر 75000 جنية
و على فكرة انا عايزها راشة برة و دة لحكمة
اولا لو اشتريت عربية فبريكة هتكون اغلى فى حدود 5000 و فى الاخر هتكون مجرحة و عايزة وش دوكو
و بكدة هدفع 2000 جنية تمن الدوكو و اقلل تمن العربية 5000 فعلى اية
انا ارضى تكون دواخل فبريقة بس
و شكرا
و فى انتظار الرد