الموضوع: يا خسارة التعب اللى بنتعبه فى البلد دى

المشاركة الأصلية كتبت بواسطة drguevara

ما تدينا شوية تفاصيل طيب يا دكتور

تفاصيل زي ايه يا جميل

بص...زي ما قلتلك...حاول تبدأ في اي معادلة اجنبية وانت في الكلية...على ما تخلص تكون خلصت الفرست بتاعها...وده هيديك حافز ان انت تكمل

نصيحة تانية...اوعى تحط في دماغك الفلوس وما تستعجلش عليها...رزقك جايلك جايلك...استثمار الدكتور الشاطر في شهاداته ومهارته الطبية وابداعه في المجال اللي يختاره...شغل السوق مفيش اكتر منه وبيجيب فلوس...بس فيه فرق كبير بين اللي ضغط على نفسه وتعب عشان يبقى كويس وبين اللي بص لسكة الفلوس من اول ما عرف سكة ال drug index .

نصيحة كمان...
اتقل وما تستعجلش...فكر كويس وشوف ايه التخصص اللي تحب تشتغل فيه...وعافر عشان تبقى متميز فيه...
انا واحد من آلاف الأطباء اللي اتخرجوا وبيتخرجوا كل يوم...بصيت للفلوس زي ما غيري عمل...برايفت وبتاع من اول الإمتياز...لا حضرت ولا اتعلمت وبدل ما كان هيضيع مني سنة...هتضيع سنين عشان احاول اصلح مساري...

بس افتكر الجملة دي واوعى تنساها...it's never too late

وبالنسبة لموضوع قسم الشرطة...اتخيل منظر الظابط ده ولا العسكري وهو واقف في لجنة مرور في عز الشمس ولا المطر وطالع عين اهله وانت زي الباشا في عربيتك...وهو بيحاول يتنطط عليك عشان نقص ما في شخصيته-مش كل الظباط طبعا لأن فيه منهم ولاد ناس ومحترمين كتير- اتخيل منظره وهو طالع في مطاردة ومعرض للقتل...ولا بتاع الجيش اللي من يوم ما دخل الكلية وهو بيتحط عليه من الصغير قبل الكبير...اهانة وكبت حرية وبهدلة في الصحراء وفي كل حته
واتخيل منظر المسئول الكبير وهو واقف قدام ربنا يوم القيامة بتحاسب بالقرش والسحتوت...يتحاسب على اللي عمله في حياته وفي الناس وعلى اللي ناس عملته بسببه

اتخيل ده كله واكتر...
واحمد ربنا مليون مرة...انه جعللك سبب من اسباب رحمته في الأرض"الشفاء"



اي حاجة حابب تسألني عليها انا عينيا ليك...