عرض للطباعة
يا جماعه انا زهقت..كالعاده...انا نازل لا بيا وا عليا ...لايت العربية واخده تجريح محترم من اول الباب اللى ورا شمال لحد التانك....وبويه الاكره متشاله جامد
اكنك جبت سكينى وحكيتها...انا مش عارف اعمل ايه..اوديها لسمكرى ولا التوكيل...وهل فى امل انها ترجع زى الاول...
ياريت اى حد يكون عمل اى حاجة فى توكيل يقول تجربته؟؟؟؟؟؟؟؟؟؟؟
معلش يا هندسة انا حصلي نفس الموقف بس الحمد لله البوية مش متشالة هيا عايزة تترد بس .........
ولا يهمك يا باشا و ان شاء الله ترجع زي الاول
لو البويه مش متشاله.. يعني في بويه غريبه عليها ممكن تعملها ببوليش وكومباوند ودول تجبهم من عند اي حداد
جرب وشوف
يبقى انتا اكيد فى مصر ربنا يصبرك
الله يصبرك وبلاش التوكيل لو صنايعى محترم مش هاتكلف كتير
انا بقى الاخوة المحترمين الاطفال كسروا المساحة الخلفية لانها بيحاولوا يمسحوا التراب اللى على الزجاج بيها ولما وقعت
لفوا الدراع الحديد على الزجاج جرحوه جرح غائر بس فى قلبى مش فى الزجاج
وهى دى مصر حبيبتى ولنا الله لعلها تكفير ذنوب والحمد لله على كل حال
يا باشا عادي هو حضرتك مش عايش قي مصر و لا اية ان شاء اللة ترجع احسن من الاول و مش لازم موضوع التوكيل دة اصلك لو كلفت نفسك و عملتها هناك و جة واحد ظريف و جرحلك العربية تاني هتبقى حرقة دم صعبة اوي
شكرا يا جماعه لكل الاراء..انا هوديها التوكيل بكره الصبح لانى الحقيقه معرفش سمكرى او صنايعيه كويسه....انا هوديها واريح دماغى...وهبقى اقول التفاصيل والتكلفه ان شاء الله
حرام حرام انك تجيب بويا علي عربية فابريقة و حديثة.. نصيحة سبها كدة عشان كل عربيات المحروسة فيها خدوش و خرابيش و بلاوي!
العربية لو جبت عليها بويا هتنزل من تمنها كتييير و الأهم من كدة هتنزل من قيمتها كتييييير, سيب عربيتك فابريقة كدة و انسي.
لا حول ولا قوة الا بالله
ربنا معاك وقولنا ايه الاخبار
نفسى اعرف ليه بيعملوا كده؟؟؟؟؟؟؟؟؟؟؟
انا كنت بحس عندنا بس كده لكن ابن خالتى نازل اجازة من السعودية وبيقولى ان هناك كده برده وبشكل زياة كمان
ازيكو ياشباب....انا الحمد لله رحت التوكيل....انهردة الصبح...وكله تمام وعاينت الخبطه انا والمهندس اللى هناك ومعاه صنايعى كدة...الحقيقه ناس فى قمه الزوق...
والمطلوب..
2500 جنيه مصرى....
قلتلهم سلام عليكم......للاسف السرقه بقت عينى عينك
زي اللي حصل لك بالضبط ودي المرة الثانية ليه
أول مرة مغطي العربية وواحد كان واقف جنبي وهو طالع حك العربية من قدام وقطع الغطا وكسر الفانوس
تاني مرة من يومين وبرضه راكن العربية ومغطيها ونزلت لقيت برضه الغطا مقطوع وبشيله لقيت الاكصدام والشنطة !!!
واتضح لي بعد تاكيد البواب انه نفس الشخص وطبعا عملت له كمين لحد ما شوفته جاي ومشكته واتخانقت معاه وطيعا هدفعه تمن اللي عمله
ايه اللى حرمه بس ..اقتباس:
حرام حرام انك تجيب بويا علي عربية فابريقة و حديثة.. نصيحة سبها كدة عشان كل عربيات المحروسة فيها خدوش و خرابيش و بلاوي!
العربية لو جبت عليها بويا هتنزل من تمنها كتييير و الأهم من كدة هتنزل من قيمتها كتييييير, سيب عربيتك فابريقة كدة و انسي.
يا أخى الفاضل .. يعنى أفضل ماشى بعربيتى مخبوطة أو متجرحة أو مكسورة علشان تمنها مينزلش
ده بالظبط كأنى ماشى بقميص مقطوع ومستحرم أخيطه .. أو أجيب غيره
أنا مش متفق مع حضرتك فى الرأى ده
ولصاحب الموضوع .. أحمد ربنا أنها جت على أد كده
وطبعا التوكيل أفضل حل .. لكن لو مش هينفع مع حضرتك التوكيل
يبقى تختار صنايعى محترم .. ونضيف فى شغله
وربنا يكفيك شر البلاااااوى
الحمد لله...اقتباس:
المشاركة الأصلية كتبت بواسطة do00ody
هو مش موضوع مش هينفع مع حضرتى
هو الموضوع عمليه ابتذاذ حقيره زى ما بيقوله....تجريح فى العربيه ب الفين ونص...(دنا لو دخلتا سمكره ودوكو ودهان كلها كدة على بعض مش هتجيب الفين ونص)
ان شاء الله هشوف صنايعى كويس...
2500 !!!!!!!!!!!!!!!!!!!!!!!!!!
ليه يا باشا كدا ليه بس!!!!!؟؟؟؟؟؟؟
المشكلة ان كل يوم 100 عربية بتتخبط وهى واقفة مكانها وفحالخا بجد حرام الاهمال ده
ان شاء الله حضرتك تلاقى واحد كويس يعملهالك عشان كتير اوى 2500
انا رأيي تعملها سمكرة برة ودهان فى التوكيل اهم حاجة الدهان
اقتباس:
المشاركة الأصلية كتبت بواسطة Ahmed20_08nubira
والله وانا كمان خلاص زهقت من الخبطات اللى على الواقف دى بس حنعمل ايه :_Alshmokh08[1]: