بلرغم من كل دة ربنا معاك وحقا اعجبني كثيرا موقفك وتمسكك بحقك
رقم العضوية : 12078
تاريخ التسجيل : 02Jun2008
المشاركات : 118
النوع : ذكر
الاقامة : cairo
السيارة: Gen.2
السيارة[2]: Opel Corsa
دراجة بخارية: No
الحالة :
يا جماعة التوكيل ده ........ ........ ........
انا عندى مشاكل والى هتشوفو ده نص شكوى قدمتها لجهاز حماية المستهلك وكمان بعت فاكس بنفس المضمون للمهندس هشام رئيس مجلس ادارة عز العرب وكمان بعتها ميل لبروتون ماليزيا.
من: م. شريف سعد الدين كامل
عناية: السيد المهندس/ رئيس جهاز حماية المستهلك
الموضوع: عيب تصنيع فى
محرك سيارة بروتون (Gen.2)
التاريخ: 14-07 - 2009
سيارتى بروتون Gen.2 موديل 2008 ، كيلومتر 57000 تقريباً ، وبيانتها كالتالى:-تحية طيبة وبعد ،
1- شاسية رقم :- 158544
2- محرك رقم :- 938
3- لوحات رقم :- 254587
و قد حدث عندى عدة مشاكل أهمها :-
نقص فى زيت المحرك وقد اكتشفتة بالصدفة عندما سمعت صوت غير طبيعى بالمحرك وكان عداد الكيلومتر بالسيارة يشير الى 37778 كيلومتر بتاريخ 06-04-2009.
وذهبت الى توكيل عزالعرب بطريق مصر اسكندرية فوراً. وقد قرر الساده مهندسو الصيانة بالتوكيل تغير الزيت والفلتر وتجربة السيارة وقد تمت التجارب والمتابعة مع التوكيل لاثبات ان المحرك به عيب تصنيع ، وبعد ذلك اتضح انه ليس هناك تفسير فنى مقبول لتحديد العيب ، وطالبت بتغيير محرك سيارتى فقال المهندس / آمر (مدير خدمات ما بعد البيع) بانه يوجد طقم مهندسين من ماليزيا سيحضر الى القاهرة فى يوم الأربعاء الموافق 08-07-2009 وسيتم الكشف بدقة على السيارة بواسطة المهندسيين الماليزيين. وقد ذهبت الى التوكيل بالموعد المحدد يوم 09-07-2009 وعداد السيارة يشير الى 56200 كيلومتر تقريباً. وتم الكشف ومناقشة مهندس ماليزى فى النقصان وقد اخبرنى بأنهم سيقومو بتزويد الزيت وتجربة السيارة يومين .. وتمت التجربة يومين ووصلت السيارة 57000 كيلومترتقريباً بتاريخ 12-07-2009 وقد زاد معدل نقصان زيت المحرك الى ان وصل 1 لتر لكل 800 كيلومتر تقريباً .وبعد التجربة الأخيرة. ذهبت للتوكيل يوم الأحد الموافق 12-07-2009 وقال لى المهندس / آمر لابد من فك المحرك لمعرفة العيب وتصليحة بعمل عمره بدلاً من تغيير المحرك!!
ومنذ صباح 12-07-2009تركت السيارة بالتوكيل، وأخبرت المهندس / آمر بأننى فى فترة الضمان ضد عيوب الصناعة ولا يمكن ان يتم فك محرك سيارة بعد كل هذا لمعرفة العيب او لعمل عمرة ، لأن هذا سيؤدى الى تقليل كفاءة المحرك وعمره الافتراضى.
برجاء من سيادتكم استبدال محرك سيارتى بمحرك جديد حيث انه يوجد عيب صناعة واضح فى المحرك ولكم جزيل الشكر والتقدير.
مقدمة لسيادتكم / مهندس شريف سعد الدين كامل
وبصراحة الناس فى جهاز حماية المستهلك متعاونين جداً بس دا كان اتجاه علشان احفظ حقى.
والتجاه التانى كلام وحوارات مع التوكيل الى مالوش لازمة أساساً وشوفو الى حصل :-
اتكلمت كتير معاهم وطلع عينى مع المهندسين المصريين وكمان فى الصيانة المجانية مع المهندسين الماليزيين علشان يعرفو العيب مافيش مش عارفين ... المهم جابولى مهندس ماليزى فاتكلمت معاه وخادنى وراح يكشف على العربية قعد يلف يمين شمال ويدور ويبطل ويدور ويشوف الشكمان ويشوف ميه الردياتير وفى الأخر قالى اول مرة اقابل حاجة كده قولتلو يعنى ايه الى هيحصل يقولى ايه جرب العربية يومين تانى وتعالى واحنا هنظبط الزيت ونشوف هينقص قد ايه قولت ماشى اوك يا مستر ورحت يا جماعة اسكندرية ورجعت الزيت نقص لتر كامل واكتر كمان فرحت رميت العربية فى التوكيل وقولتلهم عايز اغير الموتور لأنكم اساساً مش عارفين الزيت بينقص ليه قالولى لا هنغير وش السلندر قولت لأ الموتور لو اتفك هيتغير كله قالولى بس خلينا نشوف قولت براحتكو عندكو العربية وعيشو وبعدين كلمنى المهندس آمر بعد يومين وقالى هنغير الموتور ابسط يا عم وطبعاً قولتلو هتغيرو ايه بالظبط قالى الموتور باللفظ كده قولتلو ايه يعنى قالى هنغير الموتور ونركب علية وش السلندر بتاع الموتور القديم .. طبعاً رفضت وقولتلو وقفو شغل فى العربية .. ورحت التوكيل للمهندس أمر قالى بعد حوارات مطولة خادنى وقالى انا ماليش دخل تعالى اتكلم مع الماليزيين روحت واتكلمت معاهم ولا يفهمو حاجة وقالوليلى هنديك موتور من غير وش سلندر فرفضت وزعقت وقولت لا طبعاً فقالولى مالناش دخل بالموضوع بتاع بقيت الموتور الى هو وش السلندر الى هم قالو هنغيرو اساساً من الأول !!! هبل فى الجبل وشركة ........* والله وخدنى المهندس آمر فى المكتب بتاعة وبعد محاداثات بقة قالى هديك ضمان 20000 كيلومتر على الموتور بوش السلندر القديم .. طبعاً رفضت وطلعت على المهندس احمد عبد الحميد العضو المنتدب لعز العرب .. وحكيت الى حصل قالى الشكوى جاتلى ودخل المهندس آمر بالصدفة!! راح المهندس احمد قايلو ايه الى حصل قالو اى كلام وهنغير الموتور علشان اى كلام برده ونركب وش السلندر القديم ونديلو ضمان علشان الماليزيين كانو عايزيين يعملو عمرة وبعدين قالو علشان متطلبات العميل نغير الموتور !! .. قولتلو لا انا عايز موتور كامل دا حقى .. راح المهندس احمد قالو خلاص اعملو الى هو عايزة يا آمر وشيل الضمان ال 20000 كيلو .. فقولتلو شكراً ومشيت على كده..
طبعا الى انتو ماتعرفهوش بقة ان محجوزلى:
1- علبة الدركسيون من شهر 10 - 2008.
2- كلوك اسبرينج وغيرتو الحمدلله.
3- زراير الدركسيون من شهر 8 - 2008.
وقولتلهم يغيرو دول مع الموتور وكتبتهم فى أمر الشغل.
طبعاً وبتصل كل يوم اعرف الى بيحصل وخدت 3 مواعيد علشان استلم العربية وامبارح رحت استلم طلعت اجرب لاقيت صوت فى علبة الدركسيون .. ايه يا مهندس مصطفى الى بيجرب معايو قالى علبة الدركسيون عايزة تتغير !!
قولتلو هية ماتغيرتش .. لاقيت بقة الرجالة المهندسيين فى الصيانة بتقول العلبة سليمة .. !! قولي بقة ارد أقول ايه ...
طبعا زعقت كالعادة وبعد كده قالو تيجى تاخدها بكرة الى هو
الأحد 2-8-2009 .. والنهارده الأحد هروح استلمها ان شاء الله وهنشووووف..
طبعاً دى تجربة مريرة مع شركة ماليزية ........* وتوكيل ....................
مع العلم جهاز حماية المستهلك بكلمنى كل يوم علشان استكمل الأوراق ويبتدو يخدو اجراءاتهم وانا مش راضى علشان وافقو على طلباتى الى هو حقى بس بعد ايه ...!!
و بروتون ماليزيا ولا عبرونى !!!!!!!!!!!!!!!!!!!!!!
-------------------------------------
العضو شريف :
بغض النظر عن مشكلتك لا يقبل اطلاقا اي تجاوز لفظي داخل المنتدى
سبابك للتوكيل على صفحات المنتدى يعرضك لقضية تشهير
لفظ زبالة الذي اطلقتة على كل فرد في التوكيل سواء حاول التعاون معك لحل مشكلتك او لا اكثر من مرة غير مقبول بالمرة
نظرا لمشكلتك فقد خففنا تطبيق القواعد من انذار الى تحذير فقط
في حالة تكرار الشتائم
ستطبق العقوبة مغلظة
سيتم توجيه دعوة من الادارة لمهندس امر للرد على هذا الكلام
الادارة 1
رقم العضوية : 29637
تاريخ التسجيل : 09Jan2009
المشاركات : 1,303
النوع : ذكر
الاقامة : zgazig
السيارة: ربنا يباركلي في الاولى
السيارة[2]: هيونداي اكسينت 1500
الحالة :
بلرغم من كل دة ربنا معاك وحقا اعجبني كثيرا موقفك وتمسكك بحقك
رقم العضوية : 5334
تاريخ التسجيل : 07Feb2008
المشاركات : 1,474
النوع : ذكر
الاقامة : cairo
السيارة: proto - persona
السيارة[2]: fiat bravo
دراجة بخارية: لا يوجد حاليا
الحالة :
انا موش عارف اقولك ايه بصراحة
بس ربنا يقدملك اللى فيه الخير و يتم عمل التغييرات فى عربيتك و تبقى مطمئن و زيى الفل
لا اله الا انت سبحانك انى كنت من الظالمين
رقم العضوية : 29847
تاريخ التسجيل : 12Jan2009
المشاركات : 1,409
النوع : ذكر
الاقامة : Alexandria
السيارة: N/A
السيارة[2]: Proton Waja
دراجة بخارية: NO
الحالة :
مع كل احترامي ليك انا مش متفق معاك في الموضوع انك مكملتش مع حماية المستهلك...مع العلم جهاز حماية المستهلك بكلمنى كل يوم علشان استكمل الأوراق ويبتدو يخدو اجراءاتهم وانا مش راضى علشان وافقو على طلباتى الى هو حقى بس بعد ايه ...!!
يا فندم حضرتك لازم تطالب بتعويض مقابل الزل اللي شفته ده... ده حقك متتنزلش عنه
نصحتي ليك حتى لو باسو ايدك برضة كمل اجراءاتك مع حماية المستهلك وارفع عليهم قضية كمان لو حبيت
وبكرر حضرتك لازم تطالب بتعويض حتى لو تعويض معنوي.. ده اسمة نصب علني .. انا دمي بيغلي من اللي قارته ده.
لكم تحياتي واحترامي
رقم العضوية : 1862
تاريخ التسجيل : 22Aug2007
المشاركات : 5,726
النوع : ذكر
الاقامة : Cairo Elobour
السيارة: maruti
السيارة[2]: Gen-2
دراجة بخارية: no
الحالة :
ربنا يعينك و متسكتش على حقك و من رأيي تمشي مع جهاز حماية المستهلك عشان يبقى الموضوع دا ليهم عبرة و ميتكررش تاني
ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس
رقم العضوية : 21551
تاريخ التسجيل : 08Oct2008
المشاركات : 2,587
النوع : ذكر
الاقامة : suez
السيارة: الحمد لله كده زى الفل
السيارة[2]: Nissan Tiida H/B
دراجة بخارية: no
الحالة :
انا مع الاخوه انك لازم تتخذ معاهم اجراء علشان يتعظو و يعاملوا باقى الملاك باسلوب محترم
م / محمد سعد
[img2]http://img846.imageshack.us/img846/197/63588414414249233311774.jpg[/img2]
رقم العضوية : 12078
تاريخ التسجيل : 02Jun2008
المشاركات : 118
النوع : ذكر
الاقامة : cairo
السيارة: Gen.2
السيارة[2]: Opel Corsa
دراجة بخارية: No
الحالة :
اولاً بشكر كل الناس الى بتنصح بأنى اكمل مع جهاز حماية المستهلك بس انا عايز اقول حاجة كمان ...
التوكيل ده مافهوش نظام نهائى وتوكيل صغير على حجم الشغل الى بيجلهم وكمان اول مرة اتعامل مع توكيل كلو ورق فى ورق
وعك فى عك وكمان ايه يقولولك بالحجز ولا حجز ولا نيلة اى حد بيحجز بياخد ميعاد الساعة 10 واتحدى حد خد ميعاد غير كده طب فين الحجز بقة .. اى توكيل محترم بيقعدك على حسب الشغل الى هيتعمل ومن الساعة كذا الى الساعة كذا بالدقيقة ...
وبعدين يتكتب فى امر الشغل شوية حاجات يقولولك اوك اوك اوك وتدفع يا محترم وانت زى الباشا وتمشى بالعربية تلاقيها زى ماهى ولا اى حاجة اتعملت ..وحصلت معاية كذا مرة وأخدت حقى برده الحمدلله ..
بصراحة حاجة قمة الاستهتار والاستهزاء بكل مالكى بروتون ...
يا جماعة انا عايز اقول بصراحة شديدة الوكيل ده عايز وقفة وقفة جامده ايد واحده مش واحد ولا 2 ولا عشرة لأ كلى الى بيروحو التوكيل واتحدى لو حد مبسوط من التوكيل ده فتقريباً كل مصر هتقف ضد الى بيحصل ده ..
رقم العضوية : 43569
تاريخ التسجيل : 15Jul2009
المشاركات : 161
النوع : ذكر
الاقامة : cairo
السيارة: Toyota Yaris
السيارة[2]: Fiat 128
دراجة بخارية: Honda F4I CBR
الحالة :
انا معجب جدااااا بإصرارك انك تاخد حقك كامل ودة نادر جدا انك تلاقيه عند الملاك الايام دة عشان الملاك من كتر مشغولياتهم بيطنشوا وممكن واحد غيرك كان يوافق على انه المتور بتاعه يتغير من غير ميغيروا وش السلندر ويقول الحمد لله ان انا طلعت منهم بحاجة.
انا شايف انه مش تقصير من الوكيل لان الخبراء الماليزين نفسهم مكانوش فاهمين حاجة وبالتالى المهندسين المصريين بردو مشفهمين حاجة .
على فكرة انا كنت هشترى جين 2 عشان معجب جدا بإمكانيتها وشكلها التحفة لكن للاسف لما لقيت الوكيل والشركة المصنعة مشقادرين يغطوا احتياجات السوق من قطع الغيار غيرت راى .
ربنا معاك وتقدر انك تاخد حقك بعد كل المجهود دة.
John Samy
Senior Software Developer
رقم العضوية : 28991
تاريخ التسجيل : 01Jan2009
المشاركات : 667
النوع : ذكر
الاقامة : E.G.Y.P.T
السيارة: ............
السيارة[2]: GEN 2 - 2010
الحالة :
ربنا يعينك وتاخد حقك بس يا جماعه في ناس كتير هنا بتشكر في التوكيل ده وطبعا ده مش واضح خالص من اللي عملوه معاك !!!
رقم العضوية : 43569
تاريخ التسجيل : 15Jul2009
المشاركات : 161
النوع : ذكر
الاقامة : cairo
السيارة: Toyota Yaris
السيارة[2]: Fiat 128
دراجة بخارية: Honda F4I CBR
الحالة :
المفضلات