الموضوع: احذر ثلاث اشياء

قدر الله وماشاء فعل

و ماتزعلش نفسك و ماتسيبش حقك في التصليح في التوكيل على حساب التأمين

و كل اللي باظ هايتغير و ترجع جديدة بإذن الله

و ماتضايقش من ان الصاج اتقطع أو ماتقطعش

حتى او كان صاج تقيل و محمل كان الضرر هايكون موجود برضه و كان ممكن يخزن في حتت تانية

القطع ده فرتك الكابوت و الرفرف و ممكن يكون حمى القزاز القدماني و البيبان منهم لو كانوا اتحركوا لورا

أهم حاجة ان حضرتك بخير

المشاركة الأصلية كتبت بواسطة laxeg

هذا التحذير بناءا عن تجربة شخصية:

اولا: احذر التعامل مع معرض المحمل للسيارات
سئ المعاملة وبطئ فى اجرائاته معرض لا يقارن دون المستوى

ثانيا: احذر التعامل مع شركة تامين "المصرية للتامين التكافلى"
شركة تامين الجمعية بالنسبة لها جنة

ثالثا:
الكيا لسيراتو عربية صاجها خفيف جدا جدا اقرب مايكون للورق

كل ماسبق عن تجربة شخصية نتيجة لحادث بالسيراتو ونتج عنه تقطيع للكبوت والرفرف والفانوس الامامى ولك ان تتخيل المنظر فعلا كانك ماسك سكينة او مقص وقطعت فى قطعة ورق
وطبعا العربية لسه جديدة ومستلمها من اربع ايام واتصلت بشركة التامين اللى المعرض المحمل اقنعنى انى اتعامل معاها لان مستواها جيد وثبت عكس ذلك ومندوب التامين عمال يبعت فى شوية يقولى ادفع انت وبعدين نبقى نحاسبك وشوية يقولى هاتلينا ورقة من البنك علشان نقدر نصرف التعويض ويودينى ورش غريبة كده تحت بير السلم وهكذا. يعنى بالمختصر خلى بالك من التعامل مع الثلاث حاجات دول وده نصيحة اخوية
ومن الاخر وبع اللى حصل معايا فى صاج العربية انا ندمان انى اشتريت السيراتو لان خاماتها سيئة هى عربية منظر وبس وكلنا اتخدعنا وجرينا ورا المنظر والاوبشن ياريتها حصلت الصينىفى اى فئتها.

السلام عليكم

حمد لله على سلامتك و كويس انك طلعت من الحادثة الفظيعة اللى حصلت للعربية

انا شارى العربية من المحمل فرع الحجاز الحقيقة انا استلمت عربيتى فى اسبوع بعد ما اجراءات البنك خلصت على طول و اللى كان مأخرنى هو اجراءات بنك الاهلى سوستيه مع انى دافع مقدم 50 % بس هيا اجراءتهم مستفزة

و شايف انهم ناس محترمة جدا فالتعامل

شركة تأمين الجمعية فلست و محدش بيأمن معاها دلوقتى خالص و الناس اللى ليها تعويضات بقالهم 4 شهور علشان يصرفوا تعويضاتهم

اما شركة المصرية للتأمين فا بصراحة مجربتهاش و يا رب مجربهاش

بس عايز اقولك حاجة اى شركة بتطلب منك انك تدفع المبلغ و تجيب فاتورة بالمبلغ و هما يصرفولك الشيك و تروح تاخد فلوسك عن طريق الشيك ( ده فى حالة انك صلحتها بمعرفتك )

لكن انا سمعت انهم بيتعاملوا مع توكيل كيا مباشرة و انك تروح تودى العربية و تستلمهم من غير ماتدفع فلوس

على العموم حمد الله على سلامتك و قدر الله و ما شاء فعل