انا بدأت افقد القدره على السواقه السليمه للاسف
امبارح قلت اخرج اتمشى بالعربيه شويه الجو كان الى حد ما حلو لكن للاسف رجعت وانا عصبى جدا فاقد القدره على التفكير او الكلام
انا بدأت المشوار من جسر السويس مرورا بروكسى فالخليفه المأمون فصلاح سالم فالحسين فباب اللوق فكوبرى قصر النيل فكوبرى اكتوبر ورجوعا الى صلاح سالم فروكسى
اكتشفت انى مش عارف امشى باصص قدام بدرجه دائمه وانى اغلب سواقتى بقت لتفادى المطبات والبلاعات
وعيون القط اللى ربنا رزقنا بيها بسبب ناس معندهاش اى فكر ولا قدره على الابداع اكتشفت انى اغلب الوقت باصص تحت على الاسفلت مش واخد بالى من العربيات اللى حواليا ولا اللى قدامى بقت حاسس انى فى كل لحظه ياهلبس فىلا عربيه ياهخبط فى عربيه مالهاش اى ذنب غير انها جنبى وانا بحاول اتجنب المطبات
صدقونى والله انا فعلا ابداتيت افقد القدره على السواقه بالاسلوب اللى مفروض نسوق بيه
ومش عندى غير حسبنا الله ونعم الوكيل فى كل من ساهم فى وصول شوارع مصر للدرجه اللى بقت فيها دى
