ضغط الإطارات الأمامى والخلفى فى النوبيرا

**ahmadg78** · 14-10-2009 04:45 AM

طبعا معاحترامى لكل اللى قالوا رايهم و جابوا اثباتات لكن انا هامشى مع راى المهندس سمير لان بصراحه طول المنتدى شايف انه من اكتر الناس الفاهمين فعلا و المحترمين جدا فى ردودهم

**samirayad** · 14-10-2009 08:22 AM

الله يخليك يا أستاذ : أحمد

وكلنا إخوان وبنكمل بعض

**Morieno** · 14-10-2009 02:57 PM

بصراحه انا مش عارف اقول ايه ...... بس....
انا بقدر المهندس سمير جدا جدا جدا وبصدقه وانا مغمض
بس برضه اللى صنع العربيه ادرى بيها وماكنش هيخسر حاجه لو قال حطوا فيها 32 ولا 52 حتى

واللزق فى المرفقات ....... نفسى بجد الاقى حل

20091014346.jpg

**samirayad** · 14-10-2009 03:39 PM

انا بقدر المهندس سمير جدا جدا جدا وبصدقه وانا مغمض

الله يخليك ياباشا
وأشكرك لزوقك

وصدقنى أنا حتى لو صودف وقلت حاجه وطلعت مش واثق فيها أوى
وعرفت الصح بعد كده

لا أتروى فى أن أستدرك وأعترف بالحق
هو فيه حد بيعرف كل حاجه ؟
واللى يقولك أنه بيعرف كل حاجه
قوله أيه .....قوله أنت !!!!!!!!!!!!!
ههههههههههه

**alexcdx** · 14-10-2009 07:48 PM

هكذا نجعل الموضوع أكثر تعقيدا ولكن الموتور ثقيل فعلا !

**samcar** · 15-12-2009 10:01 PM

المشاركة الأصلية كتبت بواسطة morieno

بصراحه انا مش عارف اقول ايه ...... بس....
انا بقدر المهندس سمير جدا جدا جدا وبصدقه وانا مغمض
بس برضه اللى صنع العربيه ادرى بيها وماكنش هيخسر حاجه لو قال حطوا فيها 32 ولا 52 حتى

واللزق فى المرفقات ....... نفسى بجد الاقى حل

20091014346.jpg

الكلام الملزوق بيقول ان الضغط عند الجو البارد لاطارات مقاس 14 ما تكلمش عن مقاسات تانية- كتالوج النوبيرا العربى اللى مازل مع اخر انتاج 2009 بيقول 30 لحمولة 3 اشخاص امامى وخلفى و34 لحموله كامله امامى وخلفى.
انا جربت حكاية 32 ولما كنت راكب ومعايا الحموله الكامله - كنت حاطق لانى حسيت انى ماشى بقباب مش عربيه - هبد ورزع مع اقل مطب- رجعت ل 34 اتعدلت العربيه - الكاوتش اللى راكب هو الكورى اللى جاى مع العربيه - ما عرفش بصراحه ال 30 وال 28 افتكسها التوكيل منين ؟

**SBkr** · 15-12-2009 10:54 PM

المشاركة الأصلية كتبت بواسطة samirayad

كلام مش مظبوط ....والصح كله على 32

الحقيقة دة كل العالم وكل صانعي الإطارات بيذكروة بغض النظر عن حرارة الأجواء وكل المحاذير لدينا بهذا الخصوص انا في الشتاء بيكون علي 31 او 32 وفي الصيف 30 مع ملاحظة انني اسافر علي طريق صحراوي في عز الحر وفعلا حرارة الإطارات بترتفع جدا لكن برضة مبقلش عن 30 للأمام والخلف - عندي علي باب السائق بادج السيارة وهي نوبيرا بريميوم خليجي مكتوب 30 بار للأمام والخلف مع العلم ان الجنوط 15 بوصة

**zocor742** · 15-12-2009 11:36 PM

طيب انا عندى امامى 30 وخلفى 28 مكتوب فى بادج البيانات اللى فى باب السائق
انا عربيتى وارد كوريا يعنى التوكيل ملهوش علاقة بالموضوع دة (براءة)
انا احترت الصراحة ومريح نفسى وبظبط على 30 كلة وسايبها على الله

**KoDaK_Gti** · 16-12-2009 12:43 AM

المشاركة الأصلية كتبت بواسطة samourai

يا جماعه من فضلكم كنت عاوز أعرف ضغط الأطارات الصحيح الأمامى والخلفى علما بأن السياره أستخدام شخصى بدون تحميل أنا سمعت أن الأمامى المفروض 30 والخلفى 28

المشاركة الأصلية كتبت بواسطة zocor742

طيب انا عندى امامى 30 وخلفى 28 مكتوب فى بادج البيانات اللى فى باب السائق

عندى فى القايم 30 امامى - 28 خلفى وماشى عليهم بقالى سنتين الحمد لله