ضغط الإطارات الأمامى والخلفى فى النوبيرا

**samourai** · 02-08-2009 02:56 PM

يا جماعه من فضلكم كنت عاوز أعرف ضغط الأطارات الصحيح الأمامى والخلفى علما بأن السياره أستخدام شخصى بدون تحميل أنا سمعت أن الأمامى المفروض 30 والخلفى 28

**samirayad** · 02-08-2009 03:07 PM

كلام مش مظبوط ....والصح كله على 32

**ramylanos** · 02-08-2009 07:55 PM

انا مره اختلفت انا وواحد صحبي علي الموضوع ده

هوه معاه نوبيرا وانا معايا لانوس

المهم قلنا نشوف الورقه الملازوقه في كل عربيه والمكتوب عليها الضغط السليم

وكانت النتيجه كالاتي

الانوس
الامامي والخلفي علي 32

والنوبيرا المفاجأه !!!!!!!!!!!!!!

الامامي 30

والخلفي 28

حد يفهمني التناقد الغريب ده جه منين

والواحد يظبط علي كام الكاوتش يعني الناس الي عامله العربيه بتهرج و في كل عربيه يحط حاجه

**samirayad** · 02-08-2009 08:15 PM

لا هى النوبيرا أنا جايبها .....ومكتوب على حلق باب السواق الضغط 30 فعلا .....ومحددش (لا خلفى ولا أمامى ) يعنى كله 30 .......بس فعلا أنا مواظب على ال 32 .....وبأتابع الراجل وهو بيقيس العجل قبل ما أسافر بالعربيه مشوار طويل
دا كمان فيه موضوع أهم
ساعات بتلاقى بتوع كاوتش عندهم عدادات بايظه .....وممكن يظبطلك على 32 .....وتروح تقيس فى مكان تانى تلاقيه 38 أو 40 مثلا
وحصلت معايا فعلا .......بس الستار موجود .........
وبعدين بالمنطق كده
أذا كنت بتقول الانوس على 32 .......فهل من المعقول تبقى النوبيرا فيها حاجه أسمها 28 وهى أثقل وزنا ....بدليل حجمها الأكبر من الانوس

**Sherif Khalifa** · 02-08-2009 08:20 PM

حسب الملزوق على عتب الباب
امام 30 خلف 28

**tofy_urban** · 02-08-2009 09:49 PM

اللي ملزوق علي الباب 30 للأمامي و 28 للخلفي و ده كلام اكيد مليون المية و انا لسة مظبط الكاوتش عند واحد في الطالبية و ظبط علي كده و العربية ستابل و كويسة جدا علي الضغط ده و بلاش نفتي و نلعب في حاجات و خلاص خلينا زي ما اللي عملوها قالوا

**samirayad** · 02-08-2009 09:53 PM

و بلاش نفتي و نلعب في حاجات و خلاص خلينا زي ما اللي عملوها قالوا

بالعكس دا أنا شايف أن موضوع ال28 ده اللى كله فتوى ......
ما أنا عندى العربيه 2007 ....ومشفتش ال28 دى نهائى
يمكن تكون تحت اللزق مثلا .............؟

**tofy_urban** · 02-08-2009 09:55 PM

لا ياباشا مش تحت اللزق و لا حاجة بس ممكن تكون عربيتك مش فيها اللزق اصلا و لو حضرتك مش مصدق كل الناس اللي قالت كده ممكن اصورلك اللزق بكرة الصبح و احطه لحضرتك

**ramylanos** · 02-08-2009 09:59 PM

حصل الخير يا جماعه تتحرق العربيه بالكاوتشات

النوبيرا ملزوق في حلق باب السائق

والانوس ملزوق في درج التابلوه

و

ساعات بتلاقى بتوع كاوتش عندهم عدادات بايظه

كلام مظبوط مليون في الميه علشان كده انا اشتريت مقاس وسيبته في شنطه العربيه وبخليه يظبط بيه
اصل الضغط الزياده خطر مش هزار وبالذات علي الطريق وفي الحر الفظيع اليومين دول

أذا كنت بتقول الانوس على 32 .......فهل من المعقول تبقى النوبيرا فيها حاجه أسمها 28 وهى أثقل وزنا

ماهوه ده الي مجنني :)

**samirayad** · 02-08-2009 10:08 PM

لا ياباشا مش تحت اللزق و لا حاجة بس ممكن تكون عربيتك مش فيها اللزق اصلا

لسه اللزق عندى على حلق الباب ...........ومكتوب عليه بس 30 .....ومفيش أى تنويه عن ال28 ده نهائى
وخللى بالك الكتالوج الفنى حدد للنوبيرا 32 فعلا لمقاس الكاوتش اللى راكب عندى......
بس ممكن يكون نوع الكاوتش اللى بيركب بعد ال2007 مش كويس مثلا
وعاملين فى التوكيل اللزق ده بمزاجهم مثلا ......أما الكلام الفنى حاجه تانيه فعلا .....من واقع المواصفات الفنيه لعائلة الدايو
وأدى المواصفات الفنيه للسياره أم محرك بكامتين 1600 ( نوبيرا يعنى ).........
وطبعا الضغط 32 رطل /بوصه المربعه ......مصمم أن يشيل وزن العربيه دى لكى تأخذ منها أحسن أداء

أظن ده يبقى فتوى من التوكيل لو كان حتى لازق ال30 وال 28 ...طبقا لكلامك ده

و بلاش نفتي و نلعب في حاجات و خلاص خلينا زي ما اللي عملوها قالوا