الموضوع: ..وسائل الحمايه والدفاع عن النفس.....موضوع للمناقشه....

المشاركة الأصلية كتبت بواسطة sha2e

اولا انا مختلف معاك يا استاذ اشرف فى الموضوع ده
موضوع الرد اللى انا رديته كان هزار وكان قصدى بالحته الاستعمال الصورة ( دبابة ) مش اربي جية :)
علشان اعتقد الموضوع مينفعش يتاخد الا انه هزار فى هزار

بعد ما قريت ردود كل الاخوة الاعضاء تعالى ابدأ معايا نتخيلها كده :
هتلاقى واحد عمال يلمع فى الطبنجه بتعته والتانى بيغير ماسورة سلاحه الصوت عشان يشتغل 9 مللى علشان يبقى زي ابو طبنجه
والتالت رايح يملى ازايز مولوتوف من البنزينه ومولع فيها فى طرفها وداخل على الخناقه يقول : وووووووووووسع المولتووووووووووووووووووو وووف
والرابع بيسأل عن تركيبة الشطه بالكحول والخامس شايلة عصاية بيسبول او معدن
والسادس خبط بنت ونازل يخوفها بسلاح الصوت راحت هيا نازلاله بالاليكتريك شوك وبتهوشه
وفوق ده كله واحد واقف فى البلكونه عمال يحشي فى قنابل ( محدش يزعل منى يا جماعه انا بهزر وده اللى تخيلته فى دماغى)
فيه بعد تانى أحب أكلمك فيه يا استاذ اشرف وهي ( ثقافة السلاح ) يعنى ايه الكلمة دى ؟
معناها ان السلاح يتحول لثقافة ان كل انسان يمشي شايل سلاحه معاه سواء كان سيلف ديفنس او اليكتريك شوك او سلاح نارى او عصاية بيس بول او حتى سلاح ابيض
والثقافة دي بتبدي زى ما حضرتك فكرت كده بتبقى للدفاع عن النفس
لكن بعد فترة زمنية صغيرة بتتحول لثقافه انى لازم قبل ما اخرج من بيتي يبقى معايا سلاح
مش معقول يبقى كل الل ماشيين حوليا معاهم اسلحه وانا معييش على الاقل يكون معايا سلاح يحميني منهم
وده طبعا ليه اسوء الاثر على الحياة الاجتماعيه تلاقى كل واحد ماشي خايف من اللى جنبه ومتوقع منه الشر في اى وقت واللى جنبه عنده نفس الشعور ناحيته وهكذا
وساعتها الدنيا بتتحول لغاية فعلا
فكرة حضرتك ان يكون معاك سلاح للدفاع بيه عن نفسك ممكن تنفع دلؤتى لكن كمان فترة لما تنتشر ثقافة السلاح هتلاقى اللى خبطك ده نازلك بسلاح هوا كمان يبقى ايه الوضع ساعتها ؟؟ ( وخصوصا ان سعره مش غالى بالنسبة ليك ولا حتى لسائق الميكروباص : ثمن شغل اسبوع )
صدقني افضل طريقة تعامل فى الحالات دى الطريقه اللى اتعامل بيها الدكتور hamadamdph
وتأكد لو انتشرت ثقافة حمل السلاح بين الناس الطريقة دي حتى مش هيبقى ليها اى نتيجه عارف ليه ؟
علشان ساعتها الل نازل يتخانق هيقول ده خاف منى اول ما لاقني نازله بالاليكتريك شوك واعرف ان ديما السلاح بيخدع و بيغري

بصراحة
انا متفق مع حضرتك جدا جدا جدا في اغلب النقط
لكن برده , احنا مازلنا في نفس الواقع
اللي مفروض يحمينا , مش بيحمينا و انما بقى علينا مش معانا
ده من تجربة شخصية انا كمان خضتها مع سواق مكروباص خبط عربيتي عن عمد , شوف كام واحد فينا اتعرض للموقف ده ؟
ده غير طبعا الشباب البايظ اللي تلاقيهم خمسة في عربية بالليل و بيترازلوا على اي عربية فيها بنت ولا ست , سواء لوحدها ولا حد مع زوجها او اخوها
النتيجة , نعمل ايه ؟