الحمد لله أستلمتها وجربتها بس اضطريت اركنها عشان الإفراج بتاعها لسه ماجاش....
وإن شاء الله هنقلكم الإنطباعات أول بأول ....
وهبدأ من اللحظة الأولى ...

أولا : أول وأوضح ميزة هى انها واسعة ومريحة جدا خصوصا للكنبة الخلفية وطبعا الشنطة تحفة وفى أماكن تخزين كتير مستخبية ممكن تستخدمها فى الحاجات الرفيعة واللى مش عايزها تضيع

ثانيا : باقى الحاجات عادية وممكن تلاقيها فى أى عربية محترمة _ مرايات كهربا - سنتر لوك (مفيش ريموت للأسف) - فتح تانك البنزين كهربا - الهاند بريك بقت دواسة شمال الدبرياج (عربيتى مانيوال) - إضاءة ممتازة - 2 مخرج كهربا غير الولاعة - كاسيت سى دى كلاريون - تكيف عادى (مشغلتهوش عشان التليين)

ثالثا : حالة الموتور وكفائته ...لسه مجربتهاش عشان مفيش رخص وعشان التليين .... دى محتاجة فترة عشان الألف كيلو

-------------------------------------------------------
أول حاجة لاحظتها إنى بعد مامشيت خدت بالى ان عداد السرعة مش شغال _ محدش يسالنى إزاى فاتتنى - المهم كلمتهم وأنا مخضوض , بس لقيتهم واخدين الموضوع عادى وانها بتحصل كتير وعرفت بعد مارحت لهم تانى ان الكابل بيكون متشال من مكانه مش عارف ليه - طبعا فيه مليون تفسير

تانى حاجة إن الإستبن محطوط تحت العربية وفيه لوك ليه فى الشنطة من جوه وبصراحة مع انه سايب مساحة كويسة بس مش عارف ساعة الجد لو احتاجته هعمل ايه

وللحديث بقية