-
العربية الجديدة باظت
يا جماعة امبارح العربية الجديدة واخويا ماشي بيها ماسورة الريدياتر اتخرمت فالعربية سخنت وطلعت دخان فركن علي جمب وبطل العربية وبعد كدة جيت ادورها مرديتش تدور فرحت لميكانيكي في الحرفين قالي ان البساتم متسلخة والعربية عايزا جوان وش سلندر فهوا اقترح انو ينضف البساتم ويغير الجوان لو العربية بقيت تمام يبقي اوكي
ارجو منكم النصيحة السريعة اعمل اية بالظبت علشان الم الليلة وهل كدامعناها ان المتور باظ ولازم واحد جدسد
وشكرا ليكم مقدما
-
لا حول ولا قوة إلا بالله
انت روحت لمين في الحرفين بالظبط ؟؟
لو البساتم متسلخة يبقي انت دخلت في عمرة لا مفر بس المفروض لما تسخن العربية تجيب وش سلندر بس يعني تغير الجوان و تخرط الوش
بس اقتراح تنظيف البساتم مسمعتهوش قبل كدة
-
والله يا aYaBooY انا مش عارف اقول اية واعمل اية الحمد لله
المشكلة ان اخويا الي وداها للميكانيكي دة انا معرفوش هوا بيقولي انو اسمة مجدي في الحرفين وشاف عندو عربيات هوندا يعني كمانمش حتي يوديها لواحد بيصلح فورد انصحوني اعمل اية وهل العمرة دي ترجع المتور زي الاول ومتنزلش من تمن العربية انا لما جيت اشتريها كشفت علي المتور في البنزيمة الراجل قالي ان كابسة 70% وانو ممتاز كدة علي موديل العربية وياتري العمرة دي هتتكلف كام ربنا يسر
-
اتصل بيا و انا اقابلك
0124001219 انا مستني اتصالك
-
هيا العربيه الجديده دى نوعها ايه بالظبط ارجو التوضيح..........
-
فورد اسكورت 1600 زيتك موديل 1997 هي جديدة يعني انا شاريها جديد بس هي مستعملة طبعا
-
بص ياباشا....انا رايى كالاتى...المفروض تسمع كلام الميكانيكى وتعمل وش السيلندر (بس غاليا خير) ...العربيه اتظبطط كان بها...منفعش...تروح تجيبب موتور استيراد محترم...لان العمره اعتقد هتكلفك وكمان مش هتبقى تمام بعد كدة
-
لا حول ولا قوة الا بالله العلى العظيم......... قدر الله ماشاء فعل....
معلش ياعزيزى ربنا معاك المهم لو العربية لسه مركونة هناك فى الحرفيين روح لواحد اسمه مسلم وده متخصص فى الفورد وعنده اسكورت 1600 برده خليه يشوفها الأول ضرورى قبل ماتعمل اى حاجة تانية وده رقم المحمول بتاعه 0104079613 كلمه وظبط معاه وربنا يوفقك...
-
انا كلمته امبارح و اديتة رقم رمضان في الحرفيين برده و كلمتلة قطب و قالي اوقات لما بتجيب وش سلندر السمايز بتتسلخ من جنابها و علاجها بيكون انه بيجيب شمايز استيراد و يخرطها على البساتم و شنابرها و بتشتغل بعد كدة عادي
-
يا اخواني اشكركم جميعا علي نصائحكم الغالية
انهردا باذن اللة هروح اقطر العربية واوديها لقطب بنائا علي رئي aYaBooY الي بنتهز الفرصة اني اشكرة علي ذوقة لانو هوا الي اتصل بيا وقالي اعمل اية ودة من زوقة فربنا يكرم واعرف اصلحها وتبقي كويسة ومضظرش اغير المتور لان دي تكلفة عالية جدا عليا.
بس انا محتار اوديها لقطب زي رئي aYaBooY وزي مكنت ناوي ولا عند مسلم ولا رمضان انا الصراحة اتلخبط ياريت لو حد يعرف حد كويس لاني معرفش حاجة ومش عايز الموضوع يفتح في فلوس كتير ربنا يستر.
العربية حاليا في الحرفين وانا ساكن في شبرا فياريت يكون حد كويس ومش غالي مش مهم المكان فين اهم حاجة تتصلح كويس
والله الموفق واشكركم جميعا
Content Relevant URLs by
vBSEO 3.6.0 PL2