لو بطلنا نحلم نموت

**SuMo** · 22-10-2007 11:21 PM

el-nady el-ahly tb3n

**amr mokhtar** · 23-10-2007 12:17 AM

بس يا جماعة إحنا نسينا حاجة مهمة
يعنى إيه وطن؟ انا شايف ان الوطن هو المكان اللى الواحد بيبقى فيه فى وسط اهله و يعيش فيه حياه كريمة ( و تحت كريمة دى 100 خط )
انا مقدر جدآ الكلام الحلو اللى مكتوب و بجد الواحد بدأ يفكر بإسلوب مختلف بس عشان نكون موضوعيين محتاجين نعرف شوية حاجات
اولآ (بعيدآ عن السياسة و الحكومات ) هل إحنا عايشين مع بعض فى حياه كريمة عشان نحس ان إحنا فى وطنا بجد .. يعنى هل كل واحد مننا بيعامل الآخر بإسلوب محترم.. انا اللى خالانى اكتب الموضوع ده هو انى الفترة اللى فاتت اتعرض لأذى كتير من الناس اللى بيرمى زبالة على العربية و اللى لسانه مش بيبطل شتيمة و حاجات كتير

ثانيآ لما كنت فى المدرسة مدرس العربى قالنا حاجة مختش بالى منها قبل كده ... ليه النبى صلى الله على و سلم بعد فتح مكة رجع تانى للمدينة ؟؟ رغم ان مكة هى بلده الأساسى!!
و السبب حسب رأيه ان الوطن كان هو المكان اللى حس فيه النبى بالأمان و الإحترام اللى كان مفقود فى مكة

خلاصة الكلام ان إحنا عشان نحب بلادنا حب صادق لازم نحس ان هى كمان بتحبنا و ان الناس قلبها على بعض حتى لو كانت الظروف السياسية و الإقتصادية سيئة
و بعدين تعالوا نشوف المنتدى اللى إحنا بنشارك فيه ده و نسأل ليه إحنا بنحبه كده و بنحس انه بتنا التانى؟ و والله انا حبيت ناس هنا من غير ما شفهم وده عشان الكل بيحترم بعضه و بيقدر اراء الآخرين و الكل بيساعد التانى بدون فائدة شخصية و هو ده سبب نجاحه
يا رب تكون الفكرة وصلت بوضوح و فى انتظار الردود

**ابوحميد** · 23-10-2007 12:31 AM

حسام حسن كتب

لو احنا 1 صحيح يبقى مصر = 1 صحيح، و لو احنا فضلنا كسر، يبقى هتفضل بلد كسر

+1
فعلا مش هيا دى مصر اللى بتتكلموا عليها بلد الرسلات والانبياء
وبعدين احنا بنحب مصر زى ما السودانى بيحب السودان والاردنى يحب الادرن
يبقى مش غريبة

**limo** · 23-10-2007 12:49 AM

انا بعشق البلد ده
لو عايز تعرف انت بتحب البلد ده ولا لا ؟روح سافر بره مصر واعد فتره هتحس بحنين جامد ناحيتها ده يمكن كمان تحلم بيها وانت نايم

ركز على الايجابيات لانك لما تشوف الجانب السلبى بس عمرك ما هترتاح وهتخنق منها

**Abu Aly** · 23-10-2007 02:27 AM

انا بعشق البلد ده
لو عايز تعرف انت بتحب البلد ده ولا لا ؟روح سافر بره مصر واعد فتره هتحس بحنين جامد ناحيتها

.. سافرت كتير والله ... اللى بيحصل يوم العوده بيجللى اكتئاب شديد كل ما افتكر انى راجع للزحمة و الدوشة
و فوضى الميكروبات و السيارات و القذارة اللى الحكومة مابيتشلهاش و الروتين و تفتيح المخ للحصول على اى حق او خدمة .. و التعليم و الصحة و مترو الانفاق على رأى صبحى و المرتبات التعبانة اللى يدوب تجيب عيش حاف و السرقة و النهب للحرامية الكبار عينى عينك ... من المطار لشارع العروبة الجميل النضيف اخر حلاوه و بعد ماتعدى النفق ....................

ركز على الايجابيات

انا باركز اهه ....

**mtema99** · 23-10-2007 10:26 AM

لما بشوف او اقرا اي حاجه عن تاريخ مصر الفرعوني بحس قد ايه البلد ديه كانت عظيمه

كانت عظيمه لما كانوا اهلها عظماء

**مدحت منيب** · 23-10-2007 11:30 AM

موش عارف....!!!!!!

**tamohsen** · 23-10-2007 11:33 AM

ثانيآ لما كنت فى المدرسة مدرس العربى قالنا حاجة مختش بالى منها قبل كده ... ليه النبى صلى الله على و سلم بعد فتح مكة رجع تانى للمدينة ؟؟ رغم ان مكة هى بلده الأساسى!!
و السبب حسب رأيه ان الوطن كان هو المكان اللى حس فيه النبى بالأمان و الإحترام اللى كان مفقود فى مكة

فعلا هو ده المفيد

الوطن هو المكان اللى بتحس فيه بالأمان و الإحترام وسط اهلك

محدش فكر احنا ليه مرتبطين بنايل موتورز
اغلبنا ابتدي واتعرفنا علي بعض في كونتاكت كارز "كان يمثل وطنا الأول"
لما حسينا فيه بعدم الامان و الاحترام "مثال حذف مشاركتنا بدون سبب"
حاولنا نغير الوضع اكتر من مره لاكن اصحاب وطنا الاول في كونتاكت كارز لم يستجيبو لنا مهما حاولنا
كان ايه الحل
كلنا فكرنا في وطن جديد لينا كلنا مع بعض فيه نظام واحترام "نايل موتورز"
نقرر مصيره بايدينا ويتفاعل معانا
وكلنا هاجرنا لييه
واللي خسر كان كونتاكت كارز بصحابه

تفتكرو في حد دلوقت ممكن يرجع لكونتاكت كارز تاني؟
اه ممكن نروح نبص عليه مره وكلنا شوق وذكريات
وبعدين نرجع هنا تاني لبيتنا اللي فيه احترامنا

فكروا كده شويه في القصه دي
وبعدين ردوا

**goodwave** · 23-10-2007 11:38 AM

و عسى نفكر بعض بالحاجات الجميلة اللى موجودة فى مصر

قعدة حلوة على كورنيش إسكندرية وتشم الهوا النقي....... دي تسوى عندي كتيييير

**limo** · 23-10-2007 01:15 PM

المشاركة الأصلية كتبت بواسطة Abu Aly

انا بعشق البلد ده
لو عايز تعرف انت بتحب البلد ده ولا لا ؟روح سافر بره مصر واعد فتره هتحس بحنين جامد ناحيتها

.. سافرت كتير والله ... اللى بيحصل يوم العوده بيجللى اكتئاب شديد كل ما افتكر انى راجع للزحمة و الدوشة
و فوضى الميكروبات و السيارات و القذارة اللى الحكومة مابيتشلهاش و الروتين و تفتيح المخ للحصول على اى حق او خدمة .. و التعليم و الصحة و مترو الانفاق على رأى صبحى و المرتبات التعبانة اللى يدوب تجيب عيش حاف و السرقة و النهب للحرامية الكبار عينى عينك ... من المطار لشارع العروبة الجميل النضيف اخر حلاوه و بعد ماتعدى النفق ....................

ركز على الايجابيات

انا باركز اهه ....

واضح انك شايل جامد اوى منها :D

والله انا حاسس ان فيه تقدم اينعم تقدم مش جزرى بس فى امل

التقدم مش هيجى مره واحده لا ده لازم ياخذ وقته شويه شويه

شوف مثلا المرور حاله اتظبط كتير عن زمان -شوف كميه الشباب المتطوع فى الجمعيات الخيريه وغيره

انا معاك ان في حاجات تخلى الواحد عايز يطفش من البلد ده بس الواحد هيعمل ايه قدرنا اننا نتولد فى

فيها وقدرنا اننا نعيش فيها

دورنا بقى اننا بحاول نصلح السلبيات هتقولى ازاى ؟

هقولك كل واحد يبداء بنفسه يحاول يصلح نفسه علشان يعرف يصلح السلبيات الى موجوده لان فاقد

الشيئ لا يعطيه انا لو مش عارف اصلح حالى ازاى هتصلح حال غيرى

عارف الموضوع عارف زى ايه واحد معاه عربيه قديمه ومطلعه عينه كل يوم يروح الميكانيكى

ويدفع الشيئ الفلانى بس نفس الوقت العربيه ده عزيزه عليه اوى مش ممكن يبعها ويجيب عربيه زبرو

تفتكر هيعمل ايه ؟ اكيد هيستحملها وخلاص ويحاول يصلح فيها .

انا والله حاسس بيك وسعات كتير بفكر زيك كده بس برجع وادى نفسى امل فى المستقبل واحاول اصلح

حاجات بسيطه شايفها امامى

اسف جدا على الاطاله والكلام الى مش مترتب وادعوا معايا ان حال الناس ينصلح وينصلح حال البلد

والسلام عليكم ورحمه الله وبركاته