لو بطلنا نحلم نموت

**amr mokhtar** · 22-10-2007 01:16 AM

إيه الكويس فى مصر؟
سؤال يبدو سازج ... بس انا خلاص تعبت .. انا من يوم مولدى و انا بسمع اهلى و الناس اللى فى الشارع بيشتموا فى البلد دى لدرجة انى خلاص بقيت حاسس ان مفيش امل فى اى حاجة و ان إحنا اتولدنا عشان نعيش فى الغم ده على طول أو اللى يعرف يطير ما يفكرش مرتين :-)

فحبيت انى افتح الموضوع ده لعل و عسى نفكر بعض بالحاجات الجميلة اللى موجودة فى مصر (إن وجدت) و الأشياء اللى ممكن تكون مازالت أحسن من بره فيها ... لعل ده يحسن نظرتنا لنفسنا و نظرتنا لبلدنا

و المطلوب ان كل واحد شايف حاجة كويسة او مبشرة بالأمل يكتبها
و ربنا معاكوا

**Ahmed Anwer** · 22-10-2007 01:27 AM

حركة كفاية

**أبو عبدالله** · 22-10-2007 01:33 AM

وعسى ان تكرهو شيئا وهوا خير لكم
وعسى ان تحبوا شيئا وهو شر لكم

**معاذ الشرباصى** · 22-10-2007 01:38 AM

افتح اهرام الجمعة, و اقرأ المقال بتاع بريد الجمعة, عن قافلة شعاع مصر

و لو انت تعرف طلبة فى جامعات القاهرة بالذات اسأل عن رسالة و نشاطاتها

حاجة تشرح القلب

و تعرف ان الشباب مش لازم يبقى مستهتر او ضايع, لأ فعلا فيه كتير فيهم خير كتير, بس يتوظف صح و لصالح الامة

**mtema99** · 22-10-2007 01:42 AM

مش هقول غير
لو مكنتش كويسه مكنتش كل دوله عندها قوات عايزه تاخدها في صفها
إما بالاحتلال العسكري او الاحتلال الفكري
لو مكنتش كويسه مكنش يهود موسى قعدوا فيها و هما متعذبين من فرعون
لو مكنش اهلها كويسين مكنش سيدنا المسيح قال اهل مصر خير العجم او اكرم العجم مش فاكر النص بالظبط
لو كنش اهلها كويسين مكنش كل الرسل دعولهم و اخرهم خي رسل الله محمد صلى الله عليه و سلم عندما قال في ما معناه
عجم مصر خير العجم
و حينما وصى اصحابه على اهل هذه البلد
لو مكنتش البلد كويسه مكنش ربنا خلى فيها ارض المحشر و الوادي المقدس
لو مكنتش كويسه مكنش اهلها هما اصل العلوم حتى الان
لو مكنتش كويسه و اهلها كويسين مكنش محمد علي باشا حلم انه يقدر يسيطر على اوروبا و شبه الجزيره في وقت واحد
بس بغبائه طلع ربع الجيش بس
لو مكنتش كويسه مكناش بقينا عاصمه تانيه لليونان و الرومان و الاغريق و حتى الفرس و البيظنتيين
لو مكنتش كويسه مكنش في العصور الاسلاميه يبقى لينا مكانه خاصه حتى عند العرب اللي بيكرهونا دلوقتي
لو مكنتش كويسه مكنتش خلفت افلاطون و سقراط و و و
i love it
كل اللي حصل فيها دلوقتي اخطاء 4 اجيال جيلنا و جيل ابأنا و اجدادنا واباء اجدادنا
فمش على 4 اجيال هننسى 500 قبلهم
لو مكنتش كويسه مكنش يبقى منها اكثرر نبي نزل عليه رسالات
النبي شيث و نبي الله ادريس عليهم السلام

**hazem_khidr** · 22-10-2007 06:40 AM

ضله جنب نيلها تسوي الف قصر.............
انا بعشق البلد دي رغم كل السلبيات اللي فيها و اللامبالاه بمصالح الناس و اللي مش عارف قيمتها يسافر بره بس و يرجع لها تاني حيحس فعلا بقيمه البلد دي

**Ahmed Samy** · 22-10-2007 06:48 AM

و الله أنا برضه بحب البلد دي قوي
و صعبان عليا حالها
بس احنا وحشين
و بلاش افتح في النقطة دي احنا ليه وحشين , علشان الموضوع ده بتاع الايجابيات بس :?

**mtema99** · 22-10-2007 08:40 AM

و الله أنا برضه بحب البلد دي قوي
و صعبان عليا حالها
بس احنا وحشين
و بلاش افتح في النقطة دي احنا ليه وحشين , علشان الموضوع ده بتاع الايجابيات بس

أديك قولتها

أحنا وحشيــــــــــــــــــن مش هي

**m_aash** · 22-10-2007 12:30 PM

أنا سافرت أوروبا و شرق آسيا و كنت منبهر جدا بالنظام و النظافة و الحضارة اللى هناك بس كان فيه حاجات ما لقيتهاش بره البلد دى و هى الدفا و الحنية و العشرة الطيبة (بكسر العين) اللى تهون عليك ألف مصيبة و مصيبة , ده غير حضن الأهل اللى دايما ترجعله و تحن له.
برغم كل السلبيات اللى فى بلدنا و بنشتكى منها , إللا إن الواحد مننا لو خرج بره البلد دى لفترة هايحس إنه زى السمكة اللى خرجت من الميه

**Abu Aly** · 22-10-2007 12:39 PM

و يا ريت كمان لو الستات تبطل تحبل !! :mrgreen: :mrgreen: :mrgreen: :mrgreen:

الموضوع: لو بطلنا نحلم نموت

LinkBack

أدوات الموضوع

عرض

-

-

-

-

-

-

المواضيع المتشابهه

بطلنا نحوش-بسبب الموبايلات وكروت الشحن-حتى الأطفال كمان-ياترى دة سبب فقر المصريين.

خلوا بالكم من أولادكم قبل مانموتهالكم أو أحنا نموت بسببهم , موقف حصل معايا شخصيـــــا

لو بطلنا نحلم .. يحصل إيه

هل من حقنا نحلم بان تكون مصر احلى ؟؟؟ سأل يحتاج اجابة !!

الكلمات الدلالية لهذا الموضوع

المفضلات

المفضلات

ضوابط المشاركة