في التوكيل ولا برة التوكيل؟

**lio_m** · 02-08-2009 09:29 PM

الزملاء الاعزاء ....... السلام عليكم ورحمة الله

الواحد دايما بيحتار يعمل الصيانة في التوكيل ولا برة
فيه أعمال صيانة بسيطة ممكن تتعمل برة التوكيل من غير خوف زي تغيير الزيت وفلتر الزيت والبوجيهات......
وفيه صيانات مهمة الأضمن إنها تتعمل في التوكيل زي تغيير طقم سيور الكاتينة وطقم السيور الخارجية.
(هذه مجرد أمثلة أرجو التعليق عليها من أصحاب الخبرة)

أقترح في هذا الموضوع عمل حصر لأعمال الصيانة اللي ممكن تتعمل برة التوكيل وأعمال الصيانة اللي لازم تتعمل في التوكيل أو مركز خدمة معتمد.

وهل تغيير فلتر البنزين للبوما ممكن يتعمل برة التوكيل؟

**eltorky** · 03-08-2009 09:48 AM

فكرة هايلة و مفيدة و أنشاء الله تفيد الجميع متابع بهتمام

**mohamedway** · 03-08-2009 11:48 AM

كل حاجة ممكن تتعمل بره التوكيل بس قطع الغيار تكون من التوكيل و غالبا الشغل هيبقه أنضف كمان لأن التوكيل بيبقه عليه ضغط زحمه رهيب و العربية مش بتبقه قدام عينك و هى بيتعملها صيانة و الحاجة اللى فعلا أفضل انها تتعمل فى التوكيل هى الكشف على الموتور بالكمبيوتر رغم ان ده متوفر بردو بره بس مش بأجهزة أصلية و متوافقه مع العربية زى اللى فى التوكيل و حاجه كمان يفضل تتعمل فى التوكيل وهى تغيير طقم الكاتينة و ده عشان التوكيل يبقه مسؤول عن ضبطة الموتور بعد هذه العمليه لأن تقسيمة الموتور ممكن تتغير فى الموضوع ده لو الكاتينه متزبطتش صح و هيبقه الكمبيوتر عندهم يقدر يشيك بيه على ان كله تمام و يبقوا مسؤولين ان الموتور أداؤه ميتغيرش و لو حصل حاجه نتيجة خطأ فى تركيبه يتحملها التوكيل لأن فلتة سير الكاتينه = دمار الموتور و هم بيبقوا مديين ضمان 3 شهور على عمليات الإصلاح و لو مثلا غيرولك سير الكاتينه و مكانش راكب كويس و فلت من مكانه لأى سبب و الموتور ضاع خلال ال3 شهور دول يبقه التوكيل ملزم يجيبلك موتور جديد أو على الأقل ملزم يصلح الأضرار على حسابه اللى هتكون مكلفه طبعا جدا جدا جدا.

**أبو إياد** · 03-08-2009 12:10 PM

**lio_m** · 04-08-2009 11:24 PM

المشاركة الأصلية كتبت بواسطة eltorky

فكرة هايلة و مفيدة و أنشاء الله تفيد الجميع متابع بهتمام

شكرا على اهتمامك ولو عندك تجربة تثبت عمليا أيهم افضل قولنا عليها

**lio_m** · 04-08-2009 11:34 PM

المشاركة الأصلية كتبت بواسطة mohamedway

كل حاجة ممكن تتعمل بره التوكيل بس قطع الغيار تكون من التوكيل و غالبا الشغل هيبقه أنضف كمان لأن التوكيل بيبقه عليه ضغط زحمه رهيب و العربية مش بتبقه قدام عينك و هى بيتعملها صيانة و الحاجة اللى فعلا أفضل انها تتعمل فى التوكيل هى الكشف على الموتور بالكمبيوتر رغم ان ده متوفر بردو بره بس مش بأجهزة أصلية و متوافقه مع العربية زى اللى فى التوكيل و حاجه كمان يفضل تتعمل فى التوكيل وهى تغيير طقم الكاتينة و ده عشان التوكيل يبقه مسؤول عن ضبطة الموتور بعد هذه العمليه لأن تقسيمة الموتور ممكن تتغير فى الموضوع ده لو الكاتينه متزبطتش صح و هيبقه الكمبيوتر عندهم يقدر يشيك بيه على ان كله تمام و يبقوا مسؤولين ان الموتور أداؤه ميتغيرش و لو حصل حاجه نتيجة خطأ فى تركيبه يتحملها التوكيل لأن فلتة سير الكاتينه = دمار الموتور و هم بيبقوا مديين ضمان 3 شهور على عمليات الإصلاح و لو مثلا غيرولك سير الكاتينه و مكانش راكب كويس و فلت من مكانه لأى سبب و الموتور ضاع خلال ال3 شهور دول يبقه التوكيل ملزم يجيبلك موتور جديد أو على الأقل ملزم يصلح الأضرار على حسابه اللى هتكون مكلفه طبعا جدا جدا جدا.

كلام جميل جدا
لكن على حد علمي ممكن نجيب قطع غيارأصلية من برة التوكيل بأسعار أرخص كتير
مثلا فلتر الهواء لبومة في التوكيل 185 جنيه وفي أي مركز خدمة موبيل وان حوالي 75 جنيه !!!!!!!!!!!
وشكرا على التوضيح بخصوص تغيير سير الكتينة والكشف بالكمبيوتر