ودا اكبر دليل على ان مصر بلد لا تعرف المستحيلاقتباس:
يا جماعة
يا أحمد يا كمال تحديدا
ماحدش بينتقص من الناس البسطاء "كما وصفتهم" و ما حدش أنكر عليهم النعمة ولا انهم يركبوا أبوللو حتى
انما ...
في واقع لا يمكن للمثاليات كسره أو تخطيه
بي ام دابليو ليست سيارات للبسطاء (مش لازم للأغنياء يعني) بس للميسورين على أقل تقدير
يعنى لو لو فكهاني بسيط أو حارس عقار كسبها ...تفتكرو يقدر يعملها صيانة الستين ألف ؟؟؟؟؟؟؟
بلاش هايقدر يغير زيت و فلتر حتى ؟؟؟؟ ولا فردة كاوتش runflat من اللي تمنها حتى 2000 جنيه ؟؟؟؟ (اكتر بس بلاش أخضكو)
طبعا لأ ...الطبيعي انه هايبيعها و حقه و حلاله و ما حدش يقول حاجة
نيجي للوجه الآخر
الزبون اللي دافع فوق الميتين وخمسين الف بندق في عربية صغيرة وضيقة جدا وغير عملية و فقيرة الكماليات و المحرك
تفتكرو بيشتري إيه ؟؟؟؟
بيشتري برايد ..وجاهة
تميز يمكن ...
منظره انه راكب عربية مميزة ومش منتشرة قوي لأن مش كتير يفكر يجيبها الا اللي "فلوسه كتير و ركيب بقى و الكلام ده)
وده برضه يشتريها وحقه وحلاله و ماحدش يقوله حاجة
النقطة هي نقطة اصطدام صريح
ان الشخص الأول ركب العربية ففقدت الكثير من قيمتها الواهية لدى الشخص الثاني
أولا العربية بقت بتتوزع على الناس ......وده يفقدها رونقها و إيه كمان 50 واحدة مش واحدة و السلام !!!
ثانيا سعرها وقع ...ولسه هايقع لما الخمسين أو غالبيتهم ينزلوا السوق
ثالثا ..العربية تملكها اشخاص من مستوى اجتماعي أقل من زبائنها المعتادين -بدون إهانة لأحد- وده هايخلي زبائنها المعتادين و ملاكها يزعلوا منها
علشان الغرض الأكبر من تملكها
انضرب بالجزمة
كل شيء ممكن وجايز