-
تكاليف صيانة السيتي 2009
بسم الله الرحمن الرحيم
إن شاء الله نجمع هنا تكاليف الصيانة و قطع الغيار و الكماليات الخاصة بالسيتي 2009 , وبكده نكون غطينا العربية من كل النواحي أول بأول , و تكون مرجع لأصحاب السيتي الحاليين والمحتملين.
صيانة 1k: مجانية , يتم ربط العفشة و مراجعة السوائل و الزيوت.
قطع الغيار:
فانوس أمامي 1692
فانوس خلفي 905
أكصدام أمامي 1870
أكصدام خلفي 1650
شبكة أمامية 550
رفرف أمامي 1155
باب أمامي 2651
كبوت 1664
شنطة 1750
زجاج أمامي 3800
زجاج باب أمامي 930
زجاج باب خلفي 750
مراية جانبية 611
تيل فرامل أمامي 550
تيل فرامل خلفي 228
فلتر زيت 40
فلتر هواء 141
سير كاتينة جنزير 643
سير تكييف 187
بوجيه بلاتينيوم 275 للواحد
-
هى بتتلين اول 1000 كيلو و متشغلش تكيف برضه ولا عادى ؟
-
تسلم يا ريس بس غموما هي هتنزل عن كده كمان قريب عشان دي سياسة الوكيل وان شاء الله هنسمع اخبار كويسة
-
أنا كنت حاطط العربيه دي كاختيار أول ... و كنت ناوي اجيبها قريب
بس مش بالأسعار دي أبدا
أعتقد إن الوكيل مش هامه يبيع أو إن العربيه تنتشر ....
أد ما هو يهمه إن اللي يشتري يكون عنده استعداد يدفع بعد كده ...
عربيه في الفئه دي ... و قطع غيار أعلى من الفورد و الكرولا !!!!!
مش عارف ده إسمه إيه , بس عرفت لييييه أنا مابشوفهاش في الشارع رغم إن هي بقالها تقريبا سنه !!!!
خليييييها تصدييييييييييييي !!
اسف على الإطاله : (
-
ياباشا اللف شكرا...شكرا على المعلومات وعلى التقييم سابقا..
-
أنا قريت الأسعار قولت silicon قصده عالسيفيك مش السيتي !!!!!!!!
دي أغلي من السيفيك كمان !!!!!!
أعتقد ان كده غالي اوي اوي و لازم الوكيل يشوف حل !!!
ازاي العربية أقل في كل حاجة من السيفيك و من فئة أقل و يبقي قطع الغيار أغلي ؟؟؟؟!!!!!
-
MegaDeth
التكييف شغال عادي , تغير الزيت و الفلتر بعد 5000
بس أول 1000 الأهم لتحديد مستقبل الموتور و أول 300 الأهم للفرامل
myehia105
الحقيقة انا مش هقدر أقول خليها تصدي , أنا عايز أركب هوندا و مقدرش علي سعر السيفيك
غالبا لما العربية هتقدم الأمور هتتظبط بس عشان ده يحصل العربية لازم تبيع كتير ويبقالها سوق و حركة
المفروض الهونادوية القدام يقولوا الأسعار بتنزل و قطع الغيار بتتباع برة التوكيل ولا لأ
-
[ الحقيقة انا مش هقدر أقول خليها تصدي , أنا عايز أركب هوندا و مقدرش علي سعر السيفيك
غالبا لما العربية هتقدم الأمور هتتظبط بس عشان ده يحصل العربية لازم تبيع كتير ويبقالها سوق و حركة
المفروض الهونادوية القدام يقولوا الأسعار بتنزل و قطع الغيار بتتباع برة التوكيل ولا لأ[/QUOTE]
عزيزي Silicon 25
ألف مبروك على العربيه وربنا يباركلك فيها
أنا كنت سألت فعلا امبارح عليها قبل حضرتك وسبحان الله حضرتك جبتها في نفس اليوم : ))
بس الوكيل ده فعلا مش عارف بيفكر إزاي ؟!
العربيه في بلد زي الهند واخده نمره واحد هناك الوكيل بينزلها بأكتر من موديل ,ومقرتش هناك من الشكوى من قطع الغيار أبدا
لأن شركة هوندا صممت العربيه دي مخصوص عشان الدول النامية .....
يعني متراعي فيها إن سعر التكلفه و قطع الغيار تكون مناسبه ..
العربيه ماشاء الله ممتازه و في نظري أحسن عربيه في السوق في فئتها على الرغم من نقص الكماليات :(
وأتمنى فعلا يكون ليها حل في مسألة قطع الغيار : ))
شكرا لييك جدا على مجهوودك : ))
-
ودى لينك في موضوعات كتير عن العربيه في الهند وكلها بتشكر جدا فيها و في الوكيل
www.team-bhp.com
واعملوا فيه بحث عنHonda City 2009
-
يا جماعة خلو بالكو ان العربية مش منتشرة اوي برده زي التويوتا واللانسر يعني الراجل ده لما بيشتري قطع الغيار بيجيبها غالية عشان مش بيشتري منها كتير وفي حاجه تانية الدول التانية دي معندهاش جمارك ...و احنا عندنا جمارك ... بلاش نظلم الوكيل ... معظم التوكيلات غالية بس هوندا رافع عنهم شوية بس اعمل حسابك انك راكب عربية محترمه والدليل ان في عربيات موديلات قديمة في هوندا ولسه ماشية واداءها زي ما تكون جديده ...يعني شعار هوندا .. ( موتور العمر الطويل )اصبرو عليها شوية
Content Relevant URLs by
vBSEO 3.6.0 PL2