استفسار عن دايهاتسو شاريد وقطع غياره موديل 90 او 92

**dondark** · 03-08-2009 02:06 AM

بسم الله الرحمن الرحيم
انا بستفسر عن قطع غيار الدايهاتسو شاريد موديل 90 او 92 وياريت حدود سعرهم بالظبط
وقطع الغيار غالية ولا رخيصة
ومعمره ولا لا
ومنتشرة او لا
انا معايا فى من18 ل20 واختيارى بين 128 وبين الشاريد
انا بصراحة معرفش شكلها اوى الى هو موديل السنين دى... ياريت حد يجبلى صور توضيح ليهم ورائى الناس فيهم
وانها اوتوماتيك دا عيب ولا ميزة وموضوع انها 3 سلندر
يعنى نصيحتكم اية
؟؟؟؟؟؟؟؟؟؟؟؟؟؟
وشكرا جدا ليكم

**mohamed_rhem** · 03-08-2009 12:41 PM

العربيه بسم الله ما شاء الله

انا معايا النموزج الهاتش باك موديل 90 مكيفة مانيوال افضل عن تجربه عموما الاتوماتيك ارخص

السيدان افضل في قوه الموتور والسحب لانها 1300 سي سي مش 1000 زي عربيتي

بصراحه العربيه بقالها معايا سنتين

ومستحصر ابيعها واجيب اكبر وبسافر بيها في كل مكان الغردقه الصعيد

والحمد لله عربيه اصيله مسخنتش ولا مره ولا الميه بتاعتها بتنقص

بالنسبه لقطع الغيار موجوده في كذا مكان واسعارها حلوه مش حتحس انها غاليه ومعمره

بس انصحك لو لاقيت حاجه وديها للمهندس سيد الفراش يكشفلك عليها ولو اعتمدها خليه يغيرلك السيور والزيت ويضبطلك الموتور

اسعار قطع الغيار مش غاليه معقوله جدا انا لسه عمل عمرة ومغير كبالن وعفشة وتقريبا كل الحاجات اللي بتستهلك الاسعار
مقبوله انا بصراحه وعن تجربه مقدرش افرت في العربيه ده خالص

ولو في اي استفسار انا في الخدمه ولو عايزني ابصلك عليها مفيش مشكله

ابو اياد

**mohamed_rhem** · 03-08-2009 01:18 PM

بص يا باشا

الاتوماتيك في ال 1000 سي سي سحبها مش حيعجبك

انما لو موضوع السحب والتسارع مش فارق معاك يبقي الاتوماتك كويسه

مش كل الموديلات مكيفة انما اتوماتيك وتكييف علي 1000 سي سي كتير جدا في 1300 هاتش باك برضه وده افضل بس اتأكد انها نازله 1300 مش متعدلة

الفتيس الاتوماتيك موجود بس معرفش ثمنه كام لكن صيانته صعبة وممكن يتعبك وحيأثر علي سحب العربيه

المهندس سيد الفراش يعتبر علم في الديهاتسو خصوصا التسعينات لانه كان ماسك توكيل رجب التوكيل السابق لديهاتسو وعنده مركز صغير في الحرفيين السلام خلف مسجد العزيز بالله حتلاقي الاقام تليفوناته موجوده في موضوع مثبت في الديهاتسو

مش حيفرق الموديل اهم حاجه الحالة

يعني مثلا في بعض الموديلات 92 بتنزل بساعه في التابلوه وrpm ومساحه للزجاج الخلفي طبعا ده 1300

اهم حاجه لا تتنازل عنها التكييف ولازم يكون شغال وش حيتصلح لانه حيكلفك كتير

اسعار العربيه المكيفه دواخل فبريكه تتراوح بين 20 الي 23 الف حسب الحاله وقد تصل الي 25 او 26 برضه حسب حالتها

وانصحك كثرة الاستخارة

**shaltot** · 03-08-2009 10:21 PM

بص اخي الفاضل ممكن تتصل بالمهندس سيد الفراش وتاخد وتدي معاه في الكلام عن العربية وتليفونه 0101003520
او تتصل بال د علاء طلعت برده عنده محل قطع غيار دايهاتسو فقط وتاخد وتدي معاه في الكلام عن العربية وتليفونه 0122329489
وربنا يكرمك بحاجة كويسة

**mohamed_rhem** · 04-08-2009 10:48 AM

بص يا باشا اسعار من 20 الي 23 ده اسعار ال 1000 سي سي مانيوال
ال 1300 مانيوال تصل الي 25 شرط التكييف

هي ال 1000 مع التكييف معايا كويسه خصوصا لو اغلب مشاويرك جوا البلد وقليلا ما تسافر

انما ال 1300 احسن في السفر وكمان ليها عزم في الشد

في اغلب الاحوال لا افضل الاتوماتيك لكثرة اعطاله

**dondark** · 04-08-2009 12:47 PM

المشاركة الأصلية كتبت بواسطة mohamed_rhem

بص يا باشا اسعار من 20 الي 23 ده اسعار ال 1000 سي سي مانيوال
ال 1300 مانيوال تصل الي 25 شرط التكييف

هي ال 1000 مع التكييف معايا كويسه خصوصا لو اغلب مشاويرك جوا البلد وقليلا ما تسافر

انما ال 1300 احسن في السفر وكمان ليها عزم في الشد

في اغلب الاحوال لا افضل الاتوماتيك لكثرة اعطاله

طيب هو فى 1000 مانيوال ؟؟؟؟؟؟؟ ولو فى سعرها يبقة كام؟؟؟؟؟؟؟؟؟
وطالما اعطالها كتير هبعد عن الاوتوماتيك خالص وهركز فى المانيوال

**mohamed_rhem** · 05-08-2009 10:52 AM

20 الي 23 وممكن اكتر بس نصيحه
خد عربيه تكون اساسياتها وموتورها كويس لان لو فيها شغل حتعدي معاك
علي سبيل المثال لا الحصر
يعني لو الموتور خفيف شويه انت بتتكلم في 1000 الي 1500 عمره
المساعدين ضعيفه انت عايز 4 مساعدين ب 1060 غير المصنعيه
الكاوتش تعبان لو الفرده 145 حيعمل 4 فرد 650
التكييف لو شحن بس 100 جنيه ولو اكتر ممكن يصل الي 700

فنصيحه خلي بالك وركز قوي تكون حاله العربيه كويسه

ومش مشكله لو دفعت 24 او حتي 25 اهم حاجه تركب عربيه مفيهاش غلطه

لان لو فيها تصليح حتصرف اكتر بكتير

وربنا يوفقك وتلاقي حاجه كويسة