مصر الأخرى .. أرقام وتقارير مخيفة

**أبو عبدالله** · 07-08-2009 05:36 PM

المشاركة الأصلية كتبت بواسطة madoo

من اكتر المواقف اللى ضحكتنى الكام يوم اللى فاتوا موضوع لما وقف الطالب بظاظو قدام رئيس الوزار ء احمد نظيف وقاله البلد مليانه فساد
فرد الباشا الوزير روح اتفرج على القريه الذكيه , يابنى دى مصر من اكبر الدول المصدره لللبطاطس لاوروبا

والله العظيم والله العظيم والله العظيم

بفتح الجرنال تانى يوم الاقى خبر بيقول قرر الاتحاد الاوربى بوقف استيراد البطاطس المصريه لظهور مرض العفن البنى بها للمره السادسه

جامده بجد موضوع البطاطس دي
يعني افهم من كده ان نظيف قر على تصديرنا للبطاطس

**Eng.Sameh** · 07-08-2009 05:44 PM

سؤال ؟؟؟؟؟؟؟؟؟؟؟؟

أحنا المفروض نقرأ الأرقام دي ، وبعدين ....
1- نتحسر علينا وعلى عمرنا
أو
2- نتحسر على عيالنا اللي بوادر مستقبلهم مظلمة مما يحدث واحنا قاعدين نحسبن
أو
3- نتريق ونكت ونهزر لتأكيد اننا متخلفين وان الأرقام ناتجة عن تخلفنا كلنا
أو
أو
أو
.
.
.
.
.

مش شايفين اننا بقينا سلبيين قوي ، طب بلاش ، مش شايفين ان السواد بيزيد باستمرار واحنا بنزيد ضعف وهوان ، طب بلاش ، مش شايفين ان لو آبائنا وجدودنا كانو مستسلمين زينا للملكية والأحتلال وغيره كنا زمانا بقينا عبيد وكان زمانا بندعي عليهم في كل لحظه .. اعتقد ده هيكون حال اولادنا لما يكبروا يمكن حتى يستخسروا يترحمو علينا ....

يا ناس يا ناس يا ناس ... أنا خايف قوي على سيف الدين ابني ( واخواته بعد كده ان شاء الله ) .. محدش تاني خايف على ولاده ؟؟؟؟؟؟

نفسي نفكر مره بايجابية ونشوف ازاي نغير حال بلدنا .. متيجوا نحسن مستقبل ولادنا !!!

**PoweRPassioN** · 07-08-2009 06:15 PM

134 من 134 دوله
مرتين
يعني بُعد جديد للتخلف ف العالم كله
!!!!!!!!!!!!!!!!!!!!!!!!!!!

**Ghamrawy** · 08-08-2009 02:47 AM

بسم الله الرحيم "كلما دخلت أمة لعنت أختها" سورة الاعراف اية 38
هو ده حال البلد،الكل بيلعن فى الكل و الكبار هايصين
ربنا يرحمنا برحمته الواسعة حتى لو كانت الرحمة بالموت

بلد 0900 بصحيح

**princex1** · 08-08-2009 09:36 AM

حاجه تسبب الإنتحار
لا يمكن يكون التخلف ده كله بسبب 5000 مسؤل او الحكومه و بس
أكيد الشعب ده يستهال و محدش يقولي 50 في الميه من الشعب بيشتغل بضمير
احنا اللي بندفع الرشوه و نزوغ من الشغل اللي منعملوش بكفائه.....
كفايه علينا شؤم المعصيه
لما نصلح انفسنا ربنا هيصلح الحال

ربنا يهدينا....محدش يزعل الكلام يستفز اي حد

**م.احمد زكريا** · 12-08-2009 08:22 AM

قال تعالى في سورة الرعد (إن الله لا يغير ما بقوم حتى يغيروا ما بأنفسهم)

هو ده مفتاح حل مشاكل البلد كلها

كل واحد يتوكل على الله و يبدأ بنفسه ........... و إن شاء الله ( إن الله لا يضيع أجر من أحسن عملا)